Unicode
Jeonranto နိုးတဝက်ဖြစ်နေသည့်အခြေအနေတွင် သူ့ကိုတစ်ယောက်ယောက် ကြည့်နေသလိုခံစားရ၍ မျက်လုံးကိုဖွင့်ကြည့်လိုက်လေသည်။ထိုအခါ သူ့မျက်လုံးအရှေ့တွင်ပေါ်လာသည်က ဖြူဆွတ်ဆွတ်အရာတစ်ခု..မျက်ဆံခရမ်းရောင်နှင့် သူ့ကိုပြုံးပြလာသည်..
" အာ့! လန့်လိုက်တာ "
ရုတ်တရက်ဆိုသလို အိပ်ခြေမူးတူမို့ လန့်သွားရလေသည် ။ ထိုအခါ ချက်ချင်းဆိုသလိုပင် မျက်စိရှေ့ကလူကိုသေချာကြည့်မိတော့ နောက်တစ်ခါမျက်လုံးပြူးရလေသည်
" ဟ့ ခင်ဗျား ! "
" ခင်ဗျား ! ဘယ်လိုလုပ် "
Jeonranto မျက်လုံးတွေကိုပွတ်ကာ ထပ်ကြည့်ပြန်တော့လည်း အဲ့ဒီလူကပျောက်မသွား ။ ထို့ကြောင့် အိပ်ရာထဲမှ ကမန်းကတန်းထထိုင်လိုက်၍ မရင်းနှီးပါသောအခန်းပတ်ဝန်းကျင်ကို လည်ပြန်ကြည့်ပြီး ကုတင်ပေါ်မှဒေါကြီးမောကြီးဆင်းလိုက်ကာ
" မောင့် ! "
" ပြောစမ်း! ခင်ဗျားကျုပ်ကို ဘာလုပ်လိုက်တာလဲ! ကျုပ်ကို ဒီလိုထောင်ဖမ်းလို့ရမယ်ထင်နေလား ဟမ်! ကျုပ်လိုကောင်ကို ဒီလိုလုပ်ရဲတယ်ပေါ့ "
မောင်က ဘာကိုဒေါသထွက်နေမှန်းသူမသိရုတ်တရက်သူ့ပခုံးတို့ကို ဆွဲခါလှုပ်ရမ်းလာရင်း သောင်းကျန်းလာလေသည် ။ ထို့ကြောင့်
" နေ..နေပါအုံး မောင်ရဲ့ ။ငါမောင့်ကိုဘာမှမလုပ်ပါဘူး ။ ငါ့အိမ်ကိုမောင်ရောက်နေတယ်ဆိုတာက မနေ့ညက မောင်မူးနေတာကို မထင်မှတ်ဘဲလမ်းမှာတွေ့မိလို့ မောင့်အိမ်လည်းမသိတာနဲ့ ဒီကိုခေါ်ခဲ့လိုက်တာ "
" ယုတ္တိရှိအောင်ပြောစမ်းပါ ။ ကျုပ်က အရက်မူးပြီးလမ်းမှာ လျှောက်သွားနေမဲ့ကောင်လား "
" အဲ့လိုတော့မဟုတ်ပေမဲ့ မနေ့ညက မောင်တကယ်အဲ့လိုဖြစ်ခဲ့တာ မောင်မမှတ်မိဘူးလား "
ထိုအခါမှ သူ့ပခုံးပေါ်ကမောင့်လက်တွေကငြိမ်ကျသွားကာ မျက်လုံးတွေထောင့်ကပ်၍အသည်းအသန်စဥ်းစားနေလေသည် ။ ခဏကြာမှ ' ကျစ် ' ခနဲစုတ်သပ်သံနှင့်အတူ သူ့ကိုဆောင့်တွန်းပစ်လိုက်ပြီး မျက်ခုံးကြောတွေကို လက်မနှင့်လက်ညိုးကိုသုံးလို့ဖိနှိပ်ထားလေသည် ။
YOU ARE READING
" Lavender Blossoms Around His Neck "
Ficción históricaJEON JUNGKOOK X KIM TAEHYUNG Jeonranto X Taevender