روايه ارهقتنى بحبها
الفصل التاسع
بقلمى/منار العتال
سليم وقف فى مكانه مش عارف يعمل اى و شاف الورقه إللى فرح عطتهاله بالرقم و اتصدم اول ما شاف الرقم
سليم لنفسه معقوله !
سليم رن على الرقم و نبضات قلبه بتزيد
فجأه جه رد و سمع صوت هو عارفه كويس
الو؟
سليم نبضات قلبه زادت و عقله اتوقف عن التفكير بس حاول يرد و قال بلجلجه :مين معايا؟
- سليم نسيت صوتى و لا اى ؟
سليم بتوتر:هو انتى هدى؟
هدى بضحك:ايوا انا هدى الاكس بتاعتك إللى مش هتسيبك فى حالك
سليم بيبلع ريقه بصعوبة:انتى قولتى ل فرح اى ؟
هدى:فرح مين
سليم:متسهبليش فرح بنفسها هى إللى عطتنى رقمك
هدى :مقولتلهاش غير الحقيقه يعنى
سليم بخوف:حقيقه اى ؟؟؟
هدى بضحك :هو انا برضو إللى هقولك الحقيقه اى يا سلومتى؟
سليم بنفاذ صبر:حقيقه اى يا هدى اخلصي
هدى بنبرة حاده:قولتلها انك انت ضحكت عليا و قولتلي انك بتحبنى و قولت ل عشرين بنت قابلي نفس الكلام و خلعت
سليم بتوتر:بس الكلام ده كان زمان كنت صغير وقتها و انا دلوقتى بحب فرح و بس
هدى بسخريه:صغير؟ و بتحبها؟تصدق كده صعبت عليا يا حرام
سليم بعصبيه:هدى !!!! انتى عارفه كويس انى محبتكيش ف كلمى فرح و قوليلها ان الموضوع ده كان لعبه منك و خلصنا
هدى :تؤ مش هعمل كده يلا سلام بقي
قفلت هدى و فضل سليم واقف مش عارف يعمل اى دلوقتى طول عمره ماشي يقول ل دى بحبك و دى بحبك بالكذب ويسيبهم و يكسر قلبهم و عمره ما فكر ان ممكن يجى اليوم إللى هو يتكسر فيه
سليم نزل من عيونه دموع بس مسحها بسرعه و قام و حاول يتماسك و قال لنفسه انه مش هيسيب فرح تضيع منه
كان مراد نايم على على سريره فى البيت
هاجر بزعيق :انت كنت فين امبارح و راجع متاخر لي
مراد بنعاس:انتى مجنونه فيه حد يصحى حد كده ؟؟
هاجر بزعيق:ما انت لازم تفهمنى فى اى
مراد بعصبيه:مفيش و امشي اطلعي برا ل احسن والله ازعلك
هبه"والده مراد و هاجر :فى اى انتو الاتنين !!!صوتكم عالى لي
مراد بعصبيه:تعالى شوفي بنتك إللى اتجننت على الصبح دى
هبه بتكشيره ل هاجر :فى اى ؟
هاجر :البيه راجع متاخر امبارح و تصرفاته الفتره دى غريبه
هبه بتبص ل مراد :الكلام ده بجد؟
مراد بتوتر:عادى يا ماما يعنى شغل و اتفضلوا اخرجوا برا علشان الحق اغير هدومى و انزل
هبه:ماشي يا ابنى لما نشوف اخرتها يلا يا هاجر خلي اخوكى يلبس
......
هاجر :شايفه يا ماما تصرفاته ؟؟؟
هبه :ماله يا بنتى ما هو كويس اهو
هاجر بغضب:كويس؟؟ انتى شيفاه كده كويس؟ انا حاسه ان فيه حاجه غريبه مخبيها عليا بس اكيد هعرفها
مراد خرج من اوضته و كان لابس قميص أسود و بنطلون أسود
هبه:مش هتفطر؟؟
مراد :لا مش عايز خلي بنتك اللى تاكل بقي سلام
......
سليم كان بيكلم حد فى التليفون وواضح انه بيخطط لحاجه
سليم:ايوا ذي ما قولتلك كده
م:ماشي يا باشا انت تؤمرنى
سليم بابتسامه:تمام
فرح كانت نازله رايحه شركه سليم و ركبت تاكسي
التاكسي:حضرتك الانسه فرح ؟
فرح بصدمه انه طلع عارف اسمها اتكلمت بخوف :ايوا عرفت منين !؟
-فجاه رش على وشها حاجه و فقدت الوعي....
تانى يوم ،......
كان سليم قاعد فى شركته و طلع موبايله يكلم حد
سليم:فرح فين ؟؟
م:والله يا باشا معرفش انا كنت هعمل إللى انت عاوزه إللى كان متخطط ليه بس ملقتهاش لما وقفت قدام الشركه
سليم قام وقف من على كرسيه بسرعه و بعصبيه و خوف :يعنى اييي!!!!ازاى؟؟ اومال هى فين طالما هى مش معاك !!!
يتبع.....
