ချစ်ခြင်းတွေ ထပ်တူမကျသောအခါဝယ်

Part 21

Unicode

Taxi ငှားပြီး Jungkook ရဲ့လိပ်စာအတိုင်းသွားစောင့်နေလိုက်သည်။
ဒီရက်အတွင်းတမင် စကားမပြောဘဲနေတာကြောင့် စကားပြောဖြစ်တာ နည်းတာမို့ ရောက်လာတာမြင်ရင် အများကြီးအံ့သြသွားမှာသေချာသလောက်ပင်။

Jimin ကိုယ်တိုင်လည်း Onlineပေါ်မှာပဲတွေ့ရတာကြောင့် ခုလိုမျိုးအပြင်မှာတွေ့ရတော့မှာမို့ စိတ်တွေအရမ်းလှုပ်ရှားပြီး ခြေဖျားလက်ဖျားတွေပါအေးစက်နေသည်။
မမြင်ဖူးမတွေ့ဖူးကြတဲ့ သူတွေမဟုတ်ပေမဲ့ သူ့ရဲ့
နေ့စဥ်ဘဝကဘယ်လိုရှိမလဲဆိုတာတွေ စတဲ့
ပြောင်းလဲလာမဲ့ ပုံစံတွေနဲ့ ကိုယ့်ချစ်သူဆိုတဲ့အသိက ရင်ကိုနှစ်ဆအခုန်မြန်စေသည်။

ရှေ့မျက်နှာချင်းဆိုင် လမ်းဘက်မှာကော်ဖီဆိုင်လေးတစ်ဆိုင်တွေ့တာမို့ အဲ့ဆိုင်မှာထိုင်ရင်းသွားစောင့်ဖို့အတွက်ဆုံးဖြတ်ပြီး ဆိုင်ထဲကနေပဲသွားစောင့်နေလိုက်သည်။
ဆိုင်ကလေးက အရမ်းမကျယ်ပေမဲ့ သူ့နေရာနဲ့သူ သပ်သပ်ရပ်ရပ်ရှိပြီး တိတ်ဆိတ်ကာ ကိုယ်စီစာဖတ်နေကြတဲ့သူအတော်များများလည်းရှိသည်။
ကော်ဖီတစ်ခွက်မှာသောက်ရင်းWifi free ဆိုတဲ့ စာရွက်ကလေးကပ်ထားတာမို့ QR codeကို scanဖတ်ပြီးနောက် Jungkook ဆီစာပို့ထားလိုက်သည်။

"မင်းအခုဘယ်မှာလဲ"

Jimin စာပို့ပြီးနောက် မိနစ်ပိုင်းအတွင်းချက်ချင်းစာပြန်ပို့လာသည်။

"ကိုယ် ကျောင်းကအပြန် အချိန်ပိုင်းအလုပ်ဝင်နေတာ။နောက်နာရီဝက်ဆိုပြီးပြီမို့ အိမ်ပြန်ပြီ"

"အင်း"တစ်လုံးတည်းသာပြန်ပို့လိုက်တော့ ချက်ချင်းဖုန်းခေါ်လာသည်။

"Hello"

"အင်း"

"ကိုယ်ပြန်လာခဲ့မယ် Jimin လေယာဥ်လက်မှတ်မရသေးလို့ ရတာနဲ့ချက်ချင်းပြန်ခဲ့မယ်။ ပြီးရင် Londonကို ပြန်မသွားတော့ပါဘူး။မင်းနဲ့လည်း ဒီထက်ပိုမခွဲနိုင်ဘူး။စိတ်ဆိုးနေရင်တောင် နည်းနည်းလေးတော့ ပြေပေးနော်"

"...."

"ကိုယ် အမှားတွေတစ်ခုချင်းစီကို နမ်းနမ်းပြီးတော့ ချော့ပါမယ်ကွာ"