🌼His Daisy🌼(Short Story) || Completed ||

3rd Patel

Flashback

XXXX කැම්පස් එක කියන්නේ අධ්‍යාපනයට වගේම පරිසර සුන්දරත්වයටත් හොදම උදාහරණයක්. උදේම ළමයි එකා දෙන්නා ගානේ කැම්පස් එක දිහාවට ඇදෙද්දී , තවත් අය තවමත් රූස්ස ගස් යට අල්ලාප සල්ලාපයේ. හසිත් කියන්නේ කැම්පස් එකේ මෙඩිකල් ෆැකල්ටියෙ තුන්වන වසරේ ශිෂ්‍යයෙක්. වැඩිය කතා බහක් නැති හින්දාම හසිත්ට හිටියේ අතේ ඇගිලි ගාණටත් වඩා අඩු යාළුවෝ පිරිසක්.

අදත් හසිත් පල්ලියේ දේව මෙහෙයට ගිහින්, කැම්පස් යන පාර දිගේ ගාටන්න ගත්තා. අද මෙඩිකල් ෆැකල්ටියෙන් හොස්පිටල් එකේ ප්‍රැක්ටිකල් එක්කට එකකන් යනවා. හසිත් මෙඩිකල් ෆැකල්ටිය දිහාවට යද්දි එයා දැක්කේ අදත් සුපුරුදු විදිහට බිස්නස් ෆැකල්ටිය දිහායින් පේන වලියකට. කොල්ලෙක් තවත් කොල්ලෙක්ට බිම දාගෙන ගහනවා.

අදත් හසිත්ගෙ සිහින කුමාරයා වලියක පැටලිලා. ඔව් අපේ හසිත්ගෙ හිත ගත්ත සිහින කුමාරයා වෙන කවුරුත් නෙවේ. හිරුණ්‍ය අරවින්ද් වික්‍රමසිංහ. වලව් පැළැන්තියේ මාන්නෙන් පිරුනු හිරුණ්‍ය රණ්ඩුවට බර බව කවුරුත් දන්න කාරණයක්. හිරුණ්‍ය තමන්ගේ යාලුවන් ඇරෙන්න අනිත් අය ආශ්‍රය කරන්න කැමති නැති කෙනෙක් බව එයාලගෙ රැග් ටයිම් එකේදි හසිත් තේරුම් ගත්තා. මේ නපුරු නිලමෙටම හසිත්ගෙ හිත ඇදිල ගියෙ කොහොමද හසිත්ටම ප්‍රශ්නයක්.

කැම්පස් එකට ආවට කොච්චර ගෑණු ළමයි ආශ්‍රය කරන්න හැදුවත් ඒයාලගෙ ස්පර්ශය පවා හසිත්ට පිළිකුලක් දැනෙද්දි, හසිත්ගෙ හිත හිරුණ්‍ය දිහාවට යද්දි එයා තේරුම් ගත්තා තමන් සමරිසි කෙනෙක් කියලා. සමාජයම කොන් කරන පිරිසක් විදිහට සමරිසි පුද්ගලයින් ව හංවඩු ගැහෙද්දි ඒ වෙනුවෙන් කතා කරපු අය ගොඩක් අඩු වුණා. ඒක නිසාම හසිත් තමන්ගේ හැගීම් වෙන කාත් එක්කවත් බෙදා ගන්න බය වුණා.

තවමත් අතන වලිය කෙරීගෙන යනවා වුණත් හසිත් ඒක ගණන් ගත්තේ නෑ . අනික හසිත් ඔතන කොච්චර කෑගැහුවත් වැඩක් නෑ හිරුණ්‍යගේ එක වචනයක් ඇති හසිත් සබ්මෙසිව් වෙලා බලු කුක්කෙක් වගේ හැන්ගෙන්න. ඉතින් වෙනදා විදිහටම හසිත් ඒ කිසි දෙයක් නොදැක්ක වගේ ගියා.