ဖူကျားတစ်ယောက်ခေါင်းငိုက်စိုက်ကျလျက် သူ့ဦးနှောက်ကိုအသည်းအသန်အလုပ်ပေးနေမိသည်။ သို့သော်သူ့ဦးနှောက်ကသံချေးတက်နေ၍လားမသိ။ သင်္ချာပုစ္ဆာတစ်ပုဒ်ကိုတွက်နေသည်မှာအချိန်အတော်ကြာနေပြီဖြစ်သော်လည်းယခုထိအဖြေမရသေးပေ။ ဒါမှမဟုတ်ဒီနေ့အတွက်ဦးနှောက်ကုန်သွားတာဖြစ်မည်။နောက်ထပ်ငါးမိနစ်ခန့်ကြာသောအခါလေ့
ကျင့်ခန်းစာအုပ်ကိုဘေးသို့လွှင့်ပစ်လိုက်မိသည်။ သူကိုင်ရေးနေသောဘောပင်ကိုပင်တစ်စစီချိုးပစ်ချင်လာသည်။ညနေပိုင်းအတန်းချိန်တွင်ဆရာမကအိမ်စာတစ်ပုံကြီးပေးလာသည်။ လေ့ကျင့်ခန်းစာအုပ်ထဲရှိပုစ္ဆာများကိုအသေအချာမတွက်ချက်နိုင်လျှင်အနိမ့်ဆုံးအဆင့်အတန်းကိုပင်တက်နိုင်မည်မဟုတ်ဟုဆရာမကိုယ်တိုင်သူ့ကိုသတိပေးလာခြင်းပင်။
ဖူကျားတစ်ယောက်အံကြိတ်ရင်းနောက်ထပ်ပုစ္ဆာနှစ်ပုဒ်အတွက်ဦးနှောက်စားခံလိုက်သည်။ သို့သော်အပြင်ဘက်မှထွက်ပေါ်လာသောပွက်လောညံနေသည့်ဆူညံသံများကြောင့်နဂိုတည်းကသုံးစားမရသောသူ့ဦးနှောက်မှာပိုလို့ပင်အလုပ်မလုပ်တော့။ စိတ်အာရုံများကဟိုတစ်စဒီတစ်စပြန့်လွှင့်ကုန်သည်။
ပြတင်းပေါက်မှတစ်ဆင့်အပြက်ဘက်ခြံဝင်းထဲသို့လှမ်းကြည့်လိုက်ချိန်တွင်အစီအရီချခင်းထားသောစားပွဲဝိုင်းများနှင့်ဝင်ထွက်သွားလာနေကြသောလူများကိုတွေ့လိုက်ရသည်။
မေလနှောင်းပိုင်းဖြစ်သောကြောင့်လင်ဖုန်းရွှင်း၏ဆယ့်ငါးနှစ်ပြည့်မွေးနေ့ကျင်းပရန်စီစဥ်နေကြခြင်းဖြစ်သည်။ ထိုကောင်လေးမွေးဖွားလာချိန်တွင်အသက်ငါးနှစ်မကျော်စေရဟုဆရာဝန်များကကောက်ချက်ချကြသည်။ ငါးနှစ်ကျော်အရွယ်ရောက်သောအခါ ဆယ်နှစ်ထက်ကျော်ပြီးအသက်မရှင်နိုင်ဟုပြောကြပြန်သည်။ ဆယ်နှစ်ကျော်သောအခါဆရာဝန်များကအသက်မရှင်နိုင်တော့မည့်အကြောင်းထပ်မပြောကြတော့သော်လည်း လုမိသားစုနှင့်လင်မိသားစုတို့က လင်ဖုန်းရွှင်းအသက်တစ်နှစ်ကြီးလာတိုင်းခမ်းနားကြီးကျယ်သည့်မွေးနေ့ပွဲများကိုကျင်းပပေးလေ့ရှိကြသည်။ ဤတစ်ခေါက်ဆယ့်ငါးနှစ်ပြည့်မွေးနေ့ပွဲကိုမူယခင်နှစ်များထက်ပိုမိုကြီးကျယ်စွာကျင်းပသည်။ စီးပွားရေးအသိုင်းအဝိုင်းလောကမှဒိတ်ဒိတ်ကြဲများအားလုံးကိုဖိတ်ပြီးကျင်းပခြင်းဖြစ်သည်။
YOU ARE READING
Slow - witted (Myanmar translations)
RomanceAuthor: 九月买的饼干 (Biscuits Bought In September) Total Chapters: 68 + 2 extras Chapters 1 - 13 is translated by BlackboxTL Translator - 🌺 yuebing I do not own any of this story. Crd to original author and English translators. Crd to cover art owner.