slow - witted (Chapter 13)
ကျောင်းဆောင်အပြင်ဘက်သို့ထွက်လိုက်သည်နှင့် ဖူကျား၏နဖူးပြင်တွင်ချွေးစလေးများတွဲခိုလို့လာသည်။
သူတို့နှစ်ယောက်ကြားအကွာအဝေးကလူတစ်ကိုယ်စာမျှခြားသော်လည်း လုချမ်၏ခန္ဓာကိုယ်မှအနွေးဓာတ်ကိုဖူကျားခံစားနေမိသည်။
"ဒီကိုလာတာဘာကိစ္စရှိလို့လဲ...ငါ့ကိုလာရှာတာလား"။ သည်အခြေအနေကြီးကထူးဆန်းလွန်းနေသဖြင့် ဖူကျားမယုံနိုင်သေး။
ဖူကျား၏မျက်နှာကိုလှမ်းကြည့်လိုက်ချိန်တွင် နဂိုအတိုင်းရှိနေသေးသောအနာကပ်ပလာစတာနှင့်ပတ်တီးစကိုလုချမ်သတိထားမိသည်။ "ဆေးရုံသွားမပြဘူးလား"
လုချမ်၏စကားကြောင့်ဖူကျားတစ်ယောက်သူ့မျက်နှာပေါ်ရှိပတ်တီးစကိုသတိလက်လွတ်ထိကိုင်ကြည့်မိသည်။ ဆရာဝန်ကပတ်တီးမသုံးရန်ပြောထားသော်လည်း ရုပ်ဆိုးအကျည်းတန်လွန်းသောဒဏ်ရာကိုဖုံးချင်ဇောဖြင့်ခေါင်းမာကာပတ်တီးဆက်ဖုံးထားရာ သူသတိမထားမိလိုက်သည့်အချိန်တွင်ဒဏ်ရာကယခင်ကထပ်ပိုပြီးအခြေအနေဆိုးသွားခဲ့သည်။
"ပြပါတယ်...ဟိုနေ့ကငါမင်းကိုလိမ်ခဲ့မိတာမှန်ပေမဲ့...မင်းအိမ်ကအပြန်ငါတကယ်ဆေးရုံဝင်ပြခဲ့တာ"
လမ်းလျှောက်နေသောလုချမ်၏ခြေလှမ်းတို့အရှိန်နှေးသွားသည်။ "ဘယ်ဆေးရုံမှာသွားပြတာလဲ"။
"ရှင်းရီဆေးရုံ"
"ဟိုတစ်ခါပြောတုန်းကလည်းအဲဒီဆေးရုံပဲနော်"
သူ့ကိုမသင်္ကာသလိုပြောလာသဖြင့်ဖူကျားစိတ်အချဥ်ပေါက်သွားသည်။ "လုချမ်...ဆေးရုံကိုငါတကယ်သွားခဲ့တာပါဆို...မင်းကိုနှစ်ခါလိမ်ရလောက်တဲ့အထိငါမတုံးဘူး...မယုံရင်ဆေးရုံကပေးလာတဲ့ဆေးစာအုပ်ကိုငါနေတဲ့အဆောက်အထိလိုက်ကြည့်လို့ရတယ်"။
သူ့စကားအဆုံးလုချမ်ကခေါင်းတစ်ချက်ညိမ့်သည်။ "ကောင်းပြီလေ...ဆေးစာအုပ်ကိုကိုယ်စစ်ကြည့်မယ်"။
"ဟင်"
"ဆေးစာအုပ်ကြည့်ရအောင်...မင်းနေတဲ့အခန်းထဲကိုယ်လိုက်ခဲ့မယ်"
YOU ARE READING
Slow - witted (Myanmar translations)
RomanceAuthor: 九月买的饼干 (Biscuits Bought In September) Total Chapters: 68 + 2 extras Chapters 1 - 13 is translated by BlackboxTL Translator - 🌺 yuebing I do not own any of this story. Crd to original author and English translators. Crd to cover art owner.
