نطت اديم: اي و القهوه بعد
البنات اي والله صدق حتى قهوتنا حنا
جود: تم ما عندي مشكل و اذا هم فازو يشرطو شرطين نفسي
نجد: والله فكره حلوه وحنا اكبر داعم لك
اديم: اي يوم شفتي ما رح تشتغلي اسبوعين من حققك تشجعينا
البنات فطسن ضحك على اديم
شموخ: طيب اول شيء نبد بخالتي و جده ( شموخ و لمى و ورد ينادوها جده عشانها كبيره) و خالاتي البقيات تم
البنات جميع تم
جود: خيفههه اني اجيب العيد و خصوصن صقر ما دربته زين (صقر خيلها) المهم وحدو دعواتكم اني افوز لا لا اول شيء وحدوها انهم يسمعون لي
البنات بصوت واحد سميتي خيلك
جود وهي تضحك عليهم اي
شموخ: لا ما عليك ان شاءلله يسمعون لك و تفوزين بعد
البنات كلهم امين يارب
ورد نطت وهي تقول: بنات ايش رايكم اقول لمي اول شيء احس رح توقف معنا
البنات: تم
اديم: يالله قومي نادي امس
ورد طلعت وهي تضحك: امي
ام عبد الرحمن: هلا ي عيوني
ورد: تسلم لي عيونك طالبتك انا و البنات انك تجين بنحتس معك حتسي
ام عادل ( غيرنا اسم جاسم ام عادل هي ام جاسم): عز الله جود مأثره عليها بالكلام
كل الي بالجلسه ضحكو ههههههههههههههه
ام عبد الرحمن: ايي وانا اشوف من وين ورد الكلام هاذا اثريه من جودي (جودي هي جود بس دلعها)
ورد وهي مخصره خصرها: نعم و جودي وش تقرب لي ( وهي رافعه حاجب و منزله حاجب)
ام عبد الرحمن وهي تضحك على بنتها: بنت عمك و عمتك ( العمه ام عبد الرحمن تكون اخت محمد بالرضاع)
ورد وهي تضحك: شفتو ما خذه طباع جودي (ورد رفعت صوتها وهي تقول) اموت انا على جودي اموتت
جود وهي من الغرفه رافعه صوتها: و جودي تموت عليس ي وردييي
ضحكو الي بالجلسه عليهم
وداد وهي رافعه صوتها: ي عمه ام عبد الرحمن تعالي سرعه بحتسي معس
ام معاذ وهي تضحك : والله ان جودي مأثره عليكم كلكم
شموخ: اي والله ان جودي مأثره علينا كلنا اخخ ي جودي و يلموني بحبس ي الجودي
العمه عايشه: اي والله ان جودي مأثره و تأثيرها ذا ما ننسه و طيبتها ما ننسها
العمه خديجه بنرجسيه: اكيد طالعه علي
ضحكو كلهم على خديجه
الجود وهي جايه تركض و وراها البنات: اي والله اني مأخذه طباع عمتي خودج
العمه خديجه وهي فاتحه ايدينها عشان تخمها: ويلموني بمدحس ي الجود
معالي: بس بس مادام الوضع كذا حنا ي البنات نتكلم بسم جودي و نطلب فزعتكم
الحريم كلهم بأختلاف الردود احتزمو فينا، ابشر فينا
رغد: ما تقصرو والله بعطي المايك لمى
لمى: بس عشان جودي بتكلم
جود وهي تمثل انها تبكي: ااااااا انا احبكممم يا خخخييي
اديم وهي تضحك: ابوك ي تمثيل البطللل
وداد: تصلح تأخذ المركز الاول بالتمثيل
رغد وهي ما سكه اذن اديم و وداد: بتسكتن ولا اصفقكن
اديم وهي تحتزم ب ورد: ورد ي بنت فارس تكفين
ورد لفت ل اديم: احتزمي فيني (شافت رغد ما سكه اذن اديم و ورد) دزي امها بس احتزمي بغيري
وداد وهي ما سكه يد رغد: هين ي ورد
رغد وهي تفك يدها: جربي تاصلي لها
وداد وهي تمسح اذنها: خلاص ماني جايتها
الحريم كلهم: كملي ي بنتي لمى
لمى: اول شيء حنا طلبنا الفزع منكم عشان ابو جودي و جدي عيد وعمان جودي تتكلم معنا عن سباق للخيوي و جودي خياله و شاركت فيه و السباق بعد اسبوعين من الان
ام عادل: والله ي بنيتي انا موافق بس شور ابوها و جدها و جدتها و عماتها و عمانها
عمه عايشه: انا موافقه
العمه خديجه و العمه هدى و المها و اشوق كلهم بصوت واحد وحنا بعد موافقين
ام محمد الجده: والله ان جودي تستأهل كل شيء وانا موافقه بعد
جود وهي تبكي: لا خلا ولا عدم منكم ي جعلني قبلكم
كل البنات تجموع على جودي يظمونها
العمه خديجه: طيب قولو لنا الخطه
جود وهي تمسح دموعها: اول شيء نص العائله خيالين عادل و عايض و حاتم و عبد العزيز و ناصر و ياسر كل ذولي خيالين الخطه اني اتحدا معهم عل سباق و الشوهاد انتو و ابوي و يبه و عماني اذا فزت انا ادخل السباق و اسبوعين العيال ينظفو المطبخ و يسوو العشاء و القهوه
نطت رنيم و هي تقول: الفطور و الغداء لا تنسي
جود: لا تخافي ما رح انسى و اذا فازو العيال يشرطون علينا شرطين و هاذي هي خطتنا و شقلتو
كلهم بصوت واحد تم، ازهليها،
الجود: لا خلا و لا عدم منكم
منار: طيب نبدا من مين اول
وداد: سهله نبدأ ب يبه
نجد: اي والله يبه بيسمع لنا اول
شموخ: طيب مين يروح ينادي جدو
كلهم اشر ل جود
معالي: لانك صاحبت الخطه انتي ف انتي قومي نادي يبه
جود: تمم ما عندي مشكله
راحت جود عند الباب الي يودي لقسم الرجال
نروح عند الرياجيل
كانو مجتمعين الاقارب كلهم
الجد عيد وهو يتكلم مع تركي: وش نوحك ي وليدي و وش نوح ابوك
تركي: والله اني بخير ي عمي والله انه بخير و يسلم عليك بعد
الجد عيد: الله يسلمه من كل شر
عادل و هوو ماسك الدله و يقهوي ابوه وعمانه نط حاتم وهو يمسك يد عادل: ي ولد اترك ادله من يدك خل الي اصغر منك يصب تعال تقهو ياسر تعال
جاء ياسر: سم
حاتم: سم الله عدوك خذ الدله من ولد خالك و صبها انت
حاتم و هو يأشر على خشمي: ابشر على ذا الخشم
حاتم هو و عادل عليه الشحم
اخذ ياسر القهوه وكمل يصب ل خواله وجده
مشاري و هو يتكلم مع عادل: لا اشوفك تصب القهوه و الي اصغر منك قاعد يتقهوا
عادل: ابشر
مشاري: تبشر بالجنه
فز مهند و هو و سعود وهم يسمعو طق الباب
عادل وهو يأشر على الباب الي جهت قسم الحريم: ي ولد انت ويأه رح شف الي يطق الباب وش يبي
مهند و سعود بصوت واحد ابشر
راح مهند هو و سعود للباب
نرجع للجود
طقت الباب الي يودي لقسم الرجال
سمعت صوت مهند و هو يقول جاي جاي
مهند و سعود: ارحبي ي الجود و شبغيتي
الجود: البقى ي عزوتي سلامتكم نبي الجد ابو محمد بكلمت راس
سعود: بس انتي الي تبينه
جود: لا لا مو انا يمه و امي و عماتي و البنات
مهند: تم اناديهم الحين
جود: كفو عليكم ي اخواني
مهند و سعود كفوك الطيب
راح سعود ينادي جده
دخل سعود المجلس
عادل وهو يأشر له: وش بغو
سعود: الاهل داخل يبون ابو محمد
عادل: وش يبغون فيه
سعود: علمي علمك قالو يبونه بكلمت راس
عادل وهو يتكلم مع جده: ي جد
الجد ابومحمد: سم ي وليدي وش بغيت
عادل: سم الله عدوك سلامتك والله بس الأهل داخل يبونك
ابو عادل: مين الي قايل لكم
عادل ناظر مؤيد عشان يتكلم
سعود فهم و قال: بنتك الجود
ابو عادل: عاد الجود ما نقدر نقول لها شيء
ابو محمد وهو يقوم: تبشر والله جود
نرجع لجود شوي كانت فاتحه الباب و تناظر باب الرجال تحتري مهند ولا سعود يطلع و يقول لها وش صار
شافت جدها و هو يلبس حذيانه( الي هي الجزمه و انتو بكرامه) و مبتسم لها
تقدم الجد و هو ماسك عصاه: امريني ي جودي وش بغيتي
تقدمت جود و هي تقبل راس جدها: لا خلا ولا عدم منك ي يبه الله يطول لنا بعمرك البنات داخل يبونك و انا منهم
الجد ابو محمد: يالله تعالي معي
دخلو الجد و الجود
الجود و هي ترفع صوتها: جاء ابو محمد
البنات جو يركضو لها ارحب اي والله ارحبب
رحبو البنات فيه و سلمو عليه
دخلو للمجلس
فزت خديجه تصب قهوه لبوها: سم يبه
الجد ابو محمد: سم الله عدوك اسلمو ي بناتي وش بغيتو
تنح نحن البنات و هم يناظر بعض
رنيم: والله ي يبه السالفه تخص جود
الجد ابومحمد: كلشيء بجودي يزين اسلمن
الجود تنحنحت: والله ي جد انا حلمي اكون خياله و كل الي بالجلسه يدرون ما عاد انت و ابوي و عماني و اخواني و انا سجلت ب سباق و ان شاءلله اني اكون قد الهقوه ارفع راسك و راس ابوي و احتاج فزعتك ب اقناع ابوي
الجد ابومحمد ما يرفض شيء لحفيداته و لو احد زعلهم يزعل منه كل شيء ولا حفيداته: بس هاذا ابشري و الله ي جودي و ابشري ب الفزعه
الجود و هي تمسح دموعها: تسلملي ي جد و الله يخليك لنا و يطول بعمرك ولا يحرمنا منك،، عند خطه و ابيك تساعدني فيها
الجد عيد و هو يمسح دموع الجود: امسحي دموعك ما يستاهل الموضع دموعك و دموعك غاليه علينا قولي خطتس ي بنيتي
العمه عايشه و هي تضحك بتغير الجو: وانا اقول من وين جودي الكلام ذا اثريه منك ي يبه هههههههههههههههههههههههههههههههههههههههههههههههههه
ضحكو كل الي بلجسله
الجود وهي ماسكه يد جدها: يجعلني مفقد حسه يارب
كلهم قالو امين
الجد عيد: امين، اسلمي جودي
جود: اول شيء نص العائله خيالين عادل و عايض و حاتم و ياسر و ناصر و عبد العزيز كل ذولي خيالين الخطه اني اتحدا معهم عل سباق و الشوهاد انت ي جدي و ابوي و عماني و عماتي و جده و البنات واذا فزت انا ادخل السباق و اسبوعين العيال ينظفو المطبخ و يسوو العشاء و القهوه و الفطور و الغداء و اذا فازو العيال يشرطون علينا شرطين نفسي و هاذي هي خطتنا و شقلت ي جد
الجد عيد: تم ازهليها ي بنيتي
الجود:
نوقففف هيناا
ارحبو والله ترحيب المطرر العذر و السموح ي ربعيي والله اني ما كان عندي افكار و كنت متكاسله هههههههههههههههههههههههههههههههههههههههههههههههههه و الحين جاكم اطلق بارت شفتتووو والله اني كفوو امززح والله اني احبكم
لاتنسو الدعم ((١٤٩٤ كلمه انجازز))
(الجود الحربي✨)
أنت تقرأ
حتى القمر لاغاب ماشوف الا انتِ
Acak(( ديرتنا )) (: الروايه مو محدده الابطال اول روايه لي ♡♡
