هلع لهيب | باللهجه العراقيه |

مشهد

الغيلم
بقلمي انا حوراء حسن
لاتنسون التعليق ع الفقرات والتصويت
__________________

(رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ)

___________________

المشهد الاول :-

كاعده بالغرفه واجاني اتصال من ثنايا وكع كلبي وبسرعه رديت عليها اجاني صوتها ولأول مره اسمعها تحجي بهاي النبره

ثنايا:- نفس وينج محتاجتج كومهه تعالي الي لاتعوفيني وحدي عليج الله حيل مختنكه الوجوه كلها غربه ماكو احد وياي من اهلي بأهم يوم بحياتي

جانت تحجي والغصه تارسه بلعومهاا مااعرف شنو الي صار وياها بهذاك البيت بس اني متأكده اختي ما مرتاحه هناك اختي متعوبه حيل جاوبتها واني احاول اهديهاا

نفس:- انطيني نص ساعه اجهز نفسي واجيج بس مسافه الطريق مااتأخر والله

سديت الخط منها وكمت ع السريع بدلت وكعدت احط مكياج مااحب احط هواي ركزت اكثر شي ع عيوني ورسمتهن بالكحله برزن اكثر وصار شكلهن حلو لبست الكعب واخذت فلوس للتكسي ماجان اكو احد بالبيت كلهم بالمستشفى يم امي

قبل لا اطلع فتت ع المطبخ وفتحت الجراره واخذت سجين وياي كلت احتياط اخاف احتاجها هناك طلعت من البيت وكفت تكسي ووانطيته العنوان واتجهنا للبيت وصلت للبيت نزلت من التكسي ودفعت الكروه نزلني يم الكراج مال البيت انتبهت اكو اثنين شيوخ ويمهم اربع شباب كلش ارتبكت رحت يم وحده من السيارات الي جانن صافات يم الكراج واخذت طرف حجابي حته اتلثم بيه نزلت راسي حته اباوع بالجامه واتأكد منه مااحس الا نزلت الجامه وواحد كاعد بالسياره اردف بصدمه

:- فلك طرج ع هلعيون

المشهد الثاني:-

ابويه ظالم جان كلما يشوفني يتهستر يصيح ويطلب مني اطلع ويكلي

:-اكره شكلچ روحي عني ماريدجج شكلج مقرف

اني من جنت  اسمع انكسر لا أعاتب ولا اسأل وحتى ماابجي من اني وصغيره احب اكابر جنت دائما اكعد وحدي

فجأه بيوم من الايام  اني نايمه فزيت من نومتي ع  صوت جوه تكسير وضرب  ركضت جوا شفت ابويه يضرب امي بوحشيه وحسيت راح تطلع روحها ركضت الها واني أصيح احاول ادفع بيه عنها  اجه عليه شالني وركعني اجه وجهي بالتلفزيون صارت الضربه بطرف حاجبي بوقتها الدم مله كل وجهي وهنا امي من شافتني تخبلت وهو  من الخوف سكت من شافوا الدم وشافوني ساكته ع بالهم متت امي اخذتني وطلعت بيه وهو هم اخذوني المستشفى هنا امي قررت أن تنفصل عنه وحلفت يمين  ماترجع اله هو اخذانه وصلنه لبيت جدي واخواتي ويانه واني بس ساكته وامي حاطتني بحضنها وايدها ع راسي رحنه لبيت جدي جنت حيل مرتاحه ومكيفه مااعرف شنو طلاك بس حسيت راح اخلص منه ضليت فرحانه كعدت الصبح ع حركه امي وصوت طكطكه فتحت عيني وشفتها امي واكفه يم الكنتور سألتها بأستغراب