هلع لهيب
بقلمي حوراء حسن
لاتنسون التصويت و التعليق ع الفقرات
_____________________الأنسان الناقص دائماً يُكمل نفسه بأذيه
الناس ♥.__________________
نفس:- كاعدين اني وماما واليوم مادوامت بس ثنايا داومت دك تلفون ماما وصارت تحجي وياها بس مبين الموضوع ضوجها لان بين ع وجهها
صارت تروح وترجع بالصاله وعلامات الانزعاج باينه على وجهها حاولت استفسر عن السبب بس ماكنت تنطيني وجه بمجرد غلقت التلفون سألت بأستعجال
نفس:- ماما شبيج شنو صاير؟
ريحانه:- اختج ثنايا مو بنت بلاه من الله كل يوم تطلعلي بمصيبه شكل
سألت والخوف اعتلى جسمي بسبب كلامها:- ليش تكولين هيج شصاير؟
تركتني بدون جواب وهرولت لغرفتها لتبدل لبسها لحيت عليها بالسؤال اكثر من مره صرخت بوجهي
ريحانه:- لا تضلين تزنين براسي يابنت اذا تردين تعالي وياي للمدرسه ونعرف الطركاعه الي سوتها اختج
تركتها بدون جواب وهرولت لغرفتي بدلت لبسي بسرعه وطلعت الها بدون لا اتأخر عليها حتى لا تتركني وتروح
توجهنا للمدرسه اني وامي واخذت زاويه من شفتي بين اسناني التوتر متملكني صرت مقيده تماما خاصه بعد كلام امي عن اختي لان اعرف ثنايا مو ضمن البنات الهادئات ابد
وصلنا للمدرسه وضهرت ثنايا امام انظاري ماخذه زاويه يم بوابه اداره المدرسه ومبين على ملامحها البكاء سرعت من خطواتي لحتى اوصل الها اخذت وجهها بين كفوف ايدي وسألتها بخوف
نفس:- ثنايا حبيبتي اختِ الغاليه شبيج شنو صاير وياج منو منزل دموعج؟
جاوبت وهي تذرف حبات اللؤلؤ من طرفها:- كله ظلم اني ما سويت شي هن خططن لكل شي ووكعني بالمكيده
بدت تسرد الي شنو صار وياها وشلون كدرت توكعها بمكيدتها وسمعت تجاوز ست منى عليها دخلت للاداره وبياض عيوني بده يتحول للاحمرار بعد ما سمعت كميه الحقد الي تگنها لثنايا فتحت باب غرفتها وكانت جالسه هي وبعض المدرسات والمديره وجهت كلامي الها وكانت نبره صوتي مبين عليها الغضب
:- انتِ بأي حق تتكلمين بهذه الطريقه ويه اختِ؟
استقامت بوقفتها واردفت:- اختج انسانه قليله ادب وفالته لازم واحد يسوي الها فرگه اذن واني تكفلت بهذا الموضوع
حجيت وجنت متعمده استصغرها امام باقي المدرسات:- بصفتج شنو؟؟ منو انطاج الصلاحيه تسويلها فرگه اذن انتِ گدرتج بس على اختِ باقي البنات ليش ماعاقبتيهم؟ لو يختلفن عن ثنايا هن.؟؟
:- وحده قليله ادب وبلا اخلاق ماعليج عتب شلونها الاخت الكبيره اكيد اختها الصغيره نسخه عنهاا
أنت تقرأ
هلع لهيب | باللهجه العراقيه |
Romanceدخلوني للكرفان وجان تصميمه مثل تصميم المكتب وهو جان كاعد ورة المكتب ولابس بيريه ؏ راسه ومركز بالاوراق الي بيده خوف ؏ توتر ؏ رهبه اجاني صوته وهو يكول :- بنت بعمرج شعدها طالعه بهيج وكت ويه ولد غريب؟ :- سيدي والله مو مثل ما مفكر عاط بيه بصوت عالي...