الغيلم
بقلمي انا حوراء حسن
لاتنسون التعليق ع الفقرات والتصويت
_______________________
﴿لَا تَحْزَنْ إِنَّ اللَّهَ مَعَنَا﴾
____________________
كاعده بالغرفه صافنه بالفراغ احاول استوعب حياتي والي صار بيها معقوله ما مكتوبلي ارتاح؟
اعرفكم بنفسي اني ثنايا عمري 21 سنه صف سادس اعدادي خارجي اني البنت الاولى لاهلي وعندي بعد اثنين اخوات هم
تأمنون بالمثل الي يكول البنت تورث حظ امها ؟
اني اأمن بيه لان هذا الي صار وياي امي بصغرها هم جانت متعوبه
والدتها لامي الي هي جدتي جانت عندها اخت واختها عدها بنيه بس توفت واختها لجدتي حيل زعلت عليها فأ جدتي اخذت بنتها الجبيره الي اكبر من امي وانطتها لاختها حته تنسى مصيبه بنتها كبرت خالتي واجوها خطابه وتزوجت وخالتها الامي هم زعلت عليها جدتي جانت حيل تحبها لاختها فأخذت امي وانطتها الها حته تربيها
كبرت امي يم خالتها وهي ما مرتاحه ابد كل الشغل عليها من غسل البيت والملابس والمواعين حته جانت تخليها تطبخ وولدها لخالتها جانوا كلش متحكمين بيها لدرجه اذا شافوها واكفه بباب البيت يشبعونها كتل
يوم من الايام ابن خالتها الصغير عمره سنه يزحف ماانتبهت عليه زحف للباب نوب هي شافته ركضت عليه تجيبه لان خافت يطلع بره البيت ويتأذى
شافها ابن خالتها الجبير واكفه بالباب وشعرها طالع تخبل عليها رجع للبيت وموتها من الضرب
كبرت امي وصارت كل سنه تحلى اكثر واكثر وكل فتره يجون الها خطابه بس ولد خالتها جانوا رافضين فكره زواجها كل ما يجون الها خطابه يطردونهم
كبرت امي وصار عمرها 27 سنه رجعت امي لبيت امها لحتى اداري اختها لان انصابت بطلقه برجلها وابوها هم تمرض لان يحب بنته الصغيره هواي خالتي فاطمه جانت حيل متعلقه بجدي تحبه حيل جانت دائما تكول ابوي لو يصير بيه شي اني اموت مااكدر اعيش
ورة فتره قصيره توفه جدي بسبب تفاقم مرضه وراه بأسبوع توفت خالتي فاطمه بسبب حزنها عليه جدتي بهذاك الوكت حيل اتهسترت عليهم صار يومها عباره عن بجي ونعي ع زوجها وبنتها وبنفس الاسبوع اجاها خبر اعدام اخوها الجبير ع يد النظام البائد كأن مامكتوب لجدتي ترتاح من بعد وفاه اخوها الجبير صار يجيها اخبار اخوانها الاصغر الي هربوا من التجنيد الالزامي واحد منهم انعدم واثنين ماتوا بالسجن بسبب التعذيب
جدتي اخذت الها فتره شلون المخبله بس بعدين رجعت عافيتها الها
وبعد مرور فتره طويله رجعوا اكو ناس يجون لخطبه امي جان خوش زلمه بس الي صار خالي عارض زواجها منه وحرك النيشان الي جابوا فوك سيارتهم وطردهم
أنت تقرأ
هلع لهيب | باللهجه العراقيه |
Romanceدخلوني للكرفان وجان تصميمه مثل تصميم المكتب وهو جان كاعد ورة المكتب ولابس بيريه ؏ راسه ومركز بالاوراق الي بيده خوف ؏ توتر ؏ رهبه اجاني صوته وهو يكول :- بنت بعمرج شعدها طالعه بهيج وكت ويه ولد غريب؟ :- سيدي والله مو مثل ما مفكر عاط بيه بصوت عالي...
