ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်

Chapter 23

Unicode

ဘလော့ဂါတစ်ဦးက "Ask the Immortal" ဇာတ်လမ်းတွဲမှ အမျိုးသားဇာတ်ဆောင်နဲ့ အမျိုးသမီးဇာတ်ဆောင်တို့ရဲ့ ဆယ်စက္ကန့်ကြာ ဗီဒီယိုနဲ့အတူ အကောင့်အသစ်တစ်ခု ပြုလုပ်ခဲ့တယ်။ အဲ့ဒီဆယ်စက္ကန့်ထဲမှာ လော့ချယ်၊ကုမျန်နဲ့မြေခွေးလေးတို့ကြား အပြန်အလှန်ဆက်သွယ်မှုတွေ ပါ၀င်တယ်။

သူမက အမျှော်အမြင်ရှိရှိနဲ့ ချိုမြိန်လွန်းလှတဲ့ နောက်ခံbgm ကိုတောင် ဗီဒီယိုထဲ ထည့်ထားသေးတယ်။

နောက်ခံbgmကို နားထောင်လိုက်ရုံနဲ့  လူတွေကို ပန်းရောင်ပူဖောင်းတွေ မသိစိတ်က မြင်လာစေတယ်။

ဗီဒီယိုထဲမှာတော့ မြေခွေးလေးက ပြဿနာရှာနေစဥ်မှာ လော့ချယ်နဲ့ကုမျန်တို့က ရိုက်ကူးရေးမှာ အလေးအနက်ထားနေကြတယ်။

ကတ္တီပါအဖြူ‌ရောင်မြေခွေးလေးကို အချိုတွေ ဖြန့်နေတဲ့စုံတွဲက လျစ်လျူရှုလိုက်တာကြောင့် သူလေးက ဒေါသအရမ်းထွက်သွားပြီး ရိုက်ကွင်းပေါ် ခုန်တက်သွားကာ ပရိသတ်‌တွေကို ရယ်မောစေခဲ့တယ်။

မြေခွေးလေးက အရမ်းချစ်စရာကောင်းတယ်။

သက်၀င်တက်ကြွမှုအပြည့်ရှိတဲ့ မိသားစုပဲ။

ဘလော့ဂါမှာ ဒီလိုစာသားလည်း ပါသေးတယ်။ "ဗီဒီယိုအပြည့်အစုံကိုကြည့်ရှုဖို့ ဇာတ်လမ်းတွဲအပြည့်အစုံထွက်ရှိလာမှာကို စောင့်ပါ"

ကန့်သတ်ချက်တွေကြောင့် သူမက ဗီဒီယိုအတိုကို ဖန်တီးခဲ့တယ်။

တစ်နာရီအတွင်းမှာပဲ သူမရဲ့ Weibo မှာ မှတ်ချက်ပေါင်း 10,000 နီးပါးရရှိခဲ့ပါတယ်။

အဲ့ဒီမှတ်ချက်အများစုက ဇာတ်လမ်းတွဲထွက်ရှိမယ့်အချိန်ကို စောင့်မျှော်နေမယ့်အကြောင်းဖြစ်ပြီး ချိုမြိန်တဲ့ဒရာမာကို ကြည့်ရှုဖို့ စောင့်မျှော်နေတဲ့အကြောင်းတွေပါ။

Hot Search ပေါ်က #ချိုမြိန်လွန်းလှတဲ့scene#ကြောင့် လူတွေက "Ask the Immortal" ရဲ့တရားဝင်ဘလော့ဂ်ဆီ သွားခဲ့ကြတယ်။

ဗီဒီယိုအတိုလေးတွေကိုကြည့်ရှုပြီးနောက်၊ လူတွေက မကျေနပ်ဘဲ ပိုကြည့်ရှုချင်ကြတယ်။