مشت خطواتها و اول ما وقفت امام ابوها رفعت راسها تقبل عقاله لجل ما يطبع روجها وحضنته ورجف جسدها ترتفع غصتها اول ما نطق : اول بناتي وفرحتني جميلتي وبنتي هيام مبروك يابوي ربي يهنيك ويخليكم
ابتعدت واتسعت اول ما شافت تركي سندها ابوها الثاني اخوها حضنت تركي وشدت عليه وتجمعت الدموع بعينها واول ما ابتعدت ضحكت من نايف اللي غمز لها وحضنها بدون مقدمات وقال: صديقة طفولتي بتخليني ابكي وانا اشوفك بثوبك الابيض
هيام بحرشجة صوتها: ما يصير ابكي
نايف: يا ويلك مكياجك بيخرب
ابتعدت وحضنها خلف ونطق بجمل استهبال لجل يبعد الغصه عنها وبجد ابعدها مسكت ايد فراس ودحيم اللي حضنوها مع بعض كانهم توام مو عم وولد اخوه
دقايق وابتسمت من دخول خواتها يحضنونها وما طولوا من غنت موضي تخلي اخوانها يراقصونها بفرح تحت خجلها وربكتها
ضحكت من تركي اللي حضنها وسط رقصهم
وتوردها ملامحها من قال: العريس بيدخل جهزي نفسك
هي دقايق ووقفو اخوانها وهي تتجه مع ابوها لغرفة العروس الى ان يدخل العريس هي ثواني واختفوا عن انظارهم واتجهت انظارهم لدخول جاسر اللي كل خطواته فخامه ورزانه وهيبه
( بسرع بالتفصيل لاني مهلوكهههه)
سلم على تركي اللي هل بتوصياته : انتبه لها قبل نفسك حافظ على ابتسامتها فرحتها دموعها لا انزل من اول من يواسيها من بحضنها بحزنها
ابتعد لنايف اللي نطق بتهديد: فيك خير زعلها او نزل دمعتها تحفر قبرك بيدك
خلف: وربي انك تحت رجلي قبل تنزل دمعتها
ابتعدوا يطلعون يخلونه اعطي ظهره لباب اللي بتدخل فيه هيامه
اللي تقدمت بخطوات مع ابوها بخجل وتوتر لف اول ماحط ايده عبدالرحمن على كتفه واتسعت ابتسامته من شافها امامه واقفه وابوها بجانبها ( بوصف جاسر دام اول ظهور له طويل وجسمه رياضي ✨اسمراني ✨ له من العمر37 طبيب اسنان وشاعر)
تقدم وقبل راسها بحب واحترام وابتعد يسلم على ابوها وقبل راسه
وابتسم اول ما حط ايدها على ايده وقال: طلعت من عهدتي لعهدتك احترمها وقدرها خذها بحنيه هذه امانتي لك انتبه لها
جاسر احتضن هيام اول ما طلع ابوها بتجاهل للكل يدور فيها بفرحة وحب لها من داخل قلبها
انتهت ليلتهم المتعبه ( لي قبلهم طبعاً)
بفرحة جاسر بهيام وفرحة هيام وحزن من جانب انها بتترك اهلها وتخرج ببيت ثاني تكون هي صاحبته
—
عند توق
اللي على نهاية العرس بدا احس بالام في نهاية بطنها وشدت على ايد نايف اللي يسوق من زاد الالم
نايف لف بقلق: شفيك
توق عضت شفتها بالم: مافي شي بس شوية مغص مثل كل مره شوي ويروح
نايف : من متى معك
توق وبصوت واضح عليه الالم : من زفة الرجال
وسع عيونه ونطق بخوف: ماهو زي كل مره توق طول هالمره صح؟
تجمعت الدموع بعيونها من زاد الالم وقالت: ما اقدر اتحمل نايف مره يوجعني
نايف ضغط على ايدها وضغط على الخطر واسرع متوجه للمستشفى
—
عند جاسر وهيام ( اول مره اكتب عنهم ماكنت مركزه عليهم)
وقف عن الاشارة ولف لهيام بابتسامه ومسك ايدها يرفعها لفمه يقبله لمدة طويله ونطق بحب : اهيمش واحبش واعشقش وكل ما يوصف الحب انتي
ابتسمت بخجل: اخاف بس البدايات كذا وانا مابي تغرني هالبدايات
ضحك بخفه وقال: عساه تقطع لساني ان ما عيشتش كل يوم على هالكلام
