Ever Green

04

මුළු පරිසරයම වැහිල තිබුණෙ ඝන මීදුමින්..බැල්කනි එකට ආවම වෙනදට ලස්සනට පේන කඳු පන්ති අද ඒ විදිහට පේන්න තිබුණෙ නෑ...ඝන සුදු පාට මීදුම මුළු පරිසරයම වහගෙන පැතිරිල ගිහින් තිබුණා...තෙත බරිත කාලගුණයත් එක්කල ඒ තෙත් බව මුහු වුණ හිමිදිරියයි පරිසරය වහන් හිටිය සේල මීදුමයි මීදුම් සරසවිය තව දුරටත් හැඩ කරමින් හිටියා...

ඒත් කොයි තරම් සීතල වුණත් මොහොතක් මේ මොහොත විඳ ගන්න මට ලොකු ආසාවක් තිබුණ නිසාම මන් බැල්කනි එකට වෙලා ටික වෙලාවක් ඉඳියෙ මේ පරිසරයට මං ඇළුම් කළ නිසාමයි...

අද ෆීල්ඩ් විසිට් එකට පස්සෙ ලෙක්චර්ස් තියෙන පළවෙනි දවස...එයාගෙ ලෙක්චර් එකක් තිබුණ නිසාම මම හිටියෙ හරිම උනන්දුවෙන්...

දවස් හතරකට පස්සෙ ලෙක්චර්ස් පටන් ගත්තෙ  පහු ගිය දවස් හතරම අපිට නිවාඩු නිසා.ෆීල්ඩ් විසිට් එකෙන් පස්සෙ තිබුණ ලෝන්ග් වීකෙන්ඩ් එක නිසාම මමත් ගෙදර ගිහින් ආයෙත් හොස්ටල් එකට ආවෙ ඊයෙ හවස.එදා ෆීල්ඩ් විසිට් දවසෙ වුණ සිදු වීම් වලින් පස්සෙ ආයෙත් සර්ව මුණ ගැහෙන පළවෙනි දවස අද.එදා බස් එකට ගියත් හරි එයා ආයෙත් එයාගෙ සුපුරුදු විදිහටම මාව අඳුරන් නැති විදිහට ඉද්දි මට අන්තිම මොහොතෙ හරියටම ඒ රූපය බලා ගන්න වත් බැරි වුණා...

🖤🖤🖤🖤🖤🖤🖤

අද එයා වෙනදටත් වඩා ලස්සනට මට පේනව.ඔව් ඇත්තටම එයා මාරම ලස්සනයි.ලෙක්චර් හෝල් එකට ආව එයා මුළු ලෙක්චර් හෝල් එක වටේටම ඇස් අරන් යද්දි තත්ත්පර කිහිපයක් ඒ ඇස් මං ළඟ නතර වුණා..ඒත් ආයෙම කිසිම දෙයක් නොවුණ විදිහටම එයා මගේ ඇස් මඟ ඇරල හැසිරුණේ මමත් අනිත් ළමයි වගේම සාමාන්‍ය ගානට දාල.

"Good morning students..!කොහොමද ඔයාලගෙ long weekend එක.ගෙදර ගියාද ඔයාලා...?මම නම් ගියා ළමයි.අද උදේ තමයි මේ ආවේ..Did you enjoy your weekend?"

එයා කතා කරන්නෙ වෙනදට වඩා සතුටින් වගේ.හරි ප්‍රබෝධමත් ගතියක් එයාගෙ කටහඬේ තිබුණා.

එහෙම නොවුණොත් තමයි පුදුම.ආයෙත් මගේ හිත මට එහෙම කිව්වා.දවස් හතරක් වයිෆ් එක්කයි බබාල එක්කයි ඉඳල ආපු එයාගෙ හිත ඇත්තටම සතුටින් තියෙන්න ඕනි.මොකද එයා ඒ යන්නෙ එයා වෙනුවෙන්ම ජීවත් වෙන මිනිස්සු  ළඟටනෙ...

ඒත් එතකොට..........

මං කවුද දෙයියනේ...???

වයිෆ්ට ඔච්චරම ආදරෙයි නම් මොන එහෙකටද මාව මේ තරමටම එයා කෙයා කරන්නෙ..එයාගෙ මේ හැසිරීම එක්ක එයා හොඳ හස්බන්ඩ් කෙනෙක් කියල කියන්න පුළුවන්ද?අනේ මට තේරෙන්නෙ නැහැ.

මට තේරෙන එකම දේ වුණේ මෙතනදි මට කරන්න කිසිම දෙයක් නැති බව විතරයි.එදා සිදුවීමෙන් පස්සෙ මගේ හිතේ එයා ගැන හැඟීම් ඇති වෙන්න පටන් ගත්තත් මේ කරන්නෙ වැරැද්දක් කියල නොතේරෙන තරම් මං පොඩි ළමයෙක් නෙවේ.ඒත් මට වඩා මැචුවර්ඩ් වුණ එයාගෙ හැසිරීම එක්කල මගේ පැත්තට විතරක් වැරැද්දක් කියන්න බෑ කියලත් මට හිතුණා..

දරුවො ඉන්න තාත්තෙක්ට මෙහෙම ලෝබ හිතන එක ගොඩක් වැරදියි.එයාට එයාගෙ වයිෆ් ඉන්නවා.ලෝකෙ ඕනි තරම් මිනිස්සු ඉන්නකොට මේ විඳිහට වෙන කෙනෙකුගෙ කසාද මිනිහටම මං ආදරේ කරන්න ගත්තෙ ඇයිද කියල මටම හිතා ගන්න බෑ.....

.
.

මොකක්ද මං ඒ හිතුවේ...???

" ආදරේ කරනව කියල නේද මං මේ හිතුවෙ..ඒ කියන්නෙ..මං එයාට ආදරේ කරන්න පටන් අරන්ද...???"

දෙන්නෙක් මැද්දෙන් තුන් වෙනියෙක් විදිහට බලපෑමක් කරන්න හොඳ නෑ කියල දැන දැනත් මං එයාට මේ විදිහට ආදරේ කරන්න අරන් තියෙන්නෙ අසම්මතයක් ඔබ්බවා යමින් කරන අසම්මතයක් පටන් ගන්න කියල මටම හිතෙනව.ඒත් මොනව කරන්නද?මෙතෙක් කාලෙකට ආදරයක් දැණුන ඒ හිත සටනකින් තොරව නිකන් නිස්කාරණේ අතෑරලා දාන්න තරම් මට මගේ හිත හදා ගන්නත් බෑ...

එක තැනක නැති හිත අයාලෙ යද්දි ලෙක්චර් එකත් ඉවර වුණේ ඒ මුළු පැයේදිම මං මගේ හිත එක්ක  තනියෙම දොඩමළු වෙද්දි...