អាពាហ៍ពិពាហ៍ផ្តើមស្នេហ៍ / hyunlix_

part : 19 តួនាទី!!!

ម៉ោង 7:00 នាទីយប់

ឡានស៊េរីទំនើបពណ៌ខ្មៅក្រឹបម៉ាកចុងក្រោយគេបង្អស់ដែលមានតម្លៃរាប់លានដុល្លារក៏បានបើកមកឈប់នៅចំពីមុខcondoយ៉ាងប្រណិតស្អាតអស្ចារ្យមួយកន្លែងនៅឯជាយក្រុង មិនបាច់ប្រាប់ក៏ដឹងដែរថាcondoមួយនេះមានតម្លៃថ្លៃកប់ពពកប៉ុណ្ណា។ នាយសង្ហារបើកទ្វារចុះចេញពីក្នុងឡានយ៉ាងប្រញ៉ាប់មុននឹងបោះជំហ៊ានជើងដើរទៅផ្នែកម្ខាងទៀតនៃឡានហើយក៏បើកទ្វារឡើង បង្ហាញឲឃើញនូវរាងតូចច្រឡឹងមានរូបរាងមុខមាត់ស្អាតបាតដូចជាមនុស្សស្រីអង្គុយនៅទីនោះ នាយក្រាស់មិននិយាយច្រើនក៏ចាប់ទាញដៃកាយតូចចេញពីក្នុងឡាន។

" នេះជាកន្លែងណា? ហើយលោកនាំខ្ញុំមកទីនេះធ្វើអីទៅ? " Felix ចុះចេញពីឡានមិនទាន់ទាំងបាន1វិនាទីផងរាងតូចក៏ចោទសំណួរសួរទៅកាន់នាយក្រាស់វិញព្រោះតែមិនយល់ថានាយនាំគេមកទីនេះធ្វើអ្វី។

" ទីនេះជាកន្លែងណាឯងមិនបាច់ចង់ដឹងទេ ឆាប់ចូលទៅខាងក្នុងទៅ " hyunjin រាងក្រាស់មិនឆ្លើយតបនឹងសំណួររបស់រាងតូចក៏ចាប់ទាញដៃឲរាងតូចចូលទៅខាងក្នុង តែរាងតូចប្រកែក។

" អត់ទេ! ខ្ញុំចង់ត្រឡប់ទៅផ្ទះវិញ លោកឆាប់នាំខ្ញុំទៅវិញទៅណា " Felix អារម្មណ៍មិនស្រួលក៏ចាប់ផ្តើមកើតមានឡើងនូវពេលដែលបានឃើញទឹកមុខនឹងពាក្យសម្តីរបស់នាយ មើលទៅវាពិតជាប្លែកៗជាងរាល់ដងទៅទៀតដល់ថ្នាក់ធ្វើឲគេមានអារម្មណ៍ថាខ្លាចឡើងមក។

" ហុឹស! ចង់ត្រឡប់ទៅផ្ទះវិញឬមួយក៏ប្រញ៉ាប់ទៅជួបសាហាយរបស់ឯង? " hyunjin កែវភ្នែកកំណាចដូចជាសត្វចចកឈាមច្រាលក្រហមពេញផ្ទៃមុខសម្លឹងបាញ់ចំមកកាន់រាងតូចប្រៀបបានដូចជាបិសាចជញ្ជក់ឈាមដែលកំពុងតែខឹងអ្នកណាក៏មិនដឹងវាធ្វើឲកាយតូចកាន់តែមានអារម្មណ៍ភ័យលើសដើម។

" ខ្ញុំមិនយល់ថាលោកចង់និយាយពីអ្វីនោះទេ? " Felix រាងតូចនិយាយទៅកាន់នាយវិញទាំងចងចិញ្ចើមចូលគ្នាព្រោះតែឆ្ងល់មិនយល់នូវអ្វីដែលនាយនិយាយ។

" កុំមកធ្វើជាមិនយល់រឿងអ្វីឲសោះ ឯងស្មានតែយើងមិនដឹងហេស៎! ថាឯងហើយនឹងអា wooyoung គឺជាសាហាយនឹងគ្នា សប្បាយចិត្តណាស់ឬ? ពេលដែលបានជួបគ្នាបែបនេះ ចរិតរបស់ឯងថោកលើសពីអ្វីដែលយើងគិតទៅទៀតនៅពេលដែលយើងមិននៅផ្ទះមិនដឹងថាលួចទៅជួបគ្នាដេកជាមួយគ្នាប៉ុន្មានហើយទេ ឯងនេះពិតជាគួរស្អប់ខ្ពើមមែន " hyunjin រាងក្រាស់បោះពាក្យសម្តីយ៉ាងគ្រោតគ្រាតទៅកាន់រាងតូចជាមួយនឹងកំហឹងខឹងច្រាលពេញខ្លួន។ អ្វីដែលនាយកំពុងតែនិយាយមកនេះវាធ្វើឲអ្នកដែលឈរស្តាប់ហូរទឹកភ្នែកមកម៉ាត់ៗប្រៀបដូចជាទឹកភ្លៀងជន់លិចទីក្រុងទាំងមូលទៅហើយ។