System 00 ( or ) စစ်ကျဲ့

Arc 1.0

Arc 1.0

ပိုင်ချင်းလျန် ရောက်ရောက်ချင်း သူ့တစ်ကိုယ်လုံးနာကျင်ကိုက်ခဲနေတာကိုသတိပြုမိသည်။အထူးသဖြင့် သူ့အောက်ပိုင်း။အံကြိတ်ကာ အပေါ်ပိုင်းကိုအားယူကာထထိုင်လိုက်သော်ညား အားမရှိသောခန္ဓာကိုယ်ကြောင့် အထိန်းအကွပ်မရှိ ပြန်ပြုတ်ကျသွား၏ ။အောက်က မွေ့ယာမပြောနဲ့ ကုတင်တောင်မဟုတ်။ အေးစက်စက်ကြမ်းပြင်ကြောင့်သူ့ကျောပြင်သာမက အောက်ပိုင်းကိုပါထိခိုက်စေတာကြောင့် အသည်းခိုက်အောင် နာကျင်သွားရသလို တစ်ဆက်တည်းလိုလိုပင် ကြမ်းပြင်၏အေးစက်မှုကိုပါပူးတွဲခံစားလိုက်ရသည်။

စိတ်ထဲမှကျိန်ဆဲနည်းပေါင်းစုံဆဲနေခဲ့သည့်ပိုင်ချင်းလျန်မှာ ငြိမ်ငြိမ်လေးလှဲနေရင်း သက်သာတဲ့အထိ စောင့်နေခဲ့သည်။အတန်ကြာမှ အနည်းငယ်သက်သာလာသဖြင့် မျက်လုံးကိုပြူးကျယ်နေအောင်ဖွင့်ပြီး ရောက်နေတဲ့နေရာကိုလိုက်လံစူးစမ်းနေသော်လည်း ဘယ်ကြည့်ကြည့်မှောင်မဲနေသည်သာ။ပိုင်ချင်းလျန် စိတ်ထဲကနေ  system00 ကို အားကိုးတကြီးခေါ်လိုက်သည်။

' စစ်ကျဲ့ရေ ငါ ကန်းသွားတာလား ဒါမှမဟုတ် ဒီနေရာကပဲ မှောင်မဲနေတာလား။ငါ့တစ်ကိုယ်လုံးလည်း နာကျင်ကိုက်ခဲနေတာပဲ။အထူးသဖြင့် ငါ့ခါးအောက်ပိုင်းက သေမတတ်နာတယ်'

{ Host က အခုအမှောင်ချထားတဲ့မြေအောက်ခန်းထဲရောက်နေတာပါ။ဇာတ်ကြောင်းလွှဲရမလား ဖတ်ပြရမလား Host }

'ဖတ်ပြ'

{ ဒီကမ္ဘာရဲ့ဇာတ်ကြောင်းကိုမပြောခင် host ကို နာကျင်မှုသက်သာအောင်လုပ်ပေးမယ်နော်။တစ်ခါတည်း ရုပ်ရည်မြှင့်တင်ခြင်းကိုပါ လုပ်ပေးရမလား }

'အင်း...စစ်ကျဲဲ့လေး ရှိနေတာ ကံကောင်းလိုက်တာ'

Hostရဲ့အားကိုးတကြီးလေသံအဆုံး system 00 လေးခမျာ မရှိတဲ့ရင်ဘတ်ကိုကော့ကာ အမြီးကိုဘယ်ညာယမ်းခါမိသွားသည်။သူ့ Host သူ့ကိုအားကိုးတိုင်း သူသိပ်ပြီး သဘောကျလွန်းလှပါသည်။

စစ်ကျဲ့လေးလုပ်ဆောင်ပေးသော နာကျင်မှုသက်သာပျောက်ကင်းစေသောဆေးက ဘယ်လောက်တောင် အစွမ်းထက်သည်မသိ။တစ်ခါတည်းကိုင်ရိုက်ထားသလိုနာကျင်မှုက ပိန်းကြာရွက်ပေါ်ရေမတင်သကဲ့သို့ သက်သာပျောက်ကင်းသွားလေသည်။အမှန်မှာ ရုပ်ရည်မြှင့်တင်ခြင်းလုပ်လိုက်လျှင် ပထမကမ္ဘာမှာကိုယ်လက်နာကျင်ကိုက်ခဲတာမျိုးလောက်ဆို ပျောက်ကင်းစေသည့်အာနိသင်မျိုးကို အထက်က အခမဲ့ပျောက်အောင်စီစဥ်ပေးထားသည်။ဒါကို သတိလက်လွတ်ဖြစ်သွားသော system 00 နှင့် ဘာမှမသိသော host ဖြစ်သူတို့က အလကားသက်သက် နာကျင်မှုသက်သာစေသည့်ဆေးလုံးကိုသုံးလိုက်သည်ကိုတော့ အထက်မိခင် system လောကကြိးကိုအုပ်စိုးနေသည့် မိခင် system0 ကကြည့်လျက် ခေါင်းသာခါမိတော့သည်။ဒီအူတိအူကြောင်နှစ်ယောက်ပူးပေါင်းပြီး မစ်ရှင်တွေကိုထမ်းဆောင်ရမယ်ဆိုတော့ သူတို့ထမ်းဆောင်မယ့်မစ်ရှင်တွေအတွက် ဒီမိခင်ကြီး ရင်မောလှပေါ့။