System 00 ( or ) စစ်ကျဲ့

1.2

1.2

လျှိုရှန်း၀မ် မြေအောက်အမှောင်ခန်းထဲမှာ အကူအညီမဲ့ကာ စိတ်ဓာတ်ကျနေ၏ ။အစောကြီးကတည်းက ဒီလိုဖြစ်လာမယ်မှန်းသာသိရင် သူ system00 ရဲ့အကူအညီကိုယူခဲ့မှာမဟုတ်သလို အမှတ်တွေကိုသုံးပြီးလည်း အပြင်သို့ထွက်ခဲ့မှာမဟုတ်ပေ။အခုတော့ အမှတ်တွေက ချက်ချင်းတက်လာပြီး ချက်ချင်းပြန်ဖျက်ခံရတဲ့အပြင် ရေထဲကိုကျောက်ခဲပစ်ချတာကမှ လှိုင်းကြပ်ခွက်လေးတွေတောင်မြင်ရဦးမည်။အခုတော့ မြင်သာမြင် ချက်ချင်း မကြင်ရသည့်ဘ၀မျိုးနဲ့ ရင်ထဲအောင့်သက်သက်နှင့်။သူ့လိုအဖြစ်ဆိုးမျိုး ဘယ်သူမှကြုံခဲ့ရမည်မထင်။

ဖြစ်ပုံမှာ သူ System00 လေး၏အကူအညီဖြင့် မြေအောက်အမှောင်ခန်းထဲမှလွတ်မြောက်သွားပြီး သူတို့နေထိုင်သောအိမ်လေးရဲ့ကုတင်တွင်ထိုင်ကာ system00 လေးနှင့် စကားပြောဆိုခဲ့သည့်လျှိုရှန်းဝမ်မှာ သူ့ဖခင်က system00 ပေးပို့သောစာကိုမြင်ပြီး ချန်သခင်ကြီးနှင့်အတူ အိမ်တော်သို့ချက်ချင်းပြန်လာနေပြီဖြစ်ကြောင်း အသိပေးလာသည်။

​​System00ပြောကြားချက်အရ မြေအောက်အမှောင်ခန်း၏တစ်ခုတည်းသောထွက်ပေါက်မှာ တံခါးတစ်ချပ်သာရှိပြီး ထိုတံခါးကလည်း အပြင်ဘက်မှဖွင့်မှသာပွင့်သည့်တံခါးမျိုးဖြစ်သည်တဲ့လေ။ထိုကြောင့် သံသယမ၀င်စေရန် မြေအောက်အမှောင်ခန်းထဲကို ဘယ်သူ့မှမတွေ့ခင် ပြန်သွားခိုင်းခဲ့သည်။

ယခုလက်ရှိ သူ့ပုံစံမှာ သူစစချင်း၀င်သည့်ပုံစံမျိုးဖြစ်နေပြီး ထိခိုက်ဒဏ်ရာရထားသည့်ပုံံစံကို system00 လေး၏အကူအညီဖြင့် ပြန်လည်သရုပ်ဖော်ရသေးသည်။သည့်အတွက် system00 လေးက သူ့ရဲ့အမှတ်ကို ခဏပြန်ယူသုံးပေးထားရတာကြောင့် သိပ်တော့မကြည်။သို့သော် သူနားလည်နိုင်ပါသည်။သူ့မြေခွေးလေးက update တင်ဖို့အတွက် စုနေခဲ့တာဆိုတော့။နောက်တစ်ခုက system00 လေးပြောပြချက်အရဆို သူ့အရင်ကတာ၀န်ထမ်းဆောင်ခဲ့တဲ့ host တွေအပေါ်မှာ ဒီလိုမျိုးအခွင့်အရေးတွေ တစ်ခါမှမပေးခဲ့ဖူးဘူးတဲ့လေ။ဒီ့အတွက် သူ system00 လေးအပေါ် တခြား host တွေထက် ပိုကောင်းမွန်စွာဆက်ဆံပေးရန် နှင့် တခြား host တွေထက် မသာလွန်ရင်တောင် တန်းတူလိုက်ဖို့ သူပိုပြီးကြိုးစားရမည်။