وصدرت الأحكام
لكل بدايه نهايه دائما الفصل الأخير بيبدأ كدا بس المره ديه خليني أقول ان نهايه كل شئ بدايه لشئ جديد وان كل معدن نفيس خرج من باطن الأرض اتكون بعد ملايين السنين من الضغط والحراره و الالم بيلمع من الداخل
لكن تذكروا جيدا يا معشر البشر الاغبياء أن قطع الماس اللامعه قادره علي ادمائك ببساطه
هذه رسالتي لكم أنه انا ساكن الظلام الكامن في عقول البشر
انا ماجين الكيان الغامض والان حان وقت عودتي
******************
كل شئ انقلب في ثانيه البرت مستشار الملك الاول أصبح اخطر مجرم وزوجته وصيفه الملكه و فرودو كبير التجار و كاثرين المستكشفه الكبيره و جاسبر الرسام المبدع و جورج المساعد الخاص بيه أسماء قويه ومعروفه طلعوا كلهم سحره و مش اي سحره لا دول زعماء السحره النقياء سحره من نسل الساحر الاقوي في التاريخ مارلين
كانوا مجمعينهم كلهم في زنزانه واحده و كان مرسوم علي كل جدرانها الرموز الي بتبطل قوتهم والبرت قاعد مكانه هادي و فرودو عمال يتحرك بعصبيه و لولي حاضنه ايفي وخايفه و جاسبر وجورج قاعدين بهدوء زاي البرت و كاثرين عماله تحرك اديها في الهوا كأنها بتمسك حاجه
فرودو: يعني ايه احنا كدا انتهينا
ايفي: اهدي يا فرودو شويه مينفعش كدا اسكت
فرودو: اهدي ايه انتو متخيلين الي حصل احنا اتقبض علينا متلبسين هيقتلونا
جاسبر: سيد البرت انت محضر حاجه مش كدا
البرت خبط صباعه في الحيطه والرمز الي كان علي الحيطه اختفي وكلهم اتفاجأوا من الي حصل
كاثرين: ازاي
البرت: لأن كل الرموز ديه اصلا رموز سحريه في الأصل حتي لو بتبطل السحر في شروط معينه لكده مايكل اخد كام ورقه لكن أنا درست الكتاب بالكامل مده خمس سنين أنا لو عايز أخرج الكل من هنا هعمل ده
فرودو: ومستني ايه
البرت: مستني اعرف الي بيدور في دماغ مايكل عشان اتحرك التحرك من غير خطه هو الي هيموتنا بجد مايكل معاه جيش من المقاتلين الي بيقوموا سحرنا واحنا قليلين هيصفونا
جورج: لكن انا حاسس بدم اخواتنا بيسيل في سحره كتير بتقع برا
البرت: عارف وحاسس بيهم لكن لازم نهدي والا هنحصلهم اهدوا مش فاضل غير خطوتين بس لو تمت زاي ما أنا مخطط يبقي السحره انتصروا
أنت تقرأ
العيون الفضيه (عوده الكيان الغامض )
Fantasiانظر جيدا لكل ما تراه ارسم في خيالك صوره لتذكره فسيحين دورك في يوم ما لتجيب عن هذا السؤال هل كان ذالك واقع ام خيال وحينها ستجد سوال اخر هل الخيال من نسيج الواقع أن الواقع من أفكار الخيال لا تتردد في الاجابه ولكن تريث فكلماتك ستحدد مصيرك أمامه