استيقظت صباحا ساميه لتجلس أمام تلفازها الحبيب بكسل شديد ليأتي لها صلاح من الغرفه
صلاح وهو يبتسم لزوجته
_ حبيبتي الفطار جاهز عشان انا جعان أوي ووراي
مشوار مهم ؟
لتجيب ساميه ببعضب التجاهل
= لأ معملتش أكل النهارده
_ ليه يا قلبي خير مالك ؟ انتي تعـ ـبانة وللا إيه ؟
= لأ مش تعـ ـبانة
_ زهقانة ؟
= لأ مش زهقانة
_ جـ ـربانة ؟
نطق بها بسرعه
= أفندم ؟
ليضرب يده فوق رأسه من غبائه
_ آسف، حاولت التزم بالقافية بس
= ولا أي حاجة من دول
_ أمال معملتيش فطار ليه ؟
= ماليش مزاج النهارده، إيه مش من حقي ؟
ليجيب بغضب مكتوم
_ حقك يا حبيبتي طبعا، ماشي مفيش مشكلة، نطلب دليڤري
= لا مش عايزة دليڤري
_ تمام هغسل وشي وانزل اجيب أكل
= لا متغسلش وشك
_ ولا يهمك، أنزل بالتراب على وشي عادي، آهو تمويه، كإني في الصاعـ ـقة
لتصحح هي كلامها قاصده..
= مش قصدي، اقصد متنزلش خالص، ومتطلبش أكل من برا
_ عيوني، تعالي نقف في البلكونة انا وانتي نص ساعة نعمل بناء ضوئي جنب قصرية النعناع اللي جوا
= لا طبعا مش هينفع عشان بشرتي هتغمق ؟
_ مش عشان دا ضد العلم والمنطق ؟
= لأ مش قصتي
_ أكيد طبعا، طب هناكل ازاي دلوقتي، دا مجرد سؤال للفضول والله مش أكتر
= انت هتقف في المطبخ النهارده
_ احنا مش خلصنا كل أحكام الشايب بتاعة أولت امبارح بالليل، واتصلت على 10 أرقام عشوائية وغنيتلهم في التليفون أنا أنا أنا أبريق الشاي ؟
= حصل
_ أمال عايزاني أقف في المطبخ ليه دلوقتي ؟
= عشان تعملنا فطار ، المساواة بتقول كدا
_ المساواة قالتلك كدا بنفسها وللا قالت لحد يقولك ؟ عشان فيه ناس بتزود كلام بس
= لا قالتلي، وقالت اني مش خـ ـدامة في البيت دا، ومن حقي انك تساعدني في كل شغل البيت
_ وبعدين ؟
= يا كدا، يا تسيبني بقى انزل اشتغل
_ تمام
أنت تقرأ
بنت قلبي
Humorهل تبحث عن الضحك هنا سوف تجده مع بطلتنا الغبيه هي وصديقاتها أما عن البطل فا سأترك لكم العنان لتخيله ،،، يلتقيان في سوبر ماركت تتجمع معه هناك فا ماذا سوف يحدث يا تري هل سيكون هو البطل أم أنه كان طريقا للبطل الحقيقي ..
