ظلام 11

ما قـبل النهاية

#"البارت 16"

بقلمي:آشتي

ورداتـي لاتنسون متابعه الحساب +التصويت +

التعليق على الفقرات  شكد ماتكدرون 9li1_m
________________

خوفة تظل بالطفل
من ينچوي يبتعد
چا انتَ من تنچوي
متصيرلك خوفة ؟
يا گلبي كافي بعد
ميحبنة خنعوفة

ميار ..

من يوم الصحيت واني ما اعرف شنو شعوري ولا انسى الصار وياي ولا سالفه امي وملاك راحت من بالي حاولت ابتعد عن الكل بس ما اكدر ما اندل كلشي بس راح ابقى هيج ابد حاولت اوكف على رجلي وحاولت اطلع من البيت بس صعبت عليه ادري بنفسي ما ادبر كلشي ..

واجهت امي واحس الندم اكلني لان فتحت هيج موضوع وياهن

الحد ما جنت كلش مخنوكه وبعد جر وعر من حجي
اجت يمي ملاك وبتدا تحجي ..

_____________

شمس ..
ماكو كل احداث اذكرها لان نفس الروتين جنت كاعده بالمطبخ

دخلت عليه مرت عمي بسعاد

بسعاد : حضج كاعد جا مثل حضي

شمس : شنو

بسعاد : اجوج خطابه واليوم يجوج ياخذوج لمي غراضج عمج يريدها بسرعه

عافتني وطلعت واني بقيت صافنه شنو خطابه شنو ينطوني

دخل عمي باوع عليه وهز ايده ومشى

ليل اجو خطار اجت مرت عمي جرت ايدي ودخلت جوه ودخلتني وراها  اكو ثنين زلم واحد الجان يجيبلي حلويات

حجه واحد منهم

عدكم سيد لو نتصل من صفحنته انجيب ؟

باوع عمي وضحك

محسن : وين شايفلك سيد بهاي المنطقه هههههههه

باوع على واحد منهم واردف

_ هم صدك هسه شنو اني اريد شغلي كل على حار ما احب اتأخر

شمر على عمي فلوس باوع عمي بضحك

محسن : ستاذ مهيمن تدلل علينه

باوع عليه هذا الاسمه استاذ مهيمن وحط ايديه على صدره

مهيمن : تسلم تسلم

باوع عمي وكال

محسن : هاي كدامك شوفها مو تجي ورا يوم وتكول عليله ؟