ظلام 11

Part 3

#"البارت 3"

بقلمي:آشتي

ورداتـي لاتنسون متابعه الحساب +التصويت +

التعليق على الفقرات شكد ماتكدرون
________________

بين ما خلصت شرح الي اسراء جاي التفت ع ورا وكمزت مرعوبه جانو ثنين زلم وراي اضخام كلش بدون مبالغه وعضلات بس شكلهم مرحب بي بس عاقدين الحواجب واحد جان يلف بشاربه والثاني صافن يوجهي .

بسرعه طفرت ويا خاله اسراء

اسراء- على كيفج شنو شفتي بعبع

-خليهه مستغربه منه هسه شوي وتعود علينه

تقرب مني ومسح ع شعري

-شكد حلوه طالعه على الماميه

اسراء- أي ميلاد كلش نسخه منهه حتى بالطباع

قهقه بخفه وجرني من ايدي يريد يطلعني برا الغرفه رجفه سارت بجسمي وصرت ارعش اول مرا احد يكون قريب عليه هلدرجه طول عمري محبوسه بالغرفه ولا طالعه منهه بس وقت المتحانات تاخذني ماما وتروح المدرسه وظل فوك راسي ما تعوفني ابداً

اسراء- وين يمعود اوكف لا طلعهه تشهرني ميلاد ما تقبل تطلع

-شهل ظلم هلدرجه واصله بيهه حابسه الطفله شكو ؟

اسراء- ماتريد احد يدري بيهه شوفت عينك قافله البيبان عليهه اتركهه مالنه دخل بيهه

جراتني من ايدي تريد ترجعني الغرفه .

- تؤ تؤ تؤ شيلي ايدج تره تصير مو خوش!!

همه يحجون واني اكل بظافري اله شوي واسويهه ع نفسي من الخوف ..

سحبني من ايدي ونزلنه الدرج اخذني بالصاله على التخم وكعدني بصفه بسرعه طفرت اول ما كعد
رجع جرني من ايدي وكعدني وياهه خزره هاي شبيهم اريد اصعد ارجع الغرفه ..

ميار- اريد ماما ونفجرت بالبجي ..

-تؤتؤتؤتؤتؤ ليش ميوره الحلوه تبجي اهاا منو وياج هذا

واشر ع رجال جان كاعد بصفه سحب المسدس عليه

-منو وياج هذا طبره وياج اكتله الج احجييي

ميار- اني شفت المسدس لو خرطت العافيه باوعت على رجال

يبجي بتمثيل ويصيح لاااا لااااا ع بختك استاذي
يحلوه اني وياج

ميار- بكاء وتمسح دموعهه .لااا

-لعد شتردين

ميار- اريد ماما وينهه

اسراء وهيه تعلج بمياعه- شهل العياره يمه هيه ميلاد يا يوم مكليتج لو كاعده يمج حتى هسه ترديهه

-اصبلك غدا عيوني خاف جوعان

-شنو غداكم ؟

-دولمه اليوم سوتهه ميلاد قبل لا تطلع .