سيف برود . سجاااد
سجاد بتوتر . اسف استاذ رح انجيب غيرهه
سيف برود . انطيهه راتبهه مال هل شهر وما اريد اشوف خلقتهه كبالي ما اريد هيج نماذج بالشركه
سجاد بخوف . حاضر استاذ
السكرتيره بحقد . نشوف عود يا سكرتيره تصير عدكم
سيف . طبيت للمكتب هية طبت ورايه اني نزعت جاكيتي علكته ورحت كعدت اكمل الملفات واراجع الحسابات مال الشركه وهية بقت تفتر بالمكتب
ايات . مكتبك ممل
سيف . مكتب شغل هذة مو مكتب لعب
ايات . اي بس خلي بي حيا شويه
سيف . اممم وشخليله مثلا
ايات . يعني العاب منا شاشة بلي منا ع اقل تلهي روحك وكت الفراغ يعني
سيف . من اكمل عود افكر
ايات . تمام ... رحت كعدت وهوة مدري شيسوي اني جعت رحت وكفت يمه
سيف . اني ودا اصحح الملفات اجتي وكفت بصفي انداريت عليهه بالكرسي وكلت ... شتريدين
ايات برائه . جعت
سيف . شيجيبولج
ايات . ما ادري خل اشوف
سيف . دكيت ع مصطفى هوة اجه
مصطفى بتوتر . اامر استاذ
سيف برود . اخذهه للمطعم شوفهه شتريد وادفع من حساب الشركه
مصطفى بتوتر . حاضر استاذ تفضلي ويايه
ايات . رحت ويا نزلنه جوه والناس كلهه تباوع عليهه ويحجون مدري شنو منتبهت هواي ورحنه للمطعم مال الشركه اخذت همبركر دبل جيز ولزانيه بالجبن واخذت اله هم نفس الشي وببسي الولد دفع وطلعنه شفت ابو الشعر بنات انطيت العلاليك للولد ورحت ركض علي اشتريت كلهن وانطيته الفلوش ورجعت رحنه للشركه صعدنه للمكتب الولد طبب الغراض جوه وطلع اني كعدت اكل بالشعر بنات
سيف . المن جايبه كل هذني
ايات . اليه واذا تريد اخذ
سيف . مو زين انتي بعدج مماكله شي شلون تاكلين شكر
ايات . عادي افتحهن تره كلش جوعانه
سيف . اشتغل يمج مو تعاي فتحيهن لج
ايات . حقنه ... رحت فتحتهن وخليتهن ع ميز وهوة غسل ايده واجه ياكل خلصت اني اكل وهوة هم خلص ذبيت العلاليك بالزباله وغسلت ايديه ورحت العب بالمبايل بقينه 3 ساعات اني نعست كلش لان صار ساعه 4 اله ربع رحت وهم وكفت يمه
سيف . هم شتريدين
ايات . اربد انام
سيف . روحي بهذيج الغرفه نامي
