سعد . مو تنسه تره اليوم نروح نعقد محكمه
سيف . تمام ... خلصت ريوك وطلعت رحت للشركه ( للكوت يعني )
ايات . كعدت الصبح ساعه 9 ونص اتذكرت الكلام الي كتله يا بالليل بعدين كلت اني مغلطانه هوة حارك المبايل ساعه 4 الفجر رحت سبحت ولبست ورحت صليت ونزلت جوه شفتهم كاعدين يتريكون
ايات . صباح الخير
الكل . صباح النور
ايات . كعدت اتريك وجان بابا يحجي
خالد . عيني باجر رح يجون بيت ابو ستار
حنان . ليش
خالد . حته يشترون غرفه وهاي السوالف
حنان . مو ع اساس عقد المحكمه باجر
خالد . لا اليوم عقد المحكمه
ايات بصدمه . شنووووووو
خالد . شبيج اكعدي
ايات . بابا صدك تحجي تره هذة زواج مو لعبه يعني
خالد . اي ادري بتي
ايات . وليش اني اخر من يعلم
خالد . ميحتاج نكلج
ايات . روحوا انتو تزوجوا لعد اني ما اريد
خالد . مو بكيفج تزوجين وغصبا عليج هذة اخر كلام عندي وياج واذا متزوجتي اني ما ارضه عليج لا دنيه ولا اخره ... عاف الاكل وكام
ايات . اني كعدت بمكاني اريد استوعب هذة من صدك بابا بابا الي مجان يقبل احد يجبرني ع شي لو يكلي ع عينج حاجب هسة هيج صار اجتي امي حضنتني ولاول مره بحياتي كلهه ابجي
حنان . كافي يكلبي اعرف هسة بشنو تحسين
ايات بجي . اذا تعرفين بشنو دا احس ليش متكليله يبطل كلشي ليش هاي مو خواتي مخلاهن يتزوجن اله بعد ما كبرن وهنة كالن اي ليش اني ربي وحد مثلا
حنان . حياتي انتي تعرفين ابوج ميسمع كلام احد والله شكد كتله وحاولت ويا بس مقتنع ابد وشمدريج يجوز جان هذة الزواج زين الج يلا هسة مسحي دموعج وامشي حضري نفسج
ايات . تمام ... رحت غسلت وكعدت بالصاله الحد ما صار ساعه 2 الضهر اجتي امي للصاله
حنان . يلا كومي حضري نفسج
ايات . شكو ؟
حنان . حته نروح نعقد محكمه
ايات . هسة دنيه ضهر يا محكمه هاي
حنان . خالتج خابرت كالت احنه فد ساعه ونوصل يلا كومي
ايات . اي ... كمت للغرفه رحت طلعتلي ملابس هذة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
