سيف . كمت الصبح ساعه 9 سبحت وبدلت ونزلت مشفتهم لا هية ولا بيت خالتي
سيف . يمه بيت خاله وين
منال . راحوا من الصبح
سيف . ليش مكعدتوني
منال . هلكد كعدتك انته مكعدت اني هم عفتك
سيف . تمام
منال . ليش ضايج لان مشفتهه قبل لتروح
سيف . دخل تروح اصلا ما اريدهه
منال . ليش البارحه ردت تشتريلهه المول كله
سيف . البارحه مو اليوم من اليوم اني هاي بعد ما اريدهه
سعد . هم شبيك من الصبح
منال . دنحجي ع بت حنان
سعد . شبيهه
سيف . ما اريدهه
سعد . مو بكيفك اني كلت الابوهه وانطيته كلام
سيف . اي زوجهه للباقين اني ما اريدهه ما اتزوج زعطوطه
سعد . تاخذهه غصبا عليك افتهمت لو لا
سيف . اذا تجيبوهه انتو الخسرانين مو اني
سعد . قابلين ميخالف
سيف . الله كريم ... عفتهم ورحت فوك بدلت وخلصت وطلعت رحت للشركه شفت محمد اهناك سلمت علي ورحت للمكتب بقيت اهناك لليل يلا طلعت وصادفت محمد
محمد . ها طالع
سيف . اي والله اروح للبيت
محمد . بهل ليل
سيف . اي
محمد . لا والله اليوم تبات يمنه
سيف . لا والله لازم اروح عود على غير مره
محمد . هوة انته الصبح هم لازم تجي للشركه شيفرق بعد اذا هنا واذا هناك
سيف . يلا ميخالف ... رحنه البيت خالتي طبينه خالتي جانت موجوده هية مجانت موجوده وابوهه بالدوام
محمد . عنتر ( قصده ع ايات ) وينه شو ماكو من البارحه
حنان . لتكول عليهه عنتر هسة تجي شعرايه متخلي براسك
محمد . هية وينهه
حنان . فوك
محمد . لازم بئرة الفساد ملتمه
حنان . لا مموجودين
محمد . همزين
حنان . اسويلكم عشه
سيف . لا خاله اشكرج متعشين
محمد . لا والله عمه هذة خلي يبات اهنا لان راد يرجع بالليل مخليته
حنان . ليش سيف بيت ماكو لو بالقارة السابعه
سيف . لا بس اني جان عندي شغل بالبيت محمد لح ف اجيت ويا
