ɪ ᴅᴏɴᴛ sᴇᴇ ɴᴏʙᴏᴅʏ ʙᴜᴛ ʏᴏᴜ (ᴍɪᴢᴏ ʙʟ)

ᴄʜᴀᴘᴛᴇʀ-9

Phone ringtone rawn ri ral ral avang chuan Gaby chu arawn meng riai riai a, a phone rawn rikchhuahna tur awmang chu a dap kual ruai

Matthew kawrlum ipte ah alo awm daih chu ni in, hmanhmawh zet chuan ala chhuak a, caller id an en chu anau Deeyanin alo vid call reng chu in

A taksa chu a en vat, saruak ngalngat in alo la awm bawksi, hmanhmawh zet chuan a bula kawr awm awm chu a inbel sawk sawk a, asam thur bam te chu tuai ṭha sawk sawkin call chu apick ta a

" Aw hello nau, i damṭha em " za hauh silo a nui sen sen pah chuan ati zawm nghal zat

Anau chuan mak tih hmel feeee hian a u chu amelh ngar ngar, ala mengphawk em em zui

Gaby chuan hlauhthawn hmel zet chuan " Enge a " chu ati nghal hlur mai

" I nghawng chuh " tih pah chuan Deeyan chu alo ner deuh sak

Gaby chuan camera ṭang chuan a nghawng chu a en nghal vat, love bite in alo khat vek, a phone kenlai chu a dahthla deuh hnawk a, a nghawng chu khum bula scurf chuan a khuhpui nghal vek

Phone chu la kang lehin " Thosi.... aw thosi mai mai " te chu ati bah deuh nuai

Anau lah chuan alo hailo nasa

" Anihloh khaaa.... Enge maw i phi chiam le.... Ka zawt mai mai chelom " tih pah chuan anui hawr hawr

Mahse Gaby chu ala pha ve ngat ngat, anau hian Matthew nen an inkar hre vek mahse ala zak deuh ṭut

Chutah Matthew arawn la ṭawngvai zui, a aw tham nalh tak nen chuan
" Kitten anuam em " arawn ti ham ham, mangpui alo man chhunzawm anih hmel riau (hehehe)

Gaby zak lutuk chu a insiam chhe vak, call chu adah zui nghal daih

Thinrim hmel zeta Matthew lam hawi pah chuan " Hey Hmela.... Tho roh " chu ati vin ṭhawt

Matthew chu thei leh theilo hian arawn meng ṭawk ṭawk

" Enge aaa " ham bui bui pah chuan arawn ti hu

" Aw i chawh " tihleh thawh daih chu Gaby chuan arual hmak

A room lamah chuan aphei nal nak, Matthew lah chuan hrilhhai zet hian alo en liam tlawk tlawk

Gaby chu zak tak chung chuan Bathroom ah alut a, a kawr te chu phelhin darthlalang ah chuan a in en kual vel, a taksa chu red marks hlir hian alo khat, tum bar chung chuan inbual turin Bathtub ah chuan aṭhu lut ta a

Time skip
___________

" Enge kan hmulo intih chu awmzia, LA an chhuahsan toh tihna mi " Matthew chuan thinrim hmel zeta a dawhkan chum rik deuh chawrh pah chuan alo ti rum chhar chhar

" Boss... An kalna tur awmang engmah kan chhui theilo ani.... A chhuih theihna tur ang zawng zawng an thaireh vek a " Matthew hma a ding pakhat chuan kun ngal chung hian arawn ti

" Alpha ka nih hi.... Alpha tan tih theihloh a awmlo.... Naktuk ah LA ah chuan kan kal ang..... Ka Private Jat kha lo tifel ang cheu " Matthew chuan meng sen ram chung chuan ati ram hmarh

" chhuak ro " atih rual chuan aho te chu an chhuak zui nghal sap sap

" Anton.... Ka Kohinoor kha khawiah mah i kalpui lo ang " tih pah chuan rapawm zet chuan a kiai suk

Gaby chu sitting roomah TV alo en mek, Matthew room aṭanga mipa pa5 vel hmanhmawh taka rawn chhuak te chu alo hmu vat, an kiangah chuan ava kalhnai a

" Matthew chu a biak theih toh mi " tih alo zawt vat

" Amm Sir Gaby, tunah rih chuan a mood a a chen rih chiah ka ringlo ani, kallo zawk kha aṭhat ka ring " an zinga pakhat chuan arawn ti a

Gaby chuan alu alo bu nghat, chumi te poh chu an chhuak zui ve nghal

Gaby chu a ṭhutna ngaiah chuan alet leh a, hmel ngui riai chung chuan sofa banah chuan alu chu a nghatthla deuh hnawk, Matthew rilru hah ṭhin zia chungchang vel a ngaihtuah neuh neuh pah chuan alo muhil zui nghal daih

Matthew chu lungawi hmel zanloh chung chuan a room aṭang chuan arawn chhukthla ṭham ṭham a, choka lam apan ding nghal, Gaby azuk hmuh nghal mai siloh avang chuan an awmpuite bulah chuan a awmna a zawt nghal vat

Sitting room lama TV a en thu chu anlo hrilh a, Matthew chu aphei nghal vat

Sofa ban nghenga tui em em a lo muhil reng Gaby chu ava hmu a, thawm dim te chuan a pan hnai ṭhem ṭhem, Gaby mutna bulah chuan ava ṭhu hniam a

A hmai lo zar nuai tu asam te chu dim te hian adah sawn sak a, hmangaih hmel em em hian Gaby chu a en ngawih ngawih

Ka tet lai chuan khawvela mihring hmelṭha ber kawppui nih hi anuam ngot ang ti in ka ngaihtuah mai mai zel a, ni e, ka ring dik chiah, khawvela mipa hmelṭha ber chu tunah hian ka ta ani mek ania, mumang mai mai nilo lulse

Matthew secretary chu arawn kal a
" Boss meeting i tlai dawn " ring leng lawng chuan arawn ti lauh mai, Matthew chu rang taka leh hawi in a secretary chu a melhrum vak

Azawi thei ang ber tur a ahriat chuan
" Mawla... Kalrawh... Ka rawn kal ang... Lenglung mai " a zeizir nen meuh chuan ati ta.... A secretary poh chu anui chhuak lo chauh

Matthew leh Gaby awmdan vel hi an ina cheng ve dangte hian hmuhnom hi anlo ti em em zel ringot maini

Matthew chuan Gaby bianga zawi te a kiss zeuh pah chuan a chhuahsan ta a

A chhuak fel deuh chiah tih chuan Gaby chu arawn meng kawk mai, ala nui ver ver zui, khatia Matthew awm chhung zawng khan alo muhil der lek chu ni in, an piah lawka an awmpui te poh chu an nuih alo za nasa mai

Time skip.... At Night
______________________

Gaby chu inhnuai Library ah piano tumin alo awm mek, Matthew pawn arawn zawm ve zat

" Hey Kitten.... Thil hrilh tur che ka nei a " dam thlap chuan arawn ti lut

" Sawila " a piano tum lai tih tawp pah chuan Matthew awmna lamah chuan a inher vat a

" Naktukah hian LA ah ka kal dawn a, thil pawimawh deuh tih tur ka nei a " inthlahrung deuh chung chuan arawn ti a, Gaby hmel chu angui nghal vek

" Engtia rei nge " Gaby chuan alo ti va

" Ka hre biklo le.... Ka thil zawn lai ka hmuh hma chu nimai "

Gaby chuan engmah a sawi tohlo.... Kum em poh la in hrelo mahse khang an hun hman dun toh zawng zawng te kha tum tam in kumkaihna nei te aiin a nep bik chuanglo

Matthew chuan Gaby chu a banah a pawt hnaia, a awmah chuan abei tir thlawp, akut lehlam chuan Gaby lu chu a chul heuh heuh a, lehlam chuan a hnungah a kuah bawk

Gaby mit aṭang chuan dan rual loh in mittui an rawn hnam a, amah pawn a chhan a hre biklo, mahse a lung chu a chhe em em ringot

" Rei deuh cham tum kher suh aw "
Ṭah aw ṭuau chuan arawn ti chhuak, Matthew chu inla hrang vatin Gaby hmai zâwnah chuan a kunhniam a

Matthew muttui rawn luang riai riai te chu a kutin a hrukfai sak hlep hlep mai.... " Tinge i ṭah a, ka kalsan hlen don hleinem che, ka lo haw leh vat ang, ka tiam a che " tih pah chuan Gaby chu a kuah leh nghal vawng vawng

Gaby poh chuan lungchhe tak chung chuan alo kuah let ve vat

Mi pahnih in hmangaih em em maite inṭhen hranna thawnthu chu a inṭan chiah e

______________________________________

Rawn sad chho ṭan don nia aw🤧

Zanin chu ka buai lutuk a, tawi te hian dahloh aiah ka lo dah zuaih, next chapter chu thui tawh viau ang

Vote sak leh hram ula aw🦋