ɪ ᴅᴏɴᴛ sᴇᴇ ɴᴏʙᴏᴅʏ ʙᴜᴛ ʏᴏᴜ (ᴍɪᴢᴏ ʙʟ)

ᴄʜᴀᴘᴛᴇʀ-6

Gaby chu ni engin arawn chhun ser ser avang chuan arawn meng ṭial ṭial a, a bula Matthew lo mu reng chu ahmu, a hmaia asam lo in chap hnawk nuai te chu akut dam tak chuan atuai sawn sak a

Matthew muhil lai chu athlir dauh dauh a " Inngaizawng chu kan la nilo, mahse feelings ka nei ve chuan ka hria, mahse ka chianglo ani " chu ati sap a

An hawi kual vel chu car chhungah anlo la awm reng tih ahre chhuak, a thawmhnaw te chu a zawng nghal ruai a, inha ṭha sawk sawk pahin Matthew chu a kai tho ve vat a

" Mat, tho roh haw kan ngai " Matthew sawi nawk nawk pah chuan ati a, Matthew chu arawn meng ve riai riai, a thawh hlim phat aṭanga Gaby hmel ahmuh nghal avâng chuan ahlim nghal ver ver hlemai

A rizai sinlai nen chuan arawn tho chhuak a, a bul a a thawmhnaw Gaby in alo dah chu hmu in a ha ve vat, car seat te chu adjust ṭha leh in in lam pan chuan an in khalh chhuak nghal a, Matthew chuan kawng laka thil ei chu rawt viau mahse Gaby chuan atho phang hmel vang chuan ina haw tlang a thlang ta zawk a

In anva thleng chu pawnah Matthew secretary chuan Matthew alo nghak reng, an lam chu arawn pan vat a, Matthew hma ah chuan akun vat, chutiang bawkin Gaby hma ah poh

" Boss, Sir Andrew in inchhungah a nghak che a " secretary chuan arawn ti a, Matthew chu a meng bial kawk mai, Gaby banah chuan kaiin inchhungah chuan aluh pui ta a

Matthew in Andrew ahmuh phat aṭang chuan a meng no lo nghal hle, Gaby hnênah chuan " inchungah lo han inbual rawh aw " chu ati dam thlap a, Gaby poh chuan hnial buai lo in a kalsan zui nghal

Matthew chu Andrew ṭhutna sofa bulah chiah chuan azuk ṭhu thla ve a
" Enge irawn tih don " chu alo ti hmuk, Andrew chuan a zawhna chhang ta mailo chuan " hmm... a landan chuan ṭhian thar i chhar ava ang ve " mit ko san euh pah chuan alo ti kher, Matthew chuan tu chanchin nge asawi ahre chiang hle

" Ani ah lo buai suh, irawn kal chhan chu sawi mairoh " chu ati leh fak
Andrew chu ṭhu ṭha leh te te in
" Ipa in min rawn bia a, Wolfgang ho leh White Tiger gang ho thawhdun aduh deuh ani awm e, chuvang ania Dubai aṭanga ka rawn haw vang vang " pangai deuh chuan arawn ti a

Matthew chu athu hriat chuan a ṭhawng reuh takzet

Tinge ka pa chuan min rawn eihloh le

" Anih chu.... Project dang a awm leh ami " Matthew chuan alo ti vat, ṭhawng deuh anga lan aduhlo, ama Pa ngeiin Leader nihna ahlan a, Mahse ahriat miahloh in Gang dang nen thawhdun na tur thu alo tifel leh diam si, Gang dang ten an hriat chuan an ngaihpawimawh loh phah dâwn lutuk, chuvang chuan hrelo angin a awm duhlo

" Hmanni a mi pakhat aban i tansak kha ila hria ang chu tiraw, kha pa kha Los Angeles lama Gang lian tak pakhat hotupa fapa ania, inlo tihdan avang khan a lawmlo a, ipa nen poh an inbia a, mahse an inrem theih takloh avangin in L.A a in gang ho Basement an rawk a, in thil dahṭhat an la vek alom, chuvang chuan ipa in gang dang ho puihna adil a, engtin nge chung thu te chu ihriat miahloh theih zawk a "
Ngeiom zeta nuih suk pah chuan alo ti a

Matthew mitmeng chu thinrimna hlirin a khat " Ka hria e, i chhuak thei toh ang, meeting hun tur chu ka lo tifel mai ang " ati hmak, a room lamah a chho zui nghal daih

Andrew chuan a chho lai chu a en zui a " Khawngaihthlak " tih hlak pah chuan a chhuak zui ve nghal

Matthew chu lungawilo zetin a room lamah chuan alut a, a secretary chu ako nghal, reilo ah arawn lut nghal

" Motor lo peih rawh, kan Black House ah kan kal dawn " a mitmeng sen ram a a dawhkan melh reng pah chuan ati a, secretary chu a kal vat

" Hrep tak hian a " tih vin ṭhawt pah chuan Matthew chuan a room dawhkana a laptop te chu a paihdarh vek