ɪ ᴅᴏɴᴛ sᴇᴇ ɴᴏʙᴏᴅʏ ʙᴜᴛ ʏᴏᴜ (ᴍɪᴢᴏ ʙʟ)

ᴄʜᴀᴘᴛᴇʀ - 17

" Sir... Matthew ini tiraw? " Doctor form ha pakhat chuan Matthew te awmna lam chu arawn hawi pah a

" Aw ni e enge nita " Matthew chuan alo ti vat

" Inu in ahmu lawk duh che a " atih rual deuhthaw chuan Matthew chu anu awmna room ah chuan a tlanlut nghal

Doctor pawh chuan alo dang khawmuang duh lemlo, athil tawn hahthlak zia chu a hriatpui ve ni ngei tur ani

" Nu... Min hmu duh ami " anu bulah chuan zuk ṭhu thla in akut chu azuk vuan nghal chawt

" Bawiha " a aw te chu alo lawi tawh hle, a fapa chu inthiamloh hmel tak hian a en ngawih ngawih a

" Aw nu... Sawi rawh " mittui tling pam a lo melh rengtu Matthew chuan a han tileh a

" Ka thusawi tur avang hian iduh chuan min haw thei ang, mahse min huat hlen phah lo hram ang che aw " muang ban charh chuan arawn ti leh te te phawt a

Matthew chu ati hrilhhai telh telh
" Aw ka nu tinge ka huat ngot ang che, sawi rohle " hre chak tak chuan alo tileh

" Gaby kha- gaby kha keima kalbo tir anih kha.... An ina in inhauh laia ka rawn kal pawh khan ka ankhum hrep a... Kha naupang khawngaihthlak tawrhna kha ka lo hrethiam lo em atin ni.... Inu hi min ngaidam mawlh mawlh rawh aw ka fapa " mittui tla zawih zawih chung chuan arawn ti ta rauh a

Matthew chu che chang tur reng a awmlo, a thu hriat zawh chiah chu rin tur nge rinloh tur pawh a hrelo, a hmangaih em em Gaby zawng hmu leh tura ṭan a lak nasat zia chu pa chauhin a hria, mahse chumi phen a a hmangaih em em anu alo inrawlh ve chu a ngaihna a hrelo in a rilru ana kher mai

A mittui te chu an rawn hnam ve ṭiak ṭiak ṭan ta mai

" Nu... ngatinge.... ngatinge tianga hi ka chungah itih a.... Engtiklai pawn.... Ka ring em em zel che sin.... Nu.... Tinge ka hlimna min lakbo sak a " a rilru natna te chu thup sen rual an ni talo

Anu hma ah chuan lungchhe tak chuan a ṭap ta ruah ruah mai

" Bawiha... Ṭap lul teh suh... Min ngaidam hram roh.... Ka kalsan hma che a i nupui fanau te nena hmuh ve cheu ka chak em ani " a fapa hmaia lo tuai dauh dauh pah chuan arawn ti

" Nu... Keipawn nupui fanau pek che chu ka chak ve lutuk asin.... Mahse ka thinlung chuan Gaby chauh aduh tlat si ani " a mittui te chu an tawp thei tlatlo, ana ve em ani

Anu chuan a fapa chu a pawt hnaia, a kuah nghal ngawih ngawih

" Ka fapa neihchhun, min ngaidam hram rawh aw inu hi, hun tam ka nei tohlo a, ka kal hunah chuan i hmangaih tak Gaby nen hlim deuhin inlo awm toh don ania, hmangaihna hi ka lo hrethiam lo em ani " a hmelah chuan a inthlahrun ve hmel takzet

Matthew chu a ngawi deuh tawp, mittui nen anu chu a kuah ve ngawih ngawih bawk

Rei feee an inkuah hnu chuan
" Anih nu, khawnge Gaby chu a awm ihria em " beisei nei zet chuan anu chu a en a

" Aw hria e ka fapa.... Kan farmhouse hluiah khan ka awmtir alom.... An in hlui ani nghe nghe asin " anu chuan mittui karah chuan arawn ti nui var var mai

Matthew chu hlim luatah a vawihnih nan anu awm ngheng chung chuan a ṭap leh ta hawm hawm a, mahse a hlim chhung chu areilo hlemai

Anu thawk chu arawn buai ta tlat, Matthew chu a chiai nghal vek, reilo ah Doctor te chu an rawn lut nghal zung zung a, Matthew chu pawnah an nemchhuak rawk rawk mai

Pawn lama lo awm Apa chuan Matthew chu arawn pan nghal hlawk hlawk

" Bawiha... Bawiha enge thleng... " mangan hmel tak chuan a fapa chu arawn sawi deuh nawk nawk mai