ɪ ᴅᴏɴᴛ sᴇᴇ ɴᴏʙᴏᴅʏ ʙᴜᴛ ʏᴏᴜ (ᴍɪᴢᴏ ʙʟ)

ᴄʜᴀᴘᴛᴇʀ-20 (ʟᴀsᴛ ᴄʜᴀᴘᴛᴇʀ)

In chu an thleng ta a, Matthew chuan Gaby chu abe duh hleklo, Car aṭang chuan a chhuak a inchhungah a luhsan daih, Gaby chuan a hrethiamlo lutuk

Car aṭang chuan zawimuangin a chhuk ve a, nichin lawka Matthew awmdan avang khan ala hlau ru deuh

Inchhung aluh rual chuan an awmpuite chuan anrawn panhnai sap sap hlom

" Gaby tinge Boss kha, a thinrim hmel rapthlak, kanlo hlau lutuk a " Gaby hriat tham tur lek chuan an rawn ti sur sur

" Hlau suh u aṭha leh mai ang " chu han ti ve bawk mahse amah tak poh chuan ahlau

Zawi muang tho chuan inchung lamah a chho hna hna mai, ama roomah chuan luh mai atum a, mahse Matthew roomah a thil engkim a suan lut vek toh tih a hrechhuak lehsi

Alut ngam chiahlo chu kawngkhar bulah chuan a ding char char, thawm takngial poh chu a siam ngamlo, a thauah a man deuh tlat

Rei feee a din hnu chuan ake akham ta deuh nge chhuatah chuan a ṭhu thla deuh hnawk, Matthew lo hawn hun nghakin kawngkhar chu a ngheng ta tawp, a hriatloh hlanin alo muhil daih lehnghal

Matthew chu a room chhungah chuan ngawi rengin alo ṭhu, a thiltih dan avang chuan a inthiamloh ve hle nitur ani, mahse pawn lama tihlan chu atum chuang hauhlo

A inngaihtuah nauh nauh lai chuan a kawngkhar zawn vel turah chuan hnar ri ni awm tak a hre ta kurh kurh mai, mak ati deuh chuan kawngkhar lam chu apan phei ṭham ṭham a

Dim te in kawngkhar chu ava hawng, ahma aiin kawngkhar chu arit zawk amaw tih mai tur hian alo la awm zui, a hawng riai riai a, ahma lamah chuan tumah a hmulo, khar leh mai atum chu arawn ri chawrh

" Anaaa " tih thawm chuan arawn zawm nghal, aw rawn chhuahna lampang an melh nak chuan Gaby alu dawm pah a lo chek tlak tlak azu hmu, anuih aza leh reuh toh lutuk, mahse nuihzalo ang deuha a awm angai tlat

" Enge tah khan itih a " arawn ti thum dut

" Ka muhil " alu hiat nauh nauh pah chuan sawitur dang hriat hmelloh zet hian alo tilet

Matthew nuih insum hmel mawlh chu

" Lo lut roh " tihpah chuan kawngkhar chu a hawng zau a, amah chu alut leh nghal daih

Gaby chu a ner nasa mai, a thawhchhuah pah chuan a in bengfai nawk nawk, a luh rual chuan kawngkhar chu na deuh hian akhar deuh kher, Matthew poh alo phu nasa lutuk

" Tihpalh aw " tih pah chuan Matthew chuan Gaby chu a hnung zâwngin arawn kuah a, Gaby chu alo ip leh chuai chuai toh

" Iti ve ziah " Gaby chuan alo ti leh hmuk toh, tum ve luau mahse a tider vek, chhungril lamah chuan anui khi nasa mai

" Tihpalh tak tak, ka ti tohlo ang, ka thinrim pawn ka insum toh ang, min ngaidam la " inlak cute nan ahmui te chu arawn ti pawrh kual vel

Gaby chu a inher a, Matthew nghawngah chuan ahan kuah pha ṭawk

" Ka ngaidam chelom, mahse i thinrim pawn ṭha deuhin sawi tawhla, ka hlau thei lutuk a " pangai deuh chuan arawn ti a

Matthew chu alo bu nghut nghut, Gaby chu a kuah chhuk run mai, a nghawng vel chu a hnim thla deuh ruai bawk

" Ivan rimtui tak, kumkhua in he rim hi hriat reng theih ka chak " ṭah chhuak aw tih hriat tak chuan arawn ti ṭuau mai, amah pawn a chhan a hre biklo

" Eheee, enge a, ṭah itum ringot ami a " nui uarh uarh pah chuan Gaby chuan arawn ti a, Matthew biang lehlam lehlamah chuan adawm bawk

" Ka tum vang poh nilo, ka ṭah a chhuak ve tawp " mittui luang riai riai chung chuan arawn tileh