هلاو شلونككم 😀
قصة جديده فصليه جريئة 🔥🔞
تابعو مع التصويت والتعليق بنقطه 👍🫥
ّ
ً
ً
ً
ياريت نبقى صغار كل همنه نشوف كارتون ونروح للمدرسه ونأخذ عشره للإملاء ونرجع ألكه امي مجهزه الغدا اخخ ياذيج الأيام الماترد .... شكد صحت وبجيت بذيج اليله وكلت يمه خليني بحضنج ماشبعت منج بعدني طفله ...
اسمي عذراء مواليد 99 طولي 168 وزني 55 عيوني كبار عسلي الكل يكول حلوات شعري طويل اسود عايشه بالبصره وي عائلتي الي هم بابا كاظم يشتغل بالنفط وماما أمنه ربه بيت وعندي 3 آخوان ...
مجد خريج معهد تقني ويشتغل بالعقارات مزوج بنت خالتي وعنده اربع بنوتات حلوات يشبهني 😹😹
وثاني عبدالله خريج علوم حاسبات ومدير بالجوازات ومزوج بنت عمتي عنده بنات اثنين
الثالث يوسف طالب مرحله ثالثه قانون مزوج بنت عمتي عن حب
اختي مريم مدرسه رياضيات مزوجه ابن خالو وعنده 3 ولد
حياتي مستقره الحمدلله وكل همي دراستي وطلعاتي ...
الظهر نايمه واسمع صوت عبدالله اكعدي اكعدي
عذراء هاا شكو
عبدالله ليش راسبه
عذراء شنو والله رأسبه
عبدالله ي ي
الام لك يوم عبود خطيه خوفت أختك
عبدالله لج ناجحه ومعدلج 90 عفيه بشاطره
عذراء ماصدكت وضليت اركض ع ماما واحضن بيه واحضن ب نور مرت مجد طبعا نجحت من الثالث متوسط وصرت إعدادية بابا جابلي هديه كلاده ذهب اسمي كلش حبيته والكل يباركلي وينطني هدايا مرت الأيام بابا كال نسافر لأربيل نتونس حضرنه جنط اني لبسي بنطرون وقميص او تنوره ومحجبه من اني وصغيره طلعنه رحنه لبغداد ضلينه يومين اول موصلنه للفندق ارتاحينه وبعدين نزلنه للمطعم اتغدينه وزرنه الامام الكاظم لليل طلعنه للكراده نفتر شويه ثاني يوم رحنه لمولات وتعشينه يلا رجعنه ...شكله سفره حلوه من البدايه استمتعت بيه ...من الفجر طلعنه لأربيل وصلنه للفندق اني نمت لان نعسانه بعدين كعدوني ع الاكل الجمعه الحلوه والضحكه وي الأهل رحنه لشلالات خلصنه يؤمنه بيه وبعدين طلعنه للمول وتعشينه ويوم رحنه حديقه حلوه وشوينه سمج خلصنه عشر أيام أحلى أيام حياتي رجعنه البصره يمكن نمت يومين لان منايمه اجني بنات خالتي سوالف وضحك وياهن مرت الأيام قربت المدارس كولت ل ماما نروح نشتري ملابس مدرسه
لبست تنوره بينسل وقميص شويه طويل بف وشال وترانشوز فديتني اخبل 🥰🙈. احب اتغزل بنفسي 😹😹
اشتريت صدريه لون اسود تصميمه عجبني واشتريت قمصان وجنطه وكل الاشياء المدرسيه وطبعا اني صغيره المدللـه شنو اطلب الكاه يمي مر اسبوع بدا الدوام
القصه حصريه بحسابي ع واتباد ki69nk اذا تشوفوها بآي مكان راسلوني
كعدت من الصبح سبحت وصليت ونزلت الكل موجود يتريك
عذراء صباح الخير عائلتي الطيفه
الكل صباح النور
الأب شنو جمال هذا طالعه تخبلين
يوسف ع بختك حجي مشوفه عبالك قرد شارد من الحديقه
عذراء 🙄🙄🙄 تغار من جمالي
يوسف وينه جمالج بس لاواكع بالارض
عذراء ماريد أعكر مزاجي وياك يلا كمل وصلني للمدرسه .. وصلت للمدرسه تعرفت ع بنيه اسمه روان كلش حبيته من شفته كعدنه اني وياه نفس الرحله وضلينه نسولف ونتعرف ع بعض لحد مخلص دوام رجعت للبيت هلكانه نمت بدون غدا كعدت العصر اكلت وسبحت صار المغرب صليت وبديت اقرأ دروسي ...
مرت أيام المدرسه ونفس روتين تحاضير ودراسه صح عندي هواي صديقات بس احب نضل اني وروان وحدنه دائما نقرا ونسولف ونأكل
YOU ARE READING
ست الحسن فصلية،☀️💧
ChickLitياريت نبقى صغار كل همنه نشوف كارتون ونروح للمدرسه ونأخذ عشره للإملاء ونرجع ألكه امي مجهزه الغدا اخخ ياذيج الأيام الماترد .... شكد صحت وبجيت بذيج اليله وكلت يمه خليني بحضنج ماشبعت منج بعدني طفله ...
