#أثــاࢪة العيون
بقلمـي : ليـال
الحلقة_2_
جميعهم خيبه لاتستثني أحد
-- -- -- -- --
دخلت الغرفتي واني فاقدة اي شعور بداخلي البيت احسه گبر لو اموت ولا ابقه بهلشعور صعب تفقد شخصين واعز ناسك والاخص مشابع منهم
شكاعد يصير بحياتي جانت هادئه وتخبل بين عائلتي بين امي وحجيها وسوالفها وخوفه علينه ووووو الام متتعوض
لو اخوي الي سوالفه تخبل هسا دخل بعمر5 سنين شنو شاف حتئ يروح بقت بس اختي قطعه من امي لازم احافظ عليها واكون قويه لأجلها لو نكسرت اني منوو يبقالها
هواي راح نعاني اعرف بس ماسمح لأحد يطخ اختي راح اكون سند وضهر الها راح اكون الها اخت واخ واب وأم
اليل كله انا صافنه ؏ سقف ولافه شال امي ؏ ايديي وابجي وابجي لحد ما فزيت ؏ صوت الأذان كمت توضيت وكعدت اختي الي ادري مانايمه بس متغطيه كعدتها عيونه حمر
صليت وقررت ليوم اروح لجامعتي لازم احقق حلمي حتئ اكدر اعيش وأواجه المصاعب
ألين: ليونتي تروحين للمدرسه اليوم
ليان: لا مابيه حيل ماريد اروح الشي اريد ابقه بّيتنه
:- هاااا ومنو الي تريد تصير دكتوره وتحقق حلم اهلها وحلمها منو العلمته ماتستسلم ورانه درب طويل شدي حيلج وكومي ييلا اميي يلا ماماا هاي اخر سنه الج وتدخلين جامعه السادس يرادله تعب وسهر وجهد
ردت وهيه تنام ؏ فراشها -: بس انا مابقالي احد المن ادرس
:- واني وابوي وأهدافج منو وعد امي تصير دكتوره وماكو اشطر منها ها ؟
اسولف واكوم بيها هزت راسها وراحت تبدل
اتصلت ؏ ابن عمي يجي ياخذها
سجاد:- ها شولنهن لبنات
:- الحمدالله انا رايحه لجامعه اخذ ليان لمدرستها
- منو ياخذج انتِ
:- انا اروح
- لاولله ومن يمته بناتنه تطلع بوحدها
:- سجااد عندي سيارتي واروح وين رايحه اني غير أداوم شبيك انت
- لا اني اخذجن ثنينجن
مابيه حيل اناقش هزيت راسي ودخلت جوا باوعت للمرايه منتهيه عيونيي مورمات وهالات حمر تحت عيني وجهي شاحب لونه ضعفانه تحسرت وطلعنه قفلت لباب وطلعت متوجهين لجامعتي
ألين:- ابوي وين؟
سجاد :- البارحه بليل اجه اخوج واخذه لبيتهم لان تعبان ومكدر يسوق خابر امجد
:- اشو تحجي طبيعي وشنو اخوي اني عندي اخ واحد ومات وهيج اشو بسرعه ركض لمرته لثانيه ماصدك امي تموت
أنت تقرأ
أثـارة العيِونّ
Mystery / Thrillerسيأتي اليـوم الذي ستُحطم كل ما لديهم مِن أثرٌ وعيـون ، ستأتي سيدة الحُطام وترمم كُل جُرحاً نبت بقلوبهم مِن قاتل الأحوال ، ينهشون العِضام بدون رحمة ويقتلون زهراةٌ مُتفتحه بعطر النرجس يملكُون عصاةٌ مِن الجحيم صوتها يُذبل ويحطم ما تبقى منهم يرتدو...
