#أثـاࢪة العـيون
بقلمي : ليـال
الحلـقة_3_
لا تأخذ جرعة كبيرة من الثقة؛ اترك مكاناً للخيبـه
-- -- -- -- --
صرخت وگعت للگاع ركضنالهّ انا ونوران گلبتها ؏ وجهه والدم ينزل منهه بغزاره
دنكنه روسنه من صار صوت طلق بقينه نعيط مدري من الطلق مدري ؏ ألين الي واكعه والدم صار فيض غطه وجهه وجسمه جانت الضربه بضلعها لكن عميقه
ماعرف شصار من هول الموقف الي انا بي شفت أيدن تقدم عليهّ بخوف
أيدن :- حووراء بنيتي
-: أيدن ايدن فدوه راح تموتت ولله
باوعلي بخوف وشالها ركض بيهه للسياره باوعت النوران هم تبجي وتركض ورايه هيه و ابوها واخوها
صاح أمجد :- هااي منين المتصوبه كل الي نعرفه انتن ثنين المخطوفات منين هايي
نوران :- ويانه ويايي انخطففنه بلأول احنه وبعدين جابو حوراء ورانه ، فدوه ولله هيه النقذتنه فدوه نقذوها بسرعة
صعدنه احنه بسيارة أيدن لكن مو ايدن الي يسوق صعدت انا بلاول حطها بحضني وركض صعد
:- فدوه فدوه لتخلوها تموتت
أيدن :- ولج غير تكولين منيه هاي
:- خلي نوصل ونقذوها وانا انا اسولفلك كلشي ولله
احجي وابجي بشهيگ بقيت اضغط ؏ جرحها حيل نزف ماعندي حيله ثانيه شلت شالهه وخليته ؏ الجرح باوعلي أيدن وكال
- تعرفينه صديقتج هيه؟ علمود نخابر اهلهّ شي
-: لا لا ماعرفه بس مرا وحده شفته ياربي هيه قويه ولله قويه قتلت ثنين منهم علمود تحمينه ولله
باوعلي بصدمه
:- اثنين منو ؟
:- شبيك الين هيه ثنين قتلت من العصابه شبيك هاي هاي ، ألين الي گتلي اروح اكول للأستاذ انو البنات هنه اعترضن طريقها
عاط بصدمـه
:- بس هايي بنت الواء رحيم يمكن
باوعتله بصدمه قهقة بخفه ورديت
- : أيدن هوا عمو بس نوران عنده ونوران مكالت اختي ولا شي ولا تعرفهّ اصلا
:- ايي اي هيه هيه يمكن اهلهّ ميدرون هاي بنت ابوهم وهوا مانتبه عليها بسبب الدم المغطي وجها خلي اخابره يجي يشوفها
اتصل علي وانا مفهيهه شبي اخوي ونوب ولا صدگت بي
كلت اكيد شخط لو انا شاخطه
أيدن :- تعال ورانه للمستشفئ لان المتصوبه بنتك… يييا شارده ... بنتك أسمه ألين لو لا ؟...... لعد هاي هيه تعال وشوفهّ
قطع الاتصال بنـتر حجيت متسائله
حوراء :- شكال ؟
-: شيكول يعني البنت مخطوفه ومجلبين شارده ماشارده
أنت تقرأ
أثـارة العيِونّ
Mystery / Thrillerسيأتي اليـوم الذي ستُحطم كل ما لديهم مِن أثرٌ وعيـون ، ستأتي سيدة الحُطام وترمم كُل جُرحاً نبت بقلوبهم مِن قاتل الأحوال ، ينهشون العِضام بدون رحمة ويقتلون زهراةٌ مُتفتحه بعطر النرجس يملكُون عصاةٌ مِن الجحيم صوتها يُذبل ويحطم ما تبقى منهم يرتدو...
