روايـة ، أثـارة العيون
بقلمـي أنا ليـال الجاسـم
الحـلقة _15_
أذا طگاتنه من أعزاز
چا ياهو اليرد .. حگنه؟
______^^^______
رديت عليي :- هاا؟
أمجد :- ألـين عمري
ألـين :- ها
أمجد :- أسف ولله مو بقصدي
ألـين :- تمام ، باي
سديته منه دخلنه لبيت لبنيه دكينه لباب شويه يلا نفتح جان ولد شاب أول مشاف يقين فتح عيونه بصدمه هيّ شهكت وركضت حضنته
يقين :- ياخوييهه أخذوننييي منكممم
حاضنها ويبجي بصوت قشعرني بعدها بعدت عن الولد وأشرلنه بعمنى تفضلو دخلنه للبيت
حجت مرأة يصير عمرها بلخمسين مخليه عصابه ؏ جبينها ومبين شكله تعبانه
:- ها يمه منو ؏ لباب..
رفعت راسه ويقين بقت واكفه بمكانها وتباوع بقهر
شهكت المرأة ودكت ؏ صدرها بفزع
:- ييمه هايي أنتيي يقيونتي
ركضت عليها حضنتها وبقن يبجن بكل حيلهن نوب طلع ولد ثاني بقه واكف بمكانه ويباوع بصدمه
درت وجهي ؏ ياسر وحجيت :- أني طالعه بلسياره من تخلصون تعالو
همس جبر :- نجبي وكعدي شلون نحجي أنتِ أحجي شلون لكيتيها خاف عبالهم بتهم شارده لو شي ترا لأهل مو أمان بهاي لسوالف
هزيت راسي وأحس نفسي فارغه بلا شعور ماعرف شهلحاله لكن شي يصعب وصفه بقينه يمهم وسولفنه كلشي وتطمنه عليهم وياسر وجبر كالو لاهل لبنت بهاي لفترا يبقون يمرونهم لسلامة البنت طلعنه وصعدنه بلسياره حركها ومشينـه
ألـين :- الأوراق عندي والرساله هم بس ماعرف وين هوا بيت أخوك سابقاً ؟
ياسر :- يي هسا رايحيله أكيد
بقينه نمشي شي حوالي ربع ساعه وصلنه لبيت أخو
ياسر :- يا الله نزلو ياله
سميت بسم الله ونزلت فتح لباب بمفتاح عنده
جبر :- هاي مينلك هلمفتاح؟
ياسر :- ناسخه
دخلنه للبيت جان كله تراب وغبار ويخنگ
جبر :- أريد شنو داخليين بمگبرة
ياسر :- بوزك سده شويه
ألـين :- وين ممكن نلگاهه؟
ياسر :- هي مامتأكده من لكاتبته بس نگول يارب يطلع صدك
ألـين :- هسا منين نبدي ندور كالت واگعه ومنو يكول مامنضفين ومكبوبه بشي حاويه
ياسر :- لا من يوم الحادثه بعد محد دخل لهاذه لبيت
أنت تقرأ
أثـارة العيِونّ
Misterio / Suspensoسيأتي اليـوم الذي ستُحطم كل ما لديهم مِن أثرٌ وعيـون ، ستأتي سيدة الحُطام وترمم كُل جُرحاً نبت بقلوبهم مِن قاتل الأحوال ، ينهشون العِضام بدون رحمة ويقتلون زهراةٌ مُتفتحه بعطر النرجس يملكُون عصاةٌ مِن الجحيم صوتها يُذبل ويحطم ما تبقى منهم يرتدو...
