YOU ARE THE REASON (Mizo gay love story)

You are the reason part 1

* YOU ARE THE REASON -1

Love Sex
LGBT Music
Based on true story .

MEET AND GREET:

"Tho tawh rawh i tlai dawn , i u mama an pawn kawt ah min nghak tawh ania "

Ka nu in ka room kawngkhar a rawn kik ri chuan min ti harh a.
Hreh hle mah ila ka thawh a ngai.
Ka tho a ka in bual nghal sawk sawk a.
Vawt ka ti kher mai.
Ka thawmhnaw ken tur pawh nizan a tang ka rem fel tawh.
Tih tur ka neih hian a zan a tang ka in siam  fel sa thin.
Aizawl lam pan chuan ka Nu ho chuan kan kal a. Ka u nen kan Pathum in.

Ka Pa hnathawh na a vang in  kan in sawn kual zing in  elementary  leh middle hi St Thomas   Kolkata ah ka zo a. Ka Pa chu Lunglei ah an sawn leh a vang in High school erawh Lunglei ah Secret Heart  ka zo thung. Higher erawh  Aizawl ah ka  Boarding school ah mi dah an tum  thung .

Kan school kawt kan thleng chu ka  u chuan ka thawmhnaw min unload saka
Ka room tur ah chuan min chhoh pui a ka nu erawh in kan Principal hmu tur in a kal a.

Hosteller tur chu  an lo awm nual tawh a then erawh an la lut lo. Aizawl pawn a awm ho an ni tlang pui . Room leh khum ruak a lo awm nual a. Ka  duh na ka thlan theih thu warden chuan  min hrilh a.  Middle room a Khum chu ka thlang a.

Student dang lo awm ho chu ka aiin an lian vek  . 
Higher zir tur chuan ka naupng in ka te ve em bawk a ni. Ka u mama rual tur vel hlir ni in ka hria.

Ka in sawn kual nasa lutuk hian  thian kawm chung chang ah ka buai thin.
Mi thar nih reng chu  tlangnel viau a har thin. Mahse  Hostel ah awm erawh chuan nitin zantin kan in hmu khawm reng a . Tlem chuan a zia.

Mahse mi te  va  approach  hmasak hi ka thiam loh leh ka in thlahrung na lam tak a ni. Min kawm tu leh min nel tu erawh ka theih anga polite leh nelawm in ka awm thung.

Ka nu leh ka U ka thlah liam fel meuh chuan  chaw ei a hun ta mai. Chaw dawh tur chuan in tlar in chaw chu ka ei ve mai a. Dal leh alu hi ka duh tho a ka engto hran lo. Ka bul a chaw ei ve chu a tawng miah lo a . A ngawi chawi hle a. A hmel chu ka ai in a upa daih tih a lang reng. Class 12 a nih dawn hi ka ti rilru a.

Ngo lam  leh  taksa in phut mawi tawk a sang hi a nia. A sam style chu  Titanic lar vang lai a chang tupa Jack a sam style khan a nei ngei a. Tun ang hun ah mizo chuan a sam style chu pu an awm meuh tawh lo.
Mahse a hmel tha hrim hrim a a in hmeh in a mawipui phian.

A ding hluai a kal a tum a .
Mahse a chaw thleng erawh a keng mai lo. Chaw lah a dah bang nasa sia.

"I kham der elaw ?" Tia ka biak chuan min chhang mai lo.
Alo let leh a chi hi a rawn keng a.
Chi a va la tih ka hre thiam mai.

"I am sorry . I dont understand much Mizo"
Oh  you are from?

Shimla.

Shimla a tang daih a helai a lehkha zir tur a lo kal chu . A pa emaw a nu emaw an transfer ani maw ka ti rilru nghal a.
Ka rin ang ngei in  a pa chu  Police DIG in  Aizawl ah an lo dah chu lo ni in.
Kan in kawm nel hle. Sap tawng leh vai tawng ka hmang kawp naw naw ve theih a vang chuan min nel ni ber in ka hria.

Ka school luhna ka sawn zing em a vang in lunglen hi chu ngai ah ka nei deuh tawh in ka hria. Class te kan tan tawh bawk a. Class 12 ho chu hostel ah an lo lut sap sap a. Class 11,9,8,7 tih vel chu Aizawl pawn a mi kan ni deuh vek. Board exam tur erawh Aizawl ami pawh an lo lut ve vek thung. Hostel pawh kan full ang reng hle.
Floor hnih chu boys ho in kan luah a.
A top floor ah chuan hostel lut hmasa ho kan awm a. Hosteller chu kan tha hnem ang reng.

Kan  floor bik ah hian corridor zau nuam  tak a awm a. Aizawl tlak lam chu a lang phe un mai a ni. Tlai nem chaw ei hma chuan kan ding thin.
Chutia ka thlir doh doh lai chuan kan warden chuan min rawn ko a. Kha lo  kawh hmuh lawk ta che khum ruak kha tiin kailawna lo chho mek chu min kwh hmuh a. Ka lo Yes ve mai.