YOU ARE THE REASON (Mizo gay love story)

You are the Reason part 4

(Based on true Story)

Hate & Love
--------------

Ka suang tuahna vak vek nasa lutuk hi ka nat pui ni ber in ka hria. Ka mittui te dan rual lovin a tlak chu. Ka va nep tak em ka in ti rilru mawlh mawlh a.
Bialnu pawh chu lo ni se ka thik phak a ni mawlh lo. Ka lo thik ve na chhan tur a awm leh chuang silo.

Ka ngaihtuah na a ta hi paih chhuah ka va duh tak em!
Ka in haw tak zet.  Kan Mipat pui hi ka hmangaih tawh tur ani lo , hetiang rilru ka pu tawh tur a ni lo tiin theih tawp ka lo chhuah ve tawh si a.

Mahse a mah ka tawn khan a chhingmit len a ka lam a lo hawi khan ka in sum zo thlawt lo a ni. Ka in sum theih na min phelh chim sak ta a ni.
Tah vak vak mai te hi ka duh mahse awmzia a awm tawh silo.
Kei in hmangaihna mit in ka  lo thlir a, a ni in hmangaihna mit in min thlir silova, nuam tawl nan mai mai min hman a tum in ka hria.
Ka in ngaihtuah a ka haw tak zet.

Darkar reilo te a hmel hmu lova ka awm te hian ka ngai thei em em zui. Hmuh ka chak a mahse ka hmu duh lo . Ka hmuh zin poh leh ka duh azual in ka hria. Ka  in haw hluah hluah. 

Study room a lehkha zir tur a step a ka chhuk lai chuan light in a en loh na zawn ah chuan a lo ding a. Ka in rin hma in ka ban ah a lo chelh.

" Hey,,,, min ti phu lutuk."
A kut min chelh na chu phih thlak ka tum a . Mahse a kut tha chak tak a vang chuan ka hneh lo.

" Tinge, min huat em em a?. I pawi ka sawi a mi? "
Ka chhang lo. Chhan dan ka hre lo .
Ka pawi a sawi leh sawi loh pwh ka hre lo.

"Mawh min chhang rawh... Tinge min hel zel a. Min hmuh duh miah loh a. ? "

Enge ka sawi chuan ang sawi tur ka va hre lo tak em! 
A mah hi ka hmangaih tak zwt tihna em ni? Hemi em a ka thin lung ti buai hi.
A lam ah min pawt a "lo kal teh" .

Chhan na ka pek hma chuan lehkha Zir ve tur student dang ho chu an lo chhuk hum hum a .  Rang tak in min thlah a. Ka in thliar fihlim nghal.

Ka rilru ah engdang a leng lo,  a mah chu ka ngaihtuah a.  Ka duh tih a hria ang tih ka hlau em em a.
Ani nen a kan hun hman dun te engmah hre lo a thian satliah ang maia min en hian ka haw leh si. Ka nun hi a va buai tak em! Huissss.

Chaw pawh ka ei thei lo. Ka mit khur te a tla dawk in ka hria. Kan mess alo tui fahran lo nen. Ka ei thei lo tak zet. Barhnih ka bar a ka kham. Rony chuan mak ti tak in min en a. Engmah a sawi chuang lo.

Study break kan neih lai chuan Rony nen thingpui in tur in choka ah kan chhuk a.  Kan cook hi hi vai a nia. Choka bul chiah hi kan Cook bed room a ni a.

Kan cook chuan Rony chu a ko lut a. Minute khat hnu chuan min ko lut ve .
Rony chu ei tur leh pawisa kan cook bul ah aruk in a nu in lo kawltir chu niin. Zote  Bakery vel leh wai wai i lo , zan riltam a ei tur vel a lo leisak teuh a. Zan a ei tur chu min lo pe ve a. Coke te. Ka lawm khawp mai . Percell tawp chuan a lo lei khawl a cook chuan Rony tan.
Polythne khat ve ve in kan ieng chho a .

Zan mutdawn riltam a ei tur in.  Ka chaw ei thei loh lai tak ania ka lawm na hian van a tawng lo chauh. Vawksa atang a an siam sanwich tui hmel tak cook in alo tih sat thar lam tak te. Pineapple pastry rim te chuan min ti hlim a ei min ti chak zual ngei mai.  Ka chil a ti put tak zet. Ka chil ka lem kawlh kawlh .

Student dang chhoh zawh hun chu kan nghak a. Thawm ri mur mur a reh . Student ho chu an chho vek tawh e tiin kan chhuak a. Kan warden ngawi reng in a lo ding step ah.  Kan thil ken chu a rawn hmu chat.

"Kha enge in khai kha?"

Rony an chhan a tum tak siloh ah chuan keimah ka chhan mai a ngai.
Kan cook kan sawi tel chuan a tuar tel ve dawna ka hriat a vang in .