Confession ♥️🤍

Pt 02

"ක්‍රශ් කියන්නෙ ක්‍රශ්" අන්තිමේ මම මටම කියාගත්තා.

එතන ඉඳන් අවුරුද්දක් විතර අපි ඉඳලා හිටලා කතා කරා.එයා මට මගෙ බර්ත්ඩේ එකට ලස්සන පුංචි කී ටැග් එකක් එව්වා.මම ඒක සීරෙන්නෙ දූවිලි ගෑවෙන්නෙ නැති වෙන්න පරිස්සමෙන් පැක් කරලා මගෙ කබඩ් එකේ අරන් තිබ්බා.මම එයා එක්ක වැඩිය චැට් කරන්න ගියෙ නැති නිසා එයාටත් වැඩිය මැසේජ් කරන්න හිතෙන්නැතුව ඇති.ඒ නිසා මාසෙකට සැරයක් නැත්තම් දෙකක් වගේ තමයි අපි චැට් කරේ.

අවුරුද්දකට විතර පස්සෙ මෙන්න ආයෙත් එකපාරට චමෝදයාගෙ ගෲප් එක අප් වෙලා.චැට් ගෲප් එකක් හදලා මුල්ම දවස් ටිකේ විතරයි කොහොමත් ඕවගෙ රස්නෙ තියෙන්නෙ.ඉටපස්සෙ ටික ටික අභාවයට යනවා.ඕක සාමාන්‍යයි.අපේ චමෝද්ගෙ ගෲප් එකටත් වුනේ ඒක.හැබැයි මෙන්න එකපාරට ආයෙත් ගෲප් එකේ චැට් කරන්න පටන් අරන්.මැසේජ් එකදිගට එද්දි මමත් ගිහින් බැලුවා.චමෝද් අලුත් යාලුවො ටිකක් ඇඩ් කරලා.ඒකයි මේ.මූටත් වෙන වැඩ නෑනෙ.මල්කිත් අලුත් සෙට් එක එක්ක බරටම කතාව.මට හෙනම ජෙලස් හිතුනා.මම එක මැසේජ් එකක්වත් නොදා චැට් එක දිහා බලන් හිටියා.ඒ පාර මේ කෙල්ල මම මැසේජ් සීන් කරනවා කියලා දැකලා මාව මෙන්ශන් කරලා හායි කියලා දැම්මා.අන්තිමේ මමත් ඒකට හායි කියලා දැම්මා.

"කවුද මේ"
අලුතෙන් ආපු කෙල්ලෙක් එකපාරට ඇහුවා.

මම ඉරිසියාවෙන් පුපුර පුපුර ඉන්න වෙලාවෙ එයා මගෙන් ඇහුවෙ වැරදි ප්‍රශ්නයක්
"මම මල්කිගෙ හස්බන්ඩ්" මම ඒකට දුන්නෙත් වැරදි උත්තරයක්.

"අප්පා.මල්කිගෙ අයිතිකාරයත් මේකෙ ඉන්නවද?අපිට පරිස්සමෙන් ඉන්න වෙයි එහෙනම්" අලුතෙන් ආව කොල්ලෙක් එහෙම කියද්දිම මල්කිත් මැසේජ් එකක් දැම්මා.

"ඔව් ඔව්.මෙයා තමා මගෙ හස්බන්ඩ් "

මගෙ මූණ රත් වුනා.රතු පාටත් වෙන්නැති මම හිතන්නෙ.මේ කෙල්ල මාත් එක්ක සෙල්ලම් කරනවද???හරි නෙ මමනෙ පටන් ගත්තෙ ඉතිං.
කොහොම හරි එදා ඉඳන් ඒ ගෲප් එකේ හැමෝම මට කිව්වෙ මල්කිගෙ හබී කියලා.එදා ඉඳන් හැමදාම වගේ මල්කි ආයෙත් මාත් එක්ක කතා කරා.අපේ ගෲප් එකේ හිටපු ගමන් ගෲප්කෝල් ගන්නත් පටන් ගත්තා.කෝල් එක පටන් ගත්ත වෙලේ ඉඳන් කට්ටිය කච කච ගගා ඉන්නවා මල්කි ඒ හැම එකටම හිනා වෙවී ඉන්නවා.පුදුම කිචි කිචියක්නෙ.මට ඒකටත් ඉරිසියා හිතෙනවා.ඒවට ඔච්චර හිනා යනවද?අනික මේ වීඩියෝ කෝල් ගත්තම හැමෝටම පේනවත් එක්ක.ඕවගෙන් තමයි අල්ලගන්නෙ මිනිස්සුන්ව.මට වෙලාවකට තරහයි.මට දාන හිනාවම හැමෝටම දාන්නෙ.ඒ හිනාව ලස්සනයිනෙ.ඒ නිසා මට ඉරිසියයි.