Unicode
'' အချစ် ''
ရိပ်ရေကန်၏ ကန်ဘောင်ဘေးတွင်ထိုင်နေကြသော အချစ်ငှက် နှစ်ယောက်က တစ်ယောက်လက်ကို တစ်ယောက် ဆုတ်ကိုင်ထားလေကာ မင်းဓနရှိန်က ခက်အား တီးတိုးသံဖြင့် ခေါ်လိုက်လေတော့
'' အင်း ပြောလေ မောင် "
' မောင် ...မောင်လေ... "
စကားပြောနေရင်းထပ်မပြောနိုင်လောက်အောင် အသံတိမ်ဝင်သွားတဲ့လူကြောင့် ခက်ရောင်ခြည်လည်းအလန့်တကြားဖြင့် ဓနကို လှမ်းကြည့်လေသောအခါ မင်းဓနရှိန်က မျက်နှာလေးညှိုးကြလို့နေလေသည် ။ အကောင်းကနေ မျက်နှာမကောင်းဖြစ်သွားသော ကောင်လေး၏ မျက်နှာကို ခက်က အသာအယာလေးသူ့ဘက်ဆွဲလေပြီး
" မောင် ဘာဖြစ်လို့လဲ ပြောပါအုံး "
ခက်ရောင်ခြည်မှာ ပြာပြာသလဲဖြစ်နေပြီဖြစ်ပေမယ့်လည်း မင်းဓနရှိန်က တလုံးတပါဒမှပြန်ပြောဖို့အစီအစဥ်ရှိမနေသောကြောင့် ခက်ရောင်ခြည်ကတစ်ဖန်ပြန်လည်ကာ
" မောင် ပြောအုန်းလေ ။ မောင့်အနားမှာ ကျွန်တော် အမြဲရှိနေပေးမှာလေ ။ မောင်ဖြစ်နေတာတွေကိုမောင်ပြောပြမှ ကျုပ်သိရမှာလေ... "
ခက်ရောင်ခြည်က မင်းဓနရှိန်ကိုစိုက်ကြည့်ကာပြောနေသည့်စကားတွေမှာ နွေးထွေးမှုကိုခံစားရလေသည် ။ ဒီလိုနွေးထွေးမှုမျိုးက်ို မင်းဓနရှိန်တစ်ယောက် မခံစားခဲ့ဖူးချေ ။ ဒီကောင်လေးက သူ့ဘဝထဲကို ရောက်လို့လာပြီးတဲ့ အချိန်မှစကာ မင်းဓနရှိန်အတွက် အရာရာဟာပြောင်းလဲလို့သွားပေသည် ။ သူ၏ မျက်နှာပေါ် လက်ဖဝါးတင်ကာ သပ်ချလိုက်ပြီးမှ
'' မောင် မေမေတို့ကို လွမ်းလို့... "
ငိုချင်စိတ်ကို ထိန်းထားရသောသူပမာ မျက်ဝန်းတွေက ရဲလို့နေလေပြီး လည်ပင်းကြောတွေထောင်နေလေသည် ။ သူ၏စကားကို ဂရုတစိုက်နားထောင်ပေးနေသည့် ခက်ရောင်ခြည်၏ လက်ဖဝါးအပေါ် သူ၏လက်ဖဝါးအုပ်မိုးလိုက်ပြီး
" ဒီလို အချစ်ရဲ့ ။ မောင့်မှာ မိဘတွေရှိနေပေမယ့်လည်း မောင် တစ်ခါမှ နွေးထွေးမှုကို မခံစားခဲ့ရဘူး ။ သူတို့က မောင့်ကို ဂရုလည်းမစိုက်ကြသလို မောင့်ကိုစိတ်လည်းမပူကြဘူး "
YOU ARE READING
စိန်ပန်းနီနီ မောင့်ကိုတည် (Completed)
Romanceမင်းဓနရှိန် + ခက်ရောင်ခြည် မိဘမေတ္တာကို သိပ်တောင့်တနေတဲ့ သူဋ္ဌေးသားလေး " မင်းဓနရှိန် '' ဆိုသူဟာ စိတ်ဒဏ်ရာတွေ ရှိခဲ့တဲ့ သူကြီးသား " ခက်ရောင်ခြည် '' ဆိုသည့် ကောင်လေး၏ ဘဝထဲကို ဇွတ်တရွတ်ဝင်လာလေသောအခါ 2/2/2022 ( Starts) Written By Both Fonts
