ပန်းလေးလိုလှတဲ့ ရှစ်စွမ်း

Description

Description

ရှန်းလျိုရှန့်က တစ်ညလုံးမအိပ်ဘဲ ကြာပန်းဖြူshouနှင့် သူ၏ အလွယ်တကူစွမ်းအားကြီးလာနိုင်ခဲ့သော လမ်းစဉ်အကြောင်းဝတ္ထုကို ဖတ်နေခဲ့သည်။ ဇာတ်လမ်းဆုံးသည်နှင့် သူ့ရင်ဘတ်ကို ဗုန်းခနဲထုရိုက်ပြီး မပျော်မရွှင်ဖြင့် ခြေဆောင့်လိုက်သည်။

ဤဝတ္ထုထဲမှ ဗီလိန်ရှစ်စွမ်းက သူနှင့် နာမည်ဆင်တူဖြစ်နေသည်။

သူက ပန်းတစ်ပွင့်သဖွယ်လှပသော်လည်း အခြားလူများကို အတုခိုးလျက်ဖြင့် သူ၏သွင်ပြင်ကို ပျက်စီးစေခဲ့သည်။

ဇာတ်လိုက်ဖြစ်သည့် Shouကိုသာ ချစ်နေသည့် ပင်းရှန်ဓားသခင်ကို သူ အရူးအမူးချစ်မိခဲ့ပေသည်။ တုံးအမှုနှင့် အရှက်မဲ့မှုများစွာဖြင့် တစ်ဖက်လူကို လိုက်ခဲ့မိပေသည်။

ဧကရာဇ်အရှင်ဖြစ်သော သူ့ဖခင်နှင့် အဆက်အ‌သွယ်ဖြတ်တောက်ခဲ့ပြီး ဂိုဏ်းထဲရှိစီနီယာအစ်ကိုနှင့်ပါ သံယောဇဉ်ဖြတ်တောက်ခဲ့သည်။ သွေးသောက်ညီအစ်ကိုဖြစ်သည့် နတ်ဆိုးအရှင်နှင့်လည်း သေလုမျောပါးအခြေအနေအထိ တိုက်ခိုက်ခဲ့ပေသည်။

ဓားသခင်အတွက် နောင်တစ်ချိန် ကျင့်ကြံရေးလောကတစ်ခုလုံးတွင် နံပါတ်တစ်ဖြစ်လာမည့် သူ၏အချစ်ပြိုင်ဘက်ဖြစ်သော တပည့်အရင်းကိုပင် ရှင်းထုတ်ပစ်ချင်ခဲ့သည်။

ထိုည အိပ်ပျော်သွားပြီးသည့်နောက် ပြန်နိုးလာသည့်အခါ ရှန်းလျိုရှန့်က စာအုပ်ထဲမှ ဗီလိန်ရှစ်စွမ်းအဖြစ်ပြန်လည်မွေးဖွားလာခဲ့သည်ကို တွေ့လိုက်ရသည်။

" ဇာတ်လိုက်ဖြစ်တဲ့ shouနဲ့တူအောင် အသည်းအသန် ကြိုးစားရမယ်တဲ့လား... နိုးထလိုက်စမ်းပါတော့... ဒီအင်မော်တယ်က လောကကြီးမှာ အလှဆုံးပဲကွ..."

" ‌ဓားသခင်ဆိုတာ ဘယ်ကောင်လဲ... သူက ငါ့အဖေ ဧကရာဇ်အရှင်ထက် ပိုသန်မာမယ်တဲ့လား... ဂိုဏ်းထဲက ငါ့စီနီယာအစ်ကိုထက် ပိုချောမယ်တဲ့လား... ငါ့ရဲ့သွေးသောက်ညီအစ်ကို နတ်ဆိုးသခင်ထက်ရော ပိုစွမ်းမယ်တဲ့လား..."

အနာဂတ်တွင် ဇာတ်လိုက်၏ အကြီးမားဆုံး ကျောထောက်နောက်ခံဖြစ်လာမည့် ကျိုးရွှမ်လန်နှင့်ဆုံသည့်အခါ အခွင့်အရေးကောင်းကောင်းကို ဆုပ်ကိုင်ထားပြီး ကံကြမ္မာကောင်းကို ရရှိအောင်ပြုလုပ်ရန် အန္တရာယ်ကို ရင်ခွင်ထဲပိုက်ထားခဲ့သည်။

သို့ရာတွင် သူ့တပည့်က နာခံလွန်းနေသည်။

" ကောင်းကင်နှင့် ကမ္ဘာမြေပေါ်က ဝိညာဉ်ရတနာတွေအားလုံးကို ရှစ်စွမ်းပဲ ပိုင်တာပါ... ရှေးဟောင်းအမွေအနှစ်တွေအကုန်လုံးကလည်း ရှစ်စွမ်းအတွက်ပဲ... ဒီတပည့်ကလည်း ရှစ်စွမ်းအပိုင်ပါ..."

ရှန်းလျိုရှန့် : " ကောင်းပြီလေ... ငါမင်းကို အခွင့်အရေးတစ်ခုပေးမယ်..."

မူလက ဘာသိဘာသာနေနေသည့် ရှန်းလျိုရှန့်မှာ သူ့တပည့်အပေါ် သိသိသာသာ ကာကွယ်ပေးတတ်လာသည်။ အပြန်အလှန်အနေဖြင့် သူ့တပည့်က သူ့အပေါ် ရိုးသားဖြောင့်မတ်ပြီး သစ္စာရှိမှုများ ပိုမိုတိုးပွားလာသည်။ သို့ရာတွင် ဤတစ်ကြိမ်၌မူ ရှန်းလျိုရှန့် မှားယွင်းတွက်ချက်ခဲ့မိသည်။ မူရင်းဝတ္ထုမှ ကျိုးရွှမ်လန်က ပြန်ရောက်လာခဲ့ပေသည်။

" ရှစ်စွမ်းက တော်တော်လေး ပြောင်းလဲသွားတာပဲ..."

ထိုလူက သူ့ကိုသိုင်းဖက်ထားပြီး သူ့နားနားတိုးကပ်၍ အန္တရာယ်ရှိသောလေသံတိုးတိုးဖြင့် ပြောလိုက်သည်။

" ဒါပေမဲ့ ကျွန်တော်အရမ်း‌သဘောကျတယ်..."

ရှန်းလျိုရှန့် စိတ်ထဲတွင် အော်ဟစ်နေမိသည်။
ငါ့ရဲ့လိမ်မာတဲ့တပည့်လေးကိုပဲ ပြန်လိုချင်တယ်...