لمني بشوق وأحضني..بعادك عني بعثرني

part:3

ببيت ابو عبدالعزيز..
عبير قامت بعد ما دقت عليها مها: خليني اقوم اكل لي شيء واطلع دام اني لوحدي..
دخل عليها اخوها عبدالعزيز:صباح الخير يا مزه.
عبير:صباح النور هههههه اصلا غصبا عنك مزه.
عزوز:اتعب انا على الثقه، المهم ما علينا انا كنت جاي بقولك اني بروح افطر بالمملكه تجي معي ولا ما فيك حيل؟
عبير:لا والله جيت وجابك الله بموت من الطفش وابي اطلع اي مكان،خلاص بس البس واجهز ونروح تيب؟
عزوز:اسمها طيب مو تيب فاهمه وبعدين اخلصي بسرعه انتظرك تحت.
عبير(غريبه عزيز م راح مع عبيد ولااه بعد يباخذني معه افطر اكيد فيه انه بالموضوع بس ماعلي اهم شي انبسط) ولبست عبايتها وعدلت لثمتها وخذت جوالها وشنطتها ولبست كعبها وطلعت.
عزوز:لا يا شيخه كان طولتي بعد اخلصي علي واركبي لو انك متاخره دقيقه كان تركتك ومشيت.
عبير:اعوذ بالله اكلتني بقشوري ما تاخرت ولا شي على طول نزلت وراك واذا مره متضايق اني جايه معك ترى عادي انزل واخليك تروح.(وجات بتفتح الباب الا عزوز مسك يدها وسحبها)
عزوز:يا بنت الناس اقعدي ما قلت شي امزح معك شفيك صايره شرار اعوذ بالله.
--------في بيت ابو عبدالرحمن--------
اماني دخلت غرفه مها:صباح الخير حبيبتي،احنا بنروح المملكه تجي؟
مها:صباح النور،اممم مدري فيني نوم بس طفشانه وابي اطلع...
اماني:اخلصي علي بتجي ولا لا ترى عبدالرحمن يستنانا في السياره!!
مها:خلاص طيب انزلي السياره وانا البس عبايتي وانزل.
اماني:طيب يلا استناك.
عند مها قامت لبست لقينز اسود وبلوفر وخذت شنطتها ولبست عبايتها.
مها:ااااااف فين جوالي توي كنت قاعده العب فيه!!
(يهون العمر وسنينه ولا يبدا معي صدك وجودك جنه الدنيا.....)
مها:اخير لقيت جوالي...عبير غريبه صاحيه توقعتها نايمه خليني اشوف ايش تبغى!؟
عبير:سلام كيفك اسمعي كنت بقولك تجي للمملكه معي؟
مها:وعليكم السلام،تمام،اساسا انا بروح هناك وكنت بقولك انتي وعنود،خلاص اجل اكلم عنود ونتقابل هناك يلا سلام.
عبير:طيب،اشوفك على خير،يلا سلام.
ونزلت للسياره،مها:سلام دقت علي عبير تقول انها رايحه لهناك وبكلم عنود تجي معنا بعد ايش رايك اماني؟
اماني:حلو خلاص طيب نشوفهم هناك.
دقت مها على عنود وجوالها مقفل،مها: غريبه عنيد مقفله جوالهاا،ااااف ما اغباني نسيت انها اليوم عليها اختبار!!
عبدالرحمن:مو منك من صحباتك الاغبياء صرتي مثلهم هههه
مها:وجع مالك دخل بصديقاتي بعدين بسم الله على اصحابك كل واحد يقول للغباء روح وانا اجي مكانك هههههههههههه
عبدالرحمن: على زق مالك شغل باصحابي.
مها:خلاص انت كمــ....
اماني:خلاص انتي وهوو يعني م يصير تهجدوا شوي لازم لسانكم يتحرك طول اليوم وجع بزران انت وهي..
عبدالرحمن:طنقرت الاخت خلاص ههههههههه
لفت اماني له وعطته نظره من فوق لتحت وخزته خز لين ما تفل العافيه(يلعن ابو الوصف ههههههههههههههه)..
عبدالرحمن: اهه ههه احم احم (وهو يحك راسه).
ماتت ضحك عليه مها بس كتمت نفسها عشان اختها لا تذبحها.
-----------------------------
انتهى البارت.
توقعاتكم ايش راح يصير لهم؟