أقدار مترابطه

البدايه

كاعده وصافنه ايدى عله خدى ودموعى عشره عشره ابجى بسكوت استرجع كل ذكرياتى حياتى بكل تفاصيلها الهاديه قبل مانجى لهنانه
                  نرجع للماضی شويه
خلى اعرفكم عنى منو انى وشنو قصتى:
هلوو انى اريام البنيه الجبيره الاهلى عمرى 19سنه سادس ادبى(راسبه سنه)عندى اختين و اخ واحد الصراحه امى مو الجبيره اخوى هوا الجبير بعده انى ،
مواصفاتى بيضه بس مو هواى وشويه سمينه
طولى 157سم شعرى اسود وطويل

انى عايشه ابغداد ويه:
بابا:حسن العمر 49سنه يشتغل حلاق بابا انسان هادى ومسالم لابعد درجه مايدخل باحد كلبه طيب ومدللنه
ماما:حنان اسم عله مسمى انشالله كلش حنونه وكلبها صافى صح بس بعض الاحيان اتكون صارمه ويانه بس هاذ الشى المصلحتنه امى عمرها 45سنه خياطه
....:مرحبا انى ريما اخت اريام عمرى18 سنه وعندى اخت بعد توؤم بس منتشابه انى ضعيفه بس كو كلش معصعصه لا زينه شعرى لونه بنى طويل وشوى سمرا مو هواى يعنى زركه لا سمار حلو طولى 155سم وزنى 52ايى خلص اعرف قزمه ماله داعى الضحك البلا سبب

هااى كايز انى ديمه اخر العنكود هوا صحيح انى وريما توؤم بس انى ناعمه كلش ابين اصغر منها اصلا هيه صارت قبلى بدقيقتين مدرى ثلاث احنه كلنه ندرس ادبى وبنفس الصف سادس الضيم انى طولى 153 و وزنى 47
خلى نرجع للقصه....
اريام كعدت الصبح الساعه 6:00 اليوم عطله ماكو مدرسه بس انى متعوده اكعد هيج وقت رحت غسلت وجهى واسنانى واتوضيت وصليت صح متاخره بس شبيدى الله ماكوم وكت الصلاه المهم خلصت غسرت ملابس النوم ولبست تراك ابيض واسود وضفرت شعرى وجبت الكصيبه عله صفحه وحطيت كريمات الجسمى ونزلت شفت بابا كاعد هوا متعود يكعد ويه صلاة الفجر ايصلى ماما ترجع اتنام وهوا يبقى كاعد صبحت عليه وبلشت احضر بلريوك شويه واجت ماما صبحت علينه
حنان:اريام هذن ماكعدن موو
حجت وهيه اتصب بلجاى قصدها عله ريما وديمه كتلهه:لا ولله ماما شكد حاولت وياهن ماقبلن ايكولن اليوم عطله مانكعد هسه حته صلاص ماصلن
سهله انى الهن هذن يردن يستكفرن لاصوم لا صلاه لا عباده اصلا كله منك انته خربتهن بدلالك تحجى وتباوع عليه وكالت اخر جمله وهيه اتباوع البابا
حسن:لا اله الا الله هسه انه شسويت كمتي عليه من صباح الله خير شبيج عافتنه وصعدت فوك شويه ونزلت احنه متعودين هيج كليوم نكعد الصبح امى اترزلنه عله اسباب مختلفه وتطبك بابا لان ايدللنه ههه عادى الحياة حلوه كمت اريد اروح اقرا دخلت شفت ديمه كاعده علجربايه وصافنه والكفشه اشكبرها معوجه راسها وصافنه علطوف جنها مجنونه ضحكت عليها ردت احجى و
....ومرض وصخونه كون خو اشبيك اترقى شبيك يعنى منو المطى الى موديك عليه يا مطى مو تدرى اليوم عطله ياغبى التفتنه عليها تحجى وتباوع للمنبهه الى طرشنه
ديمه بس اتباوع بعدهى عقلها نايم ووعيونها مفتوحات ماتحجى حجت بصوت وبعدهى بحت النوم بيه:ريما طفى هاذ الحرام ابن الحمار لا اكوم اطيح حظه
.....لا ولله انى اليوم اطيحظجن التفتنه الجهت الباب من سمعنه صوت ماما كامن ريما وديمه هاى تمسح بوجهه وعيونها وهاى اتصفط بكفشتها
ديمه:صبااحو ماما خير شبيج من الصبح معصبه
ريما بهمس:وكأننو هاى اول مره شو من شفتها وشافتنى اترزل بينه جنه بنات شريجتها
حنان انجبن ولا تتهامسن بين بعض شنى هاى الغرفه صايره خبصه شبيجن مسويتها مزبله اتنزعن واتذبن هاا مو صرتن اطول منى اليا وكت انى انضف وراجن ماتستحن النسوان شلون اتسولف عن بناتها ومن ايسئلنى اضل اتصفن بيهن ضاحكات عليهم بطولجن العوبات الخطاب اليجيجن اكوله اصغار بعدهن مو مال زواج جا شكلهم بناتى خايسات مكضيتها اكل ونوم
اريام:ماما شسمه مو احنه انى اتشوفين هوا اتعب بلدراسه
حنان:انجبى دراسه هيه اليشوفجن ايكول فانياتها بلقرايه وانتن حته جدول الضرب ماتعرفنه العوبات كومن رتبن الغرفه ادرسن ولله اذا نضفتن الغرفه امسح بيجن الاراضى فاهمات وياويلجن وياسواد ليلجن الى اشوفها تدخل واتسولف ويه النسوان الى يجن للخياط واتعوف دراستها وشغل البيت اسحلها من كفشتها فاهمات
البنات حاضر ماما
اريام كمنه رتبنه الغرفه صدك اشون جنه كاعدين بيه مخبوصه احنه انام بنفس الغرفه وخابصينها خابص بعدين كعدنه نقرا وماما راحت اتخيط للعشره ونص كمنه انحضر بلغدا كلوحده عليها شغله سوينه مرك باميه وتمن لل12ونص كلشى جهز كعدنه نتغده وبعدين كامت ريما تغسل المواعين وانى انضف البيت وديمه تغسل بلملابس بابا من اتغده راح نام حته يرجع العصر للمخل مال الحلاقه وماما همين ترتاح شويه العصر تجيها نسوان للخياط احنه من يجن نسوان نكعد وياهن نسمع بسوالفهن ايحشن واحنه متونسين وياهن بس ماما متقبل اتكول روحن اقرن ومن اتخلصن دراسه جهزن الغدا او العشا سوالفهن ماتفيدجن بس جيب الى يسمع الكلام احنه هاى حياتنه كلش بسيطه بس انحبها ومرتاحين الحمدلله بابا يشتغل حلاق وماما اتخيط بابا طلب منها اتعوف الهياط بس ماقبلت اتكول احبه عايشين من الى ايطلعونه صح احنه مو كلش اغنيا بس الحمدلله والشكر مدبرين نفسنه اكو ناس ماعدها مكان اتعيش بيه بابا هيج علمنه انه دائما نحمد الله عله الشى الى عدنه مهما كان بسيط اكو غيرنه يتحصر عليه اهلنه ويانه عدنه سكف فوك روسنه وعدنه مكان انام بيه مرتاحين وعدنه صحتنه الانسان شنو ايريد من ربه اكثر من هيج صح ماما دائما اترزلنه واتكون صارمه ويانه بس هاى من محبتها النه وخوفها علينه هيه كلبها كلش طيب اكيد هسه كلكم تتسائلون احنه ثلث بنات و ولد اكبر منه لعد وينه وليش مانحجي عنه
راح اخبركم طبعا كلشى راح اكوله خوا ماما مسولفتنه عنه احنه مانعرف
قبل واحد وعشرين سنه بابا وماما ملتقين ابغداد وبابا حبها الماما ضل يراقبها فتره وعرف تقريبا كلشى عمها واتعلق بيها اكثر بعد تقريبا اكثر من شهرين جاى ضيوف لاجدادى اهل ماما وجان بابا وياه فد رجال وايصير ابو صديقه المقرب جاى يطلب ايد ماما للزواج بس اهل ماما ماوافقو عليه لان هوا من البصره والبصره بعيده عن بغداد وابن شيوخ واهله مجامو جايين وياه والى بين انه مو كوافقين المهم رفضوه وبعد ما حاول وياهم اكثر من مره اخيرا وافقو عليه لان ماما همين اتحبه جانت عقدوا واهل بابا مابينو الشى الى مخليه اهل ماما مو طايقين بابا ولا متقبلين فكرة زواجه من ماما بس لان ماما اتحبه البابا وهيه البنيه الوحيده الاهلها وافقو عليه الخاطرها بعد ماتزوجو بابا ماخذ ماما حته ايعرفها عله اهله بالبصره ومن وصلو جانت الصدمه ماما هرفت انه همه مموافقين عليها ووبتبا مكلمهم اكثر من مره بخصوصها بس بدون فايده والصدمه الاكبر انه بابا طلع عنده ولد يعنى هوا متزوج قبل ماما وابنه تقريبا بذاك الوكت جان عمره 5سنوات بعد ما اهل بابا خيروه بينهم وبين ماما هوا اختار ماما اختار انه ياخذ ماما وابنه ويطلع ايعيش بوحده بس اخوى ماقبل يجى وياهم اختار ايضل عد اهل بابا ماما من واصلين متعاركه ويه بابا لان ضم عليها موضوع زواجه بابا كايللها انه زوجته الاولى جانت فصليه بس هيه جانت اتحب واحد ثانى. من صاير عدها ولد عايفه ابنها ومنهزمه ويه عشيقها ماما انت معصبه وجنت من الموضوع عافت البيت وراحت الاهلها باهذ الوقت جان مار شهر واحد عله زواجهم عافته وبقت شهر عند اهلها ماقبلت ترجع وبعدين بلكوه قابله ترجع وياه اخونه اسمه على ماما من ذاك اليوم لاشافت اهل بابا ولا ابنه لا راحو للعماره ولاعمامى اجو البابا
مانعرف اخبارهم بس كلش انحب نتعرف عله اخونه على انريد نعرف يعرف عنه شنو راح اتكون ردة فعله من ايشوفنه راح يتقبلنه بحياته ياترى

خلصت قرايه الظهر كعدنه نقرا بعد ما خلصنه شغل البيت وماما اتخيط اجن عليها النسوان واحنه ندرس بلغرفه لحد ال٤ونص كمت احضر بالاكل والبنات كاعدات وياى خلصنه ورحنه صلينه رجع بابا من المحل كعدنه نتعشه خلصنه وكمنه كل وحده سوت نفسها ملتهيه بشغله
حنان:يله ماما كومن اغسلن المواعين مدامى مالى حيل
اريام:ايى ماما تامرين امر حبيبتى باوعت الريما:ريما المواعين
ريما شلت راسى من صحنى وباوعت الديمه:ديمه المواعين خيتو
ديمه:اريام كومي انى مابيه
اريام:انجبى انى النهار كله اكرف مو انى طبخت كومن انتن
ريما:اسكتى الهايشه عله اساس بس انتى واحنه ماسوينه شى مو وياج نشتغل وانضف وجنه نقرا وياج
ديمه:دلاجذبين الزركه هوا انتى شسويتى غسلتى مواعين الغدا وكعدتى مو مثلى طاح حظى بغسل الملابس
ريما:اكليخرا ام كناكير شنو ماسويت شى مو ساعدت هاى بلغدا وانتى كلتيها غسلت مواعين الغدا همين
حنان:لا اله الا الله شنو كليوم احنه نفس الاسطوانه علشغل وبعدين شنو هاى الالقاب هاا
ريما:بعد جدال ورزاله من ماما طاحن المواعين عليه خلصت منهن ورحت سبحت وطلعت لكيت البنات كاعدات ايباوعن مسلسل وماما اتفصل بلخام وبابا طالع برا كعدت وياهن صارت بل11ونص رجع بابا واحنه كاعدين
حنان:يله عينى يله كومن انام باجر وراجن مدرسه يله كمنه انام
ديمه فزينه الصبح عله صوت المنبه المزعج غسلنه وجوهنه واسنانه صلينه ولبسنه ملابس المدرسه ونزلنه اتريكنه وطلعنه ومحد تجى ويه الثانيه نعسانين خلص دوام المدرسه عادى وصلنه و....

تجاوزو الاخطاء الاملائيه اذا وجدت لاتنسو الدعم فضلا وليس امرا 💗💗