أقدار مترابطه

مفاجأه

اريام:وصلنه للبيت دخلنه غيرنه ملابسنه وصلينه ونزلنه نتغدا وانسولف ويه ماما وبابا ونضحك خلصنه وكمت اغسل طبعا احنه البارحه قسمنه الشغل بينه ايام الى عدنه مدرسه نرجع مواعين الغدا وطبخ العشا عليه تنضيف البيت عله ريما وغسل مواعين العشه وترتيب الغرفه مالتنه عله ديمه وايام العطله الغدا ومواعينه عليه والعشه ومواعينه عله ريما والتنظيف عله ديما لان ماتعرف تطبخ
خلصت كلشى ورحت انام اشويه
ريما:رحت نمت اشويه وفزيت كمت ارتب بلبيت وامسح وابخر احنه مو يجنه نسوان للخياط وياهن جهال مايكعدون ويتوصخ البيت لان مايمعدون بصف امهم لا يكومون يتناكزون اتكول شياطين خلصت وكمت ادرس العصر كعدت اريام اتجهز رحت سويت جاى وعدنه كيك حطينه كعدو اهلى ردنه ناكل واندك الباب بل3ونص طلع بابا يفتح الباب احنه دخلنه جوا لان جنه بلحوش كاعدين اجه بابا كال بسرعه جاى وماى ماعرفنه منو جاى جهزنه كلشى واخذه الهم بابا واحنه برا صبينه جاى وكعدنه نشرب جاى وناكل كيك اشويه واجه علينه بابا
حسن:كومن بابا تعالن سلمن الجايين هذول عمامجن 
اريام:بصراحه الى كاله فاجئنه كلش جيتهم جانت غير متوقعه لبسنه حجاب ودخلنه احنه وماما جان اكو رجالين مبينين اثنينهم اكبر من بابا واثنين ولد شباب بعدهم سلمنه عليهم
حنان:اشلونك علاو ماما
ريما:باوعت عله ماما وركزت بلاسم الكالته باوعت للقصدته ماما يشبهه بابا بس مو كلش معقوله هاذ اخوى على
على:الحمدلله ام اريام
ريما:جاوبها بهدو بدون ميباوع ابوجهه او بوجوهنه منين يعرف اسامينه مو مايحجى ويه بابا عفناهم وطلعنه
ديمه :ماما هذول منو يعنى اثنينهم عمامنه والولد وياهم شيصيرون منه هاذ مو نفسه على اخونه صح غير واحد
حنان:ماما هاذ عمجن سالم اخو ابوجن والثانى ابن عمه اسمه حجى مهدى والوياه ذياب ابن عمجن سالم والثانى على اخوجن
اريام:كلش مصدومه عقلى مدايستوعب شى بقيت صافنع بعلى من امى حجت باسمه وعيونى دمعن مناه لحد ما ندستنى ديمه حته نطلع شلت عيونى من على شفت الى اسمه ذياب يباوعلى ماهتميت طلعنه ويه ماما وعرفنه منو هذول بس ليش هسه اجونه بعد كل هاى الاسنين شويه وسمعنه بابا صاح:شنوو اشلوون بعدين شويه وطلع
حسن:حنان جهزن نفيجن احنه لازم انروح للبصره
حنان:شنو ليش فجاة هيج بس حسن انته تعرف بيهم ممتقبلينى اشلون
حسن:حنان مو وقت هلكلام اخوى حسين مريض وحالته كلش خطره واحنه لازم انروح انشوفه ماكدر ابقى...يله بابا بسرعه جهزن نفسجن بسرعه
اريام:باوعنه الماما ساكته رحنه نلبس لبسنه بنطرونات وقمصان بناتيات للفخذ تقريبا وشالات وفوكهن بشتات دخلت ماما
ديمه:ماشنو ناخذ ويانه زين جم يوم نبقى اهناك
حنان:ماعرف اشكد نبقى اخذن دشاديش وياجن مو تاخذن لبس اشلون ماجان 
ريما:جهزنه ملابسنه ماخذنه هواى كلهن صارن جنطه وحده طلعنه للحوش وماما وبابا بعدهم جوا يجهزون باغراضهم وكفنه بلحوش طلع على جان يحجى بلموبايل
على:ايى تمام انى راح امر عليك و اشوف تمام...انتبه علينه واكفين كال...ء حسان انه بعدين اكلمك ايى مع السلامه
سكر الخط وباوعلنه
اريام:ءءع على باوعلى ورفع حاجبه بمعنى شنو...اش اشلونك انى اريام اسمى حجيتها ونزلن دموعى وين اكو خوان مايعرفون بعض..و هذن هذن التوؤم ريما وديمه احنه مانعرفك بس نسمع عنك شويه سامعين عنك وشايفين صور طفولتك ءء انته تعرفنه تعرف عندك اخوات وء سكتت كل هاذ وانى دموعى يتساقطن وخواتى وياى باوعلنه بهدوء ونظره مافهمته كال:همم اعرف
-زين ماصار عندك فضول اتشوفنه وتتعرف علينه احنه جنه كلش قاطع حديثنه او حديثى انى طلعت اهلى وعمامى وذياب مسحت دموعى كال عمو سالم:يله بويه خل نمشى ورانه طريق طويل صعدنه بسيارة بابا وهمه صعدو بسياره جان عمو سالم كدام وحجى مهظى وذياب ورا وعلى اليسوق شكد جنت متمنيه اروح واحضن على واكله انى احبه صح مانعرفه بس بسبب كلام بابا من نسال عليه وماما من اتكول اخوجن سند الجن اكيد جان راح ايحبجن لو كبرتو سوا بس الظاهر هاذ مجرد كلامه ماله اساس من الصحه من شافنه حته ماانطه اى ردة فعل مبين انه مايحبنه الى فهمته انه بابا طول هاى الفتره جان هله تواصل مع على وعرفت انه اخوى يشتغل دكتور جراح ويشتغل ابغداد وهاذ الشى ايخليه دائما يلتقى اببابا بس بابا ليش ماكال من جنه انكله خلى انشوفه وانعيش سوا مجان يقبل الظاهر هلى مجان ايحب ايشوفنه ويتعرف علينه عكسنه احنه الثلاث ماعرف شكد ضليت افكر الحد ماغفيت فزيت فايت اذان المغرب وكفت السيارا كدام بيت جبير بثلث طوابق وبوابه جبيره دخلو السياره وجان الحوش بيه بستان متوسط وحلو
ريما:دخلنه مانعرف شمنتظرنه بهاذ البيت شكله كلش حلو من برا بس انشالله الباطن مثل الظاهر وقصدى مو بلشكل جان اكو ثلث ولد واكفين برا اجو علينه سلمو عله بابا وبعدين سالمو ماما كال عمو سالم:بويه هاذ سجاد ابنى الصغير وهاذ مروان ابن عمجن حسين وهاذ امير ابنى باوعت الى اسمه امير يباوعلى ومبتسم سلمنه عليهم اتكتلنه مره تطلع اشويه اكبر من ماما سالمنه عليها وجان اكو مره عجوز جبيره كاعده عله كرسى متحرك شافت بابا وكامت اتنوعى وتبجى اتحاضنو ويبجون اثنينهم
الحجيه:ولك يمه وينك عنى كل هل سنين ابجى عليمن عليك لو عله اخوك المدرى شنهى وضعه هسه سالمتها ماما وبعدين احنه ورحنه سلمنه علبقيه جان اكو ثلث بنات ومره غير الى استقبلتنه وكومه جهال مشالله كلش جثيرين كعدنه شويه وصبن العشه اكلنه وخلصنه اشرتلنه ماما انساعدهن كمت انى والخبيثات ريما وديمه سون نفسهن ماشافن امى تشرت ماكامن نقلت وياهن شويه بس هاى المره الى استقبلتنه ماخلتنى كالت:روحى يمه اكعدى تعبانين انتم احنه انخلصهن ماعدنه شى روحى امى عفتهن ورحت صدك جنت تعبانه كعدنه اشويه ورحنه انام