أقدار مترابطه

صدمه

ديمه: فزيت الصبح عله صوت ماما عرفت راح انروح بصراحه محابه مو حابه الكعده اهنا ولا كارهتها بس اريد ابقى ويه على كمنه سبحنه وحده ورا وحده وصلينه ونزلنه جوا كعدنه ويه عمه جانت اتحضر بلريوك واحنه وياها جنه انساعدها محد وياها هيه ماعدها بنات نور وحور راحن لعيالهن حضرنه والكل جان موجود شويه ونزل على رحت عليه وحضنته بهدوء بدون لا احجى شى وهوا بادلنى عينى عله بابا يباوعلنه ويبتسم باسمى على بشعرى ووخر منى
على:اشلونج اليوم دمدوم
-الحمدلله بخير حجيتها وابتسمت حط ايده عله جتافى ومشينه كعدنه نتريك وتقريبا بس بابا وعمو وماما وعمه ام ذياب وعمه خلود وذياب ومروان اليحجون اما البقيه ماخذه وضعية الصامت وحته لو يكولون شى كلش قليا كلامهم جان خلصنه وكعدنه شويه صارت بل8ونص بابا كال يله بابا كومن البسن هم يالله نوصل
صعدنه وعلى هم صعظ ويانه بش احنه رحنه الغرفتنه وهوا الغرفته احنه ماعدنه شى كلشى مجهزينه من البارحه بس انبدل بدلنه وخلصنه تقريبا واندك باب الغرفه
اريام:نعم
على:اكدر افوت
اريام:بصراحه اتافجئت جيته...على تعال اتفضل فتح الباب ودهل ورجع سده وراه وكف مقابيبنه راد يحجى وسكت من باوع الديمه لكاها عيونها مدمعه
على:ديمه ليش تبجين شبيج يوجعج شى
ديمه:ع على احنه راح انروح البغداد
اريام:كالت هيج وغطت وجهه بديها وكامت تبجى هيه هاى ديمه بسرعه تتعلق بلشخص وهاذ مو اى شخص هاذ اخوها الى من وعت علدتيه وعرفت عدها اخو جانت تحلم اتشوفه اتقرب منها على وخاول يوخر اديها من وجهها
على:ديمه شبيج ليش البجى متردين ترحين وياهم هاا
ديمه:انى اريد انعيش كلنه سوا يعنى انته اتكون ويانه اذا رحنه البغداد مراح انشوفك بعد وانى مريد هاذ الشى ايصير
على:وليش ماراح اتشوفينى بعد وين رايح انه قابل
-على انى مو طفله اهرف عائلة بابا ممتقبله ماما بحياتهم وهاذ الشى معناته احنه مانكدر انعيش سوا عيشتنه سوا الها ثمن واحنه راح اندفعه من نختار انعيش ويه واحد اذا اختاريناك راح نخسر ماما واذا اختارينه ماما ر راح انبعد عنك مره ثانيه
_شنو هلكلام حبيبتى منيلج خلص ترا خلاف العائله ويه امجن انحل وكل فتره راح ايجيبجن ابوى ويجى اهنا وانه هم شغلى ابغداد لاتنسين اكر عليجن واشوفجن واذا تردين وابوى وامج مااجو اجيبج انتى اهنا بلعطل كل ماتردين انه اجيبج وشى ثانى حبيبتى انتن ومهما صار ماراح تنجبرن تختارم بين امجن وبيم شخص ثانى انه راح احرص عله هاذ الشى صدكينى كل ماتردين بس اتصلى انه اجيج واطلع وياج واجيلج اهنا بس هسه انتى عندج مدرسه روحى ودامى وادرسى حته اتنجحين وانه وعد بين كلفتره وفتره اجى اشوفج ولله
اريام:اباوعله حاضنه اديها بيد والايد الثانيه ايمشيها عله شعرها وخدها ويحجى بهدوء اباوع وعيونى ايصبن على مبين عليه حنون بس اكيد صارت وياه ضروف خلته ايصير قاسى او ايبين للعالم انه هوا هيج ياريت لو يبقى هيج دائما ويانه كلنه مو بس ديمه احس اغار منهه فززنى من صفنتى من كال اهوو هسه شنى اتكلبنها مناحا يابه اعترفن انتن مو الخاطرى بس ماتردن ترحن ادرسن مو صحيح ابتسمنه الكلامه وهوا بادلنه طلع افلوس من جيبه و وزعهن علينه
على:خلن هذن يمجن انه كل ماتصحلى فرصه راح اجى اشوفجن تمام
اريام:انشالله بس على احنه ممحتاجين افلوس شكرا خلى هذن عندك
على:انه مانطيتجن لان محتاجات خلنهن يمجن حضنه ديمه وباسه وبعدين انى حضنى
على:انتبهى عله نفسج وعله اخواتج ماشى
-انشالله وانته هم انتبه عله نفسك ابتسم باوع عله ريما الى دتلهى نفسها بجنطة الملابس وكال:وانتى ماتردين اتودعينى لو بعدج وعلانه منى
ريما:واكفه اسمع سوالفه ويه البنات اشلون يتصرف وياهن وسويت نفسى اصفط بالملابس الى هنه مصفطات من الاساس ماعرف بس خجلانه منه وخايفه بنفس الوقت من سمعت كلامه استغربت منو منهن زعلانه منه التفتت عرفت قصده عليه باوعتله بارتباك فتح اديه باوعت ابوجها ورجعت عيونى الديه المفتحهن رحت حضنته وبجيت....اسفه سامحنى ولله ندمانه عله الى سويته
على:تمام يله مصار شى بسج انه هم اسف لان ضربتج...ضل حاضنى ويمسح عله شعرى حسيت ايده الى عله اجتافى وخرت واشوفه ديمه اندحست يمى
ديمه:خلونى وياكم شنو بس انتم تتحاضنون
اريام:جا انى شنو طرطور متردونى اتحاضنه كلنه واحنه مبتسمين فجاه انفتح الباب ودخلت ماما
حنان:يله بنات م على انته اهنا
على:امم ردت اشوف البنات قبل لايرحن يله بلاذن
-على لحظه التفت عليها منتظرها تحجى ...انته زعلان منى
-عله شنو ازعل مثلا حجاها وهوا رافع حاجب واحد
-شوف على اعرف انته اتشوف انه انى فرقت بينك وبين ابوك وبعدته عنك بس صدكنى حبيبى انى من اول يوم شفتك بيه بذاك اليوم ابوك جان ايشوفنى بصورك من ذاك اليوم انى حبيتك واعتبرتك مثل ابنى وجنت دائما اتمنى اشوفك وبليوم الى التقينه بيه جنت مخضره نفسى احجى وياك واتعرف عليك بس مصار شى من الى ردته صح لا انته ولا اهلك محد اتقبلنى بس ولله جنت دائما من اشوف ابوك حزين ومقهور عليك اكله يجيبك وجنت احصل نفس الجواب منه على مايقبل ايعيش ويانه ويترك اجداده ومرت عمه الى ربته على اذا تريد اكرهنى واحقد عليه مثل متريد بس فدوه على  هذن اخواتك مالهن ذنب بلى صار اصلا هنه من عرفن عدهن اخ وجانن دائما ايحنن حته ايشوفنك وبعد كل هاى السنين صحت الهن الفرصه فدوه ماما اخواتك الدنيه مانعرف شضامه النه بس خواتك انتبهه عليهن مثل عيونك الله يخليك لاتعاقبهن عله شى هنه مالهن دخل بيه يمه انه حاسه مراح اشوف بناتى بعد الموت ماينكال عنه مانعرف اشوكت ربك ياخذ الامانه بس فدوا هذن اخواتك مالهن غيرك من الله وابوهن انى اعتبرتك مثل ابنى ماجبرك حته تعتبرنى امك او اتحبنى بس اوصيك بخواتك يروحى اللع يخليك
اريام:ماما تحجى ودموعه تجرى واحنه نسمع الها وعلى همين يسمع بكلامها بهدوء من جابت طارى الموت اجه ذاك الكابوس ابالى وبجيت(مال بيوم جانو بلغابه وعافوها الوحدها وراحو)ماما شنو هلكلام عمرج طويل انشالله لاتكولين هيج
حنان:ماما انى بس اوصيه محد بينه ضامن نفسه
على:شوفى ام اريام انه هاذ الشى كلته قبل وترجع اكوله الخلاف الىبينى وبين ابوى وعلاقتنه انه وياج ابعض مالهن اى دخل بعلاقتى بخواتى هذن ماهن غريبات عليه حته اتوصينى بيهن 
حنان:تسلم ابنى
حسن من جوا:يله بابا وينجن ام اريام شنو رحتى اتصيحيلهن اتكعدين وياهن
اريام:نزلنه جوا ودعناهم حته عماتى اجن هنه وافروخهن ايودعن بابا يردن
ديمه:سلمنه عله عمه ام ذياب وعماتى وعمه خلود والبنات وكفت عله صفحه وحجه سجاد ابصوت شوى ناصى:هاا قزوم رايحه
-شوف سجاد فدوه اليوم ماريد اتعارك وياك
-منو كال جاى اتعارك اتعرفين اتعودت عليج بفتره كلش قصيره
-تتقشمر لو تحجى صدوك
-ولله شبيج انه مو متوحش صح اتعارك وياج بس بس ءء
-بس شنو
-ء انه ماكرهج واتعودت عليج ابدى تبقين اهنانه اكثر
-ابتسمتله..انى هم اتعودت عليك بعدين على كال كلفتره راح امر عليجن اشوفجن تكدر تجى وياه لينه نتونس واخذك افرك ابغداد راح تتونس
-ايى بس هسه انتى رايحه راح وايست منه غرك بلماى جان يحجى بصوت ناصى والاغنيه غنه حيل
-وجع كون فكس الهل عبون ابو راس مربع خاب دروح وانى كلت خلص بعد صار حباب اصير صديقته بس متستاهل
-لا ولله وداعتج انه حباب واصلا اكثر واحد يستاهل صداقتج هوا انه والزمن راح يثبتلج هلشى حجاها ببابتسامه وراح وكف بصف على الى جان صافن علينه اجه بابا وكف مقابيل على وكال:بويه عزيزى احنه هسه راح انروح بس بعد ابوك انته اريد اتكون علاقتنه مثل اى اب وابنه ماريد اتضل شايل بكلبك عليه حبيبى
على:لا يابه علمن الله وياكم حجه بهدوء وبابا يباوعله واحس اعيونه مدمعه
حسن:لا تكطع بيه بويه انته ابغداد مو بعيد عليه لاتخلينى بلسنه حسنه اشوفك مثل قبل مر علينه بعد الدوام خلينى اشوفك بويه ماريد اموت وانه ماشابع منك
-لا اله الا الله شبيكم البوم حجيكم كله بلموت عمرك طويل انشالله حجى ولا تخاف بين كل فتره وفتره امر عليكم تمام
حسن:بعد ابوك وعيونه حبيبى حضناه وبعدين احنه هم حضناه ورحنه بلطريق ماما وبابا يحجون واحنه كل وحده لازمه موبايلها بعدنه يمكن نص ساعه عن البيت وفجاه سمعت ماما صاحت بصوت شوى عالى وخوف حسسسن انتبه