أقدار مترابطه

علاقه

ريما:فتحت عيونى جنت بلمستشفى لكيت ماما وبابا كاعدين مقابيلى وماما تبجى كعدت عله حيلى ماما شبيج ليش تبجين بابا انته زين شصار احجو
بابا وهوا يمسح عله راسى ببابتسامه:حبيبة ابوها بنيتى السباعيه اريدج اتصيرين قويه وتعتمدين عله نفسج باباتى احنه رايحين وانتى ارجعى لخواتج منتظراتج يلا بابا روحى يمهن
ريما:بابا وين ترحون انى اروح وياكم تمام اجى وياكم ماما مابقى اريد وياج
ماما:لا ماما ميصير اخواتج منتظرات روحى ليهن احنه انحبجن الله يحفظجن ويوفقجن فتحت قمضت عيونى وحسيت بدموعى نزلن رجعت فتحتهن جنت نايمه واهلى ماكو حلم جان بس مثل الواقع بجيت بخنكه دخلت ليه الممرضه تحجى وياى وبالى مو صوبها بعد تقريبا نص ساعه او اكثر اجنى البنات وعلى وامير عرفت خسرت اهلى ماتذكر كل الاحداث احس مجنت بوعيى شنو اسوى شنو احجى ممتذكره كل الى اذكر جنت ابجى بصوت عالى بس شنو جنت احجى واذا الكلام الى احس روحى كلته صدك كايلته او لا ماعرف
اريام:الدنيه بداية الشته بارده بليل بعد العشه كاعدين واجه سجاد يابه اجو خيون وحجى مهدى والولد وياهم
عمو:كل الهلا بيهم بويه(خيون ايصير اخو حجى مهدى الجبير يعنى ابن عم بابا)راحو عمو و الولد للديوان واحنه كمنه حضرنه جاى وكهوه وهاى السوالف بعد تقريبا ساعتين كامو اجو كعدو وعلى جان ملين عليه ضايج مو عله بعضه اول ماكعدو
على: عمى عزيزى انته شوكت قررت وخططت وحجزته لذياب هاا
عمو: على هاذ الشى من زمان من اول ماجت عله هاى الدنيه وكل الحاضرين يعرفون بهلشى لو نسيت وابوك الله يرحمه من اجانه اهنا انه رجعت فتحت هاذ الموضوع وياه وماجان عنده اعتراض
على:يا اعتراض عمى هيه لعبه
اريام: نسمع بكلامهم بس مافاهمين شى
ام ذياب:يمه على هدى اشويه يروحى ابو ذياب خير انشالله
بيبى:شكو شرادو خيون ومهدى ليش معصب الولد يمه
عمو:يمه اجو طالبين ايد اريام الوسام ابن حجى مهدى
اريام:انصدمت ماعرفت شكول وخجلت ياربى بس كون عمى مموافق انى مو جاهزه للزواج هسه اسمع بكلامهم وبلمقابل احسهم يسمعون بدكات كلبى كد مايدك حيل
بيبى:الوسام هوا هاذ الخايس وسام هم ايريد مره شنى حسب روحه صار زلمه
عمو: يمه ترا هوا بحل سويجد ماهو جاهل بعد
بيبى:ايى زين وانته شكتلهم تطيهم مره هوا وسيم حته شغل مايشتغل طايحظ اشلون ايعيش الفرخه
عمو:انه كتلهم البت رايدها الذياب
بيبى:ايى ولله خوش حجى ذياب اولى بيها جا عود ذياب و وسيم سوا
ام ذياب:الذياب
بيبى:خير يسهام جنج معترضه الخبر
ام ذياب:لا عمه ولله يوم العيد اتصير وحده منهن جنتى بس انه
_لا بس ولا شى ارويمه الذياب جا اتريد احسن منه شيخ ويسوا سلف
على:جده رحمه لاهلج اريام بعدهى اصغيره وينها وين الزواج لعب هيه
بيبى:وهوا بكيفك خايب واءا اصغيره يربيها عله ايده
_ايى مو احنه فاتحين روضه انوب شنو هاى بكيفى اذا مو بكيفى بكيفمن هاا
بيبى:بيدى انه خلص الكبار قابلين انتم شكو ذياب جهز نفسك تعقد انته وهاى الفرخه ....ذياب راد يجاوبها وانه مناه اخس عقلى عافنى وسافر طفر على قبل لا ذياب يحجى
على:عمى شنى السالفه كبل اعقد يابه صغيره هيه وبعدين شلحكت وين اتعرف ذياب هيه واطباعه لو هوا شيعرف عن اختى اصلا انتم اخذتو رايهم
سجاد:رايمن هيه بس اريام اتكول موافقه وخلصت اما ذياب فهوا جاهز قبل 19 سنه ههههاى
ذياب:اكول انته سد حلكك احسلك لا اكوم حظك اطيحه
امير:شنى مجذب زين كلها تدرى بيك طايح عله وشك وضرب كفه بكف سجاد وضحكو حيل وعلى وذياب اثنينهم معصبين
سجاد:وبعدين يالا يابه خل ذياب يتزوج و وراه امير وهلى هم يالله اريدهم ينزاخون اشكثرهم حته انوب تلتهون بيه هسه يخلصن البنات واضل بدون مره ولله احرك البيت عليكم وهذول الثلاث اشويهم واوزع لحمهم عجلاب اذا ماتزوجت يمه سجاد فضيحه رغم خجلانه وخايفه وهذول يججون بجديه ضحكنع كلنه
خلود:على كول يالله واسئل اختك خافنها موافقه وانته ماتطيها صبر تحجى
حجه عمو بصوت عالى سكتها كلها:بسكم بويه اريام اخذى وكتج وفكرى كلش زين ابنى ذياب شاريج فكرى زين ولا تخافين واتكولين انتم جبرتونى اجاوب هاذ الجواب باجر محد يتحمل مسئولية جوابج انتى تتحملين كلشى الجان الجواب
بيبى:عليمن اتفكر شو كبل احنه لا يسالونه ولا شى الرجل يوم الزفه يالا انشوفه
على بصوت ناصى: وشفنه النتيجه من ورا هلشى
عمو وبيبى:شقصدك ولك
على:يابه خلص مانقصد شى عله كيفكم
بعد نقاشات كل واحد راح الغرفته وبيبى صاحتلى رحت عليها
هاا بيبى صحتيلى
_تعاى تعاى اكعدى اهنا ابصفى...طبطت عله جربايه بصفها رحت كعدت اديه بحضنى كضتهن وكالت شوفى يمه ماريد اجبرج انه ترا وحجيى جوا المصلحتج هاا ذياب انه ربيته اعرفه شايفه اخوج وهذول اميير واسويجد كل سالفه طايح حظها امسوينها بس هاذ لا عاقل هاذ كبر ويه ابو بلديوان اخذى السلف من ساسه الراسه كلها اتحبه وتحمد بيه محد شاف شى منه والف وحده تتمنه اتصير بمكانج وايطلب ايدها ذياب ترا ولله ماناقصه شى شيخ وكلمته ماتصير اثنين ومدرس شتردين خايبه ولج وسهيمه فقيره اتحطج بعيونها واخواتج ايكبرن جدامج هم ماتعوفينهن واطينى اكلج ذياب اعرفه من عيونه هاذ الولد عاشكج ترا خافنج ماتدرين لو بناج مامبين عليه عيونه فاضحته ايريدج ولله انتى هم لو صاحتلج الفرصه جا هم اكلتى بعيونج بس تستحين
_ياا بيبى شنو دتكولين عيب
+ايى عيب انتوب شنى هاذ احجى مثلنه هاذ حجى بنات بغداد عوفيه البغداد احجى مثلنه ماتشوفين اشحلات حجينه احنه
_لعد كلامى شبيه بيبى شمحلاته ولله ترا انى مقبل  اتعيبين عله كلامنه هاا حجيتها بضحكه
+لعد فكرى زين بذياب لعد
_لعد وين راحت الجا مالتج
+طارت البغداد اتغير جو هسه انتى فكرى زين بكلامى خوش
_انشالله بيبى محتاجه شى
+لا سلامتج يمه روحى اسائلى ذياب خافنه محتاج شى
_بيببى عفتها وطلعت يمه فشلتنى صعدت ردت ادخل الغرفتى وشفت ذياب
ذياب:اريام ممكن احجى وياج اشويه لو سمحتى
اتفضل
_اريام لا اتفهمينى غلط ولله مو انه الكلت لابوى عليج صدكينى ابوى من حجه هيج انه نفسى انصدمت وماقبلت
_انى ماتاهمتك ذياب اهده خلص مصار شى
_اذا ماقابله كوليلى انه اكلهم انه الموقابل
_اريد افكر ذياب ابتسملى وكال:اخذى وقتج
هزيت راسى و بادلته الابتسامه...تصبح عله خير
_وانتى من اهله...دخلت للغرفه اتمددت بصفهن بس ماكدرت انام كمت اكلب بلانستا اجانى فضول ادور عله اسم ذياب دورت ولكيته دخلت عحسابه صوره هواو الولد و جم صوره اله هوا وعمو اشكدحلوات صوره اتذكرت كلام بيبى اخواتج ايكبرن جدامج يعنى اذا اتزوجت ذياب ماعوف اخواتى ابقى وياهن شتكولين اريام اهلج ترابهم بعد مناشف وانتى اتفكرين بلزواج بس انى مراح اتزوه فورا اكوله نصبر فتره بس انتى ماتعرفينه زين حته تتزوجينه بس هم صارلنه شهرين عايشين بنفس البيت مشفت منه شى مو زين بلعكس كلش زين ويانه اوووف خلص خلى انام هسه وكلشى ايريد ايصير خلى ايصير بس واذا رادو منى اجاوب شنو اكول
ريما:كولى موافقه وفضينه مو شلعتى كلبى انريد اننام
اريام:افكر وسمعت صوت ريما فززتنى...انتى شعرفج انى بشنو داافكر
ريما:من حبنه الزايد اختى كلبى يحس بكلبج
اريام:بمه فدوا صدك اتحسين بيه ابتسمت الها بغباء
_انجبى انجبى مو انتى حماره اتفكرين بصوت عالى صارلنه ساعه منتظرينج تنجبين حته ننخمد ماكو
_تف الجلبه فشلتنى لفن روسهن ونامنعمى خل انام لا صدك افكر بصوت عالى انوب ايكومن ايكتلنى
_ترا بعدج اتفكرين بصوت عالى صحت عليها من جوا البطانيه
اريام:وجع الحمير
فزيت الصبح من وكت بعد ماصليت وخلصت كمت جهزت نفسى وطلعت ملابس المدرسه لريما ديما متروح بس احنه كعدتها بلكوه يله كامت لبست ونزلنه عفنه ديمه نايمه
ريما:فززتنى الهايشه جهزت نفسى ونزلنه جوا شفنه عمه وعمو والولد وبيبى كاعدين اما خلود وبيت مروان لا نايمين صبحنه عليهم وكعدنه نتريك من خلصنه وكمنه طلعنه كلنا سوا على انطانه مصروف وركب سيارته وراح وامير وسجاد همين راحو واحنه رحنه ويه ذياب لان المدرسه الى ايدرس بيها قريبه من مدرستنا صعدنه اثنينه ورا
ذياب:سايق الخلفوجن انه وحده منجن تجى كدام
اريام:روحى ريما
ريما:مالى خلكج اريام امشى لا اوديج بدفره هاذكله همس نحجى
اريام:صعدت بصفه وهوا ابتسم ابتسامه جانبيه وحرك  وصلنه للمدرسه وخلص الوقت عادی ماکو شی مهم بلرجعه هم ذياب رجعنه وياه دخلنه لكينه عمه وديمه وبيبى وزينه وخلود بلصالون الولد ماكو  كلهم مراجعين سلمنه عليهن ودخلو سجاد وامير وعمو ومروان وياهم عيونه حمر وعركان ورحنه للغرفه انغير ملابسنه خلصنه وطلعت عفت ريما الى راحت للموبايل مثل العطشانه عليه رحت للحمام اتوضيت ورجعت للغرفه اصلى...ريما كومى صلى
ريما:كاعده اراسل بلفيس وحجت اريام جاوبته بانزعاج ماكدر روحى منى
اريام:هيه شنو ماكدر كومى صلى حرام عليج يله
ريما:اوو انتى حماره كاعده اكول ماكدر يعنى عليه الدوره ليش تتحيونين
-وجع نسيت عفتها ورحت اصلى
ريما: بعد ماطلعت من المستشفى بيوم اربعينية اهلى و وراها جم مره جنت اشوف ليث ابن عمه مريم يجى لينه ويه سجاد اول شى مجنت اهتم بس مره اجه ودخل انى جنت بلمطبخ فات للمطبخ جان على وامير بلدوام وذياب ويه عمو بلديوان وعمه والبنات ماعرف وين جانن وهمه متعودين عليه دائما يجى اهنا سجاد راح الغرفته انى جنت اكل كيك وجاى بلمطبخ دخل سلم عليه جاةلته عادى
ليث:الحمدلله علسلامه اشلون صرتى هسه انشالله احسن
-الله يسلمك احسن الحمدلله
-الحمدلله ..امم بلمناسبه اتعرفينى لو لا
-ايى انته ابن عمه مريم جاوبته بشوية توتر
-زين وهاذ ابن عمه مريم ما اله اسم لو متعرفينه
-ء اسمك ليث مو
-هاى اول مره انتبه عله اسمى ايكون حلو هلكد حجاها ببابتسامه ابتسمت انى هم ابخجل اجه سجاد:هاا ليث شتسوى اهنا محتاج شى
ليث-عطشت واجيت اشرب وشفت ريما سلمت عليها
-شربت
-ايى
-جا تعال خلى نروح
-اوكى يله باى ريما
-الله وياكم راحو وبعد هاذ اليوم اتكررت زياراته النه احيانا هوا وعمه واحيانا الوحده بعد تقريبا عشرتيام جنت امدده بلغرفه وصافنه علسكف واتذكرت اهلى وبجيت فجاه سمعت صوت انذار جان من الفيس فتحته جان طلبين صداقه عندى واحد منهن من امير والثانى من ليث قبلت طلب ليث دخلت عحسابه اباوع بصوره انى حسابى جنت ضايفه بيه بس بنات وبعدين ضفت على وسجاد وذياب همين وهمه هم ردو المتابعه الى هسه ليث هم حطيت استورى حزين وهذن الشكلين😥💔 ورا اشويه اجتنى رساله دخلت لكيت ليث مجاوبنى علستورى
●هلوو ليش كل هاى الكئابه يابه
○اهلا.... ماكو شى بس شوى ضايجه
●اشصاير وياج منو مضوج الحلو كوليلى وغروح اطيحظه
○ههه محد انى لوحدى
●اشلون يعنى ضجتى للثواب اكيد اكو شى مضوجج كليلى شنو ترا انه موغريب عنج ابن عمتج وصديقج لو انتى ماتردين اتكونين صديقتى
○اعرف انته مو غريب عنى وايى انته صديقى بس صدكنى مصاير شى بس اتذكرت اهلى
●الله يرحمهم انشالله.. ريما ترا الى صار قضاء وقدر ومانكدر نعترض عله قدرنه ادعيلهم وادعى الله يصبرج
○صح كلامك....انشالله
●وبعدين انى صديقج كل ماتكونين ضايجه كوليلى انه احجى وياج جا المن اتسمه صديق
○ههه  تمام...تسلم ليث شكرا
●ولو يابه جم ريما عدنه
بعد هاذ اليوم ويوم عن يوم ايزيد كلامنه سوا صرنه تقريبا كليوم نتراسل واحيانا يتصل مو دائما يمكن مره او مرتين لان انى اخاف اكلمه صارلنه تقريبا ثلث اسابيع نتكلم سوا صار جزء من يومى صرت احسب الدقايق حته اتكلم وياه احس بس هوا الى ديفهمنى ويسمعنى بدون ملل ما اشارك حزنى  ويه اخواتى محجيلهن لان ابساطه مراح يسمعنى يحاولن ايهدنى بحجة انه هنه هم نفسيتهن تعبانه يعنى ابساطه كل وحده منه ملتهيه بنفسها وبحزنها مانسولف سوا ديمه متكدر وبس تكتب الى اتريد عله ورقه اريام كلامها وياى كومى ادرسى كومى صلى عةفى الموبايل ومن مقبل اعوف الموبايل تتعارك وياى واحيانا نتعارك عله ابسط الامور يمكن انى اريد سبب اتعارك وياهن واروح احجى ويه ليث اسولفله عن يومى عن مشاكلى عن كلشى ايخصنى صار اكثر من صديق بلنسبه الى انتظر ثانيه ثانيه حته يجى البيتنه واشوفه ومن يجى ماطلع لو من اطلع اضل خايفه وخجلانه ومرتبكه وفرحانه احاسيسى متلخبطه يمكن خايفه ومتوتره لان احجى وياه بلسر وفرحانه ومرتبكه منه لان.. ماعرف ايكولةن ماكو صداقه بين البت والولد يمكن هلمقوله دتطبق عحالتنه جان مجرد ابن عمه بعدين صديق وراها صديق مقرب الصداقه اتحولت الاعجاب والاعجاب اتحول ال بمكن هاذ هوا الحب ماعرف راح ايمول البعض شبسرعه حبيتى مصارلج اتعرفينه غير شهر واحداشلون حبيتى بس مو هاذ هوا الحب هيجى يجى بدون انذار انى حبيته ماعرف اشوكت واشلون الى اعرفه احبه احب اهتمامه بيه احب من يسال عنى احب نظراته الى احب طريقة نطقه الاسمى احب كلشى اتعودت احجى وياه صار اهم جزء بيومى الى بدونه اليوم ميكتمل كاعده علاساس ادرس صفنت افكر بيه بيدى قلم ودفاترى والكتب كدامى رسمت قلب وكتبت داخل القلب  ليث &ريما ابتسمت والابتسامه صارت ضحكه
اريام:الله يستر شبيج اتضحكين الوحدج
ريما:شافتنى اتلبكت واباوع للدفتر اجت اتريد تاخذه بسرعه شكيت الورقه وسويته قطع اصغيره..ل لا مبيه شى بس اتذكرت موقف ايضحك
-ايى ضخكينه وياج
-اووو اريام شنى سالفه متخصج لا تدخلين زودتيها ترا كمت منها وشلت الورق الشكيته وكمت معصبه طلعب برا وسمعت اجتنى رساله رجعت بسرعه للغرفه لزمته ورادت اتفتحه وانى احاول امنعها...ارياام جبيبه لا اتصيرين عله ترا ماحب هلحركات انى
اريام:حسيتها عدها شى ولازم اعرف شنو لا اتكوم اتخبصله خبصه وتبتلى وتبلينه بيها...ما الا اشوف شكو شنو الرساله ومن منو ميلى لازمين الموبايل ونتعارك ودخل على وديمه وراه وجانت دنيه المغرب ومبين توا راجع من الدوام باوعلنه باستغراب وكال:شبيجن ليش تتعاركن
ريما:دخل على واريام عافت الموبايل وانى لازمته وارجف صرت صفره ياربى اذا شاف رسايل ليث اروح بيها
-هاا لا ماكو شى هيج عادى انى متاكده الرساله منه لان قبل لا ابلش اقرايه دويتله رساله واكيد هسه جاوب شويه واجت رساله ثانيه وثالثه
على:ليش متردين عله الرسايل الى دتجيج يمكن شى مهم حجه كلامه يباوعلنه انى واريام بهدوء بس انى خايفه من هاذ الهدوء
-لا ماكو شى مهم هاى صديقاتى ايراسلن ويه كلامنه والرساله الرابعه اجت باوع للموبايل ورجع عيونه عليه وانى خايفه وجهى صار اصفر وحته عركت الشى الى خلاه يشك بيه اكثر
على:اريام عليمن جنتن تتعاركن
اريام:ياربى شكوله وهاى شبيهه هيج خافت هسه اتاكدت عدها شى..ه هاا لا م ماكو شى...مد ايده صوبها وكال:ريما اطينى موبايلج لحظه
ريما:يمه خلص قطرة دم مبقت بيه اشلون انطيه اله كلجسمى صار يرجف وهاذ على ماد ايده...شتريد بلموبايل ع على ل ليش ات اتريد مكملت كلامى والموبايل دك وانى حته عيونى دمعن من الخوف امسجله اسم ليث صديقتى بموبايلى بس كلش خفت كات خلص انكشفت ولله على ايموتنى
على: ريما الموبايل جاوبى
-ه هاى صديقتى على بعدين اكلمها راويته الاسم بس ما انطيته الموبايل
-زين ردى يمن اتريد شى رسايل اشكثر وهسه كاعده تتصل ردى جبرنى حته اجاوبها بسرعه جاوبت واجت ابالى نرجس بنت حور ماعرف ليش:ا الو نرجس بعدين اتصل بيج باى وسكرت بسرعه من غبائى وهيج على واريام وديمه كلهم شكو
على: انطينى موبايل ريما بسرعه
اريام:ماعرف بس خفت عليها كلت حته لو اكو شى انى احجى وياها بس خاف عدها شى وعلى ايعصب ايسويلنه سالفه انوب : على شسمه انته المن اتريد مبايلها عيب جانت تحجى ويه صديقاتنه وهاى سوالف بنات وبيه صور صديقاتنه همين ميصير اتشوفهن عيب
على:انه ماريد ادور بصور صديقاتج خل اشوف مبايلها اشبيجن هيج خايفات شكو هاا
-لا مخايفين عله شنو انخاف بس يعنى راد ياهذ الموبايل من ايدها بدون ليسمع كلامى لزم الموبايل وسمعنه صوت صريخ من جوا كلنه طلعنه نركض
ريما:طلعو وانى من خوفى كعدت عله حيلى فتحت وجان كل الرسايل من ليث
*هلا ريوم اشلونج
*شنو ليش ماتجاوبين
*ريما اشبيج زعلتى لان اتاخرت بلرد
*الوو راح اتصل اذا مجاوبتى
كتبلته رساله
*هلو ليث فدوا لاتراسل ولا تتصل بيه حاليا انى افهمك بعدين بس هسه لا تتصل بيه فهمت ولا اتراسلنى ولا تسال عن السبب انى باول فرصه راح اكلمك باى
دزيتها وحذفت المحادثه مالتنه وحطيت الموبايل ارجف
اريام:لزم الموبايل راد ياخذه وسمعنه الصريخ ركض على واحنه وراه وانشوف زينه مرت مروان طيحه بصف الدرج يعنى ظهرها صاير عله اول بايه من الدرج وتتلوه من الوجع هيه حامل بلشهر الرابع ومروان مو اهنا كطعت نفسها من البواجى من وجع ظهرها مدرى بطنها خطايه احتارو الولد يخجلون ايشيلونها وميكدرون يعوفونها هيج
خلود:واحد منكم  ايشيلها ناخذها للمستشفى راح ايروح الجنين...يعنى هاى خايفه علجنين اكثر من الام اتقرب على شالها وديمه بسرعه ركضت الغرفة عمه جابت منها عبايه لحكته اباب الصالون خطيه نسه هيه بدون حجاب يعنى لابسه جانت بس بس ماتلوت من الوجع طاح هوا راد بس ايوصلها خاف عليها لحكته ديمه بسرعه لبستها اشلون مجان وهوا اخذها راحت وياها خلود وعمه وذياب وهاذ مروان نتصل بيه ماكو تقريبا لل11بليل اجت عمه هيه وذياب
بيبى:هاا سهام شكو اشلونها البت وين ضلت
ام ذياب:الحمدلله مابيها شى والطفل هم وضعه تمام بس كالو تبقه اليله اهناك حته يطمنون عليها وخلود ضلت وياها هيه وعلى يبفه وياهن لمان يوصلهن مروان
عمو:وهاذ صخمان مروان وين مولى ماعرفتو
ذياب:يابه اتصلنه بيه وكال مسافت الطريق بس شو الطريق ماله ماخلص احنه اجينه وعلى كال لمان يجى ليهن يله يرجع
عمو:ايى زين ايسوى
اريام:عمه اصبلكم عشه محد ماكل
ام ذياب:ايى يمه صبى خل نتعشه جدتج وعمج مو زين عليهم ايضلون جوعانين معدتهم تتاذه
رحت صبيت محد اله نفس كل واحد تكل شويه وكام رتبت المطبخ وغسلت المواعين وصعدت للغرفه احجى ويه ريما لكيتها نايمه مردت افززها اتمددت ابصفها اتكلبت لحد ماغفيت
ريما:بعد مراخو ضليت اهواى كاعده بلغرفه بعدين نولت بس طول الةقت خايفه ومتوتره جنت من رجعو حته عشه متعشيت جنت بس اكلب بلاكل شلنه المواعين ورحت للغرفه اتمددت شويه واجت  اريام عرفتها اتريد تحجى بلسالفه سويت نفسى نايمه لان مالى خلك احجى لحد ما غفيت من صدك
اريام:كعدنه ثانى يوم الصبح نزلت جوا جانت الساعه ثمانيه الصبح الواد كلهم رايحين الدوامهم اتريكت وخلصت جان سبت عطله جنت بالى بريما ماعرف اشضامه علينه متاكده عدها شى شويه ونزلت تتريك هيه وديمه انى كمت احضر بلغدا وديمه راحت تدرس وريما اتريد بس تلهى نفسها مدرى شنو كامت اتنضف بلبيت وعمه وياها اةلاد مروان شهرونه يبجون يردون امهم البارحه نامو يم عمه ونسمعهم طول اليل يبجون خطيه بعدهم اصغار كعدو الصبح الساعه بل9 ريما حطتلهم ريوك وكعدت اتوكل بيهم انى خليت الاكل عله نار هاديه ورحت كعدت بصفها...ايى ريما يمته مقرره تحجين
ريما:كاعده اوكل بلجهال وبالى يم ليث واشلون اذا على عرف بعلاقتنه اليوم كعدت الصبح الساعه بلخمسه البنات نايمات رحت علفيس لكيته متصل شمكعده الهل وكت راسلته
*هلو...اشويه ودزلى
*هلا ريومتى اشلونج شنى السالفه اصاير وياج ليش ماتردينى اراسلج خوفتينى
*انى زينه لتخاف بس على جان ويانه بلغرفه وخفت يشك بلموضوع
*ريما اريد اكلج شى
*شنوو
*انه احبج
يمه رساله وحده من كلمتين ماعرف اسوت بيه كلبى ايدك سريع وارجف وبنفس الوكت ابتسامه عريضه مرسومه عله وجهى
*ريما وينج ليش ماتجاوبين انتى شنى رايج بلموضوع
*بصراحه ليث انى خايفه
*من شنو خايفه يروحى هاا كليلى انتى اتحبينى لو لا
*خايفه من اهلى وعلى من راى اهلك بلموضوع
*ريما انتى اتحبينى لو لا احجى ولاتخافين
*احبك بس كلش خايفه ليث
*دزلى 🕺🏽🕺🏽🕺🏽🕺🏽يااابه انه هسه اسعد انسان
ضحكت عله كلامه احساسى كلش حلو ويه ليث بلوقت الى اخواتى وعلى كل واحد ان ملتهى بنفسه وحزنه هملونى بس هوا الى جان وياى حسيته كلش قريب عليه الدرجه هاذ القرب احيانا ايخوفنى
*ريما حبى دزيلى صوره منج حبابه اريد اشوف مرتى المستقبليه
*ماكدر ليث
*شبيج يعنى ماعندج ثقه بيه
*موو قصة ثقه بس
*بس شنو ريما مو اتحبينى وتثقين بيه بعد شنو البس
دزيتله صوره منى من جنه ابغداد جنه مره طالعين كلنه يعنى محجبه بيها وكذا كلت انى وياه انحب بعض واكيد راح نتزوج وغير هيج هوا ابن عمتى مو غريب
*اروح فدوا للحلو انه بوويه كيك بغداد هاذ
خجلت من كلامه ضلينه اندردش سوا للسبعه بعدين راح نام وانى هم غفيت مره ثانيه وفزيت بل تسعه تقريبا نزلت جوا جنت اوكل بلجهال صافنه فززنى كلام اريام
اريام:ايى ريما يمته مقرره تحجين
- اتوترت وخفت..احجى عن شنو
-عن الى مخليج دايما صافنه ومتوتره وخايفه مثل هسه عن الى خلاج البارحه اتموتين من الخوف عن الى مخلاج تنطين الموبايل الى او العلى انشوف اشبيه احجى ريما اشضامه عنه
-م مضامه شى اشبيج اتحققين وياى من الصبح واذا علبارحه فانى احجى ويه صديقاتى سوالف بنات واتخصنه احنه وبس وصورهن عندى مردت على يشوف الرسايل او الصور
-دتستخدمين نفس العذر الى طلعته البارحه لنفترض انه هلكلام صدك وميصير على ايشوف الرسايل والصور لعد انى ليش مشفتهن ونرجس منو احنه بنفس الصف ليش ماعرف هاى صديقتج الى اسمها نرجس ولا تحاولين اتكولين من بغداد صديقاتج البغداديات كلهن اعرفهن وبلمدرسه الجديده متختلطين باحد انتى ليش اتجذبين علين احجى لا اركعج بلصحن
-تحجى وانه ساكته اسمع كلامه وعصبت منه لان حقيقى....اووف اريام موتينى بس اختنكت منج وامفتلى عظم بلبلعوم وانتى اشدخلج بيه هاا عوفينى بلوكت الى اريدج مالكاج وبعدين تجين تدخلين وتكرهينى عيشتى
-جنه نحجى بهدوء و فجاة طفرت عليه خلتنى انى هم انفجر بوجها...اكليخرا شنو تردين اعوفج بكيفج؟ بعدين احنه ماعفناج كلنه مثلج حزنه عله موت اهلى وبعدنه لحد هسه حزنانين بس دنحاول نتعايش ويه الموضوع انحاول اننسى ارواحنه الخاطرنه والخاطر غيرنه بس انتى انانيه متفكرين الا ابنفسج تردين الناس كلهم ينسون حزنهم ونفسهم ويلتهون بيج بعدين
-ايى ايى انى انانيه عوفينى بانانيتى ولتدخلين بحياتى احجى بعصبيه محسيت غير عله كف دار وجهى
-اباوع اشلون تحجى كلش نرفزنى كلامها ضربتها راشدى بكل قوتى بلهاثناء جهال مروان شهرونه يهافون من صوتنه العالى عمه جانت فوك بغرفة ذيتب نزلت تركض وبيبى اجت وعمو وذياب اتجمعو عله صوتنه
ريما:غبيه اشلون اتضربينى منو مفكره نفسج انتى
-اضربج واكسر راسج همين
عمو:بويه كولن يالله صلن عله محمد شكو شبيجن
اريام:لا عمو ماكو شى حجيت وانى الهث من كثر العصببيه
ذياب:يا ماكو شى يابه تتضاربن وصوتجن واصل السابع جار
اريام:ماعرف شنو اكولهم ضليت ستكته ريما عافت وصعدت فوك وذياب اجه شال الجهال اثنينهم وطلع برا صرعونه من البجى
انى هم عفت عمه وبيبى ورحت للمطبخ شويه واجو خلود ومروان جابو زينه رحنه اتحمدنالها بلسلامه رجعت للمطبخ اجهز للغدا وافكر بهاى الثوله اجتنى ديمه بيدها دفتر ملاحضات اصغير وقلم كتبت:ليش اتعاركتن اشبيها هاى شمسويه يعنى حته اتعصبين منها الهل درجه
-هوا انى لو ادرى هم زين متحجى الزركه تعاى اكلج انتى اتعرفين رمز موبايلها
كتبت:ايى اعرفه شتردين اتسوين
-بعدين هسه خلينه انجهز الغدا راح اياذن جهزنه ديمه سوت زلاطه وانى انضف بلمطبخ خلصنه اذن صعدنه فوك انصلى خلصنه ونزلنه ولا احجى ويه ريما ولا هيه تحجى وياى نزلت جوا حميت الاكل شويه وديمه فرشت السفره حطينه طرشى والزلاطه وخضره وصبيت الغدا
ام ذياب:يمه وحده منجن اتروح اصيح لاخيتجن ماصيصير اتضل بليه غدا
اريام:ديمه كومى انتى انى ماحاجيها راحت ديمه وذياب يضحك بهدوء عليه هوا وعمو لان كلت ماحاجيها
بيبى:انتن ماتكللى عليمن اتعاركتن من الصبح هاا
اريام:ماكو شى بيبى لتشغلين بالج سالفه اصغيره مو مهمه
-والسالفه الصغيره اتضربين اختج عله مودهه شنهى هيه هلسالفه الصغيره بله
سكتت مجاوبتها نزلت ديمه هزت راسها
اريام-متريد هزلتلى راسها بمعنى ايى..اتولى تعاى اكلى انتى دخلو سجاد وامير سلمو علينه وراحو ايغسلون ويجون
بيبى:ولج احجى عليمن اتعاركتن
بيبى متقبل تدرس ومن احاجيها اتكول لتدخلين بيه عصبتنى وضربتها
-لا تدرس خليها هيه تاليتها البيت رجلها شلها بلدرس
امير:خير انشالله اصاير
بيبى:هذن العوبات اتعاركن و وحده ضربت الثانيه اكلها عليمن اتكول متدرس حجت اخر كلمه اتقلد عليها وكلهم ضحكو عليها...جا ماتدرس اتضربينها اتولى اليشوفجن متكاصبات ولهثانات عله صخام ابوى
امير:جده غير تحجى المصلحتها اتريدها تدرس وتنجح
بيبى:بس مو بلضرب...كعدنه ناكل ونسولف هاذ سجاد بس يشاقى ولا يعرف الجد بحياته خلصنه وشلت المواعين ماكو شى مهم العصر اجه على من الدوام جنت ارتب واجهز للعشه لان عماتى راح يجن لينه صعد الغرفته وصاحلى رحت...ردتنى محتاج شى
على:تعاى اكعدى عزيزتى رحت كعدت بصفه علجربايه حجه بهدوء...شوفى اريام انه صح ماقبلت تتزوجين من ذياب لان كلت بعدج اصغيره وماتعرفينه هاذ السبب بس ولله لو راده يمى وتردين رايى بيه فخلينى اكلج انسب منه الج ماتلكين انه ماريد افرض عليج رايى لو اجبرج بس ترا هوا معجب بيج وعمى وجدتى كلو راسى هاى يومين كلساع وكالت قنع اختك بيه فانتى شنو رايج احجى رايج بصراحع وماكو داعى تستحين من احد كواى وصدكى كلشى الجان قرارج انه راح اوكف بصفج
-كلش مستحيه منه ماعرف...على انته شنو رايك بلموضوع انى ذياب ماعرفه مصارلى غير شهرين من عرفته
-شوفى عزيزتى شغله واتعرفينه واكيد عرفتى انه هوا بعيدا عن شغله فهوا دائما بلديوان ويه عمى اما شخصيته هوا انسان هادى وعاقل ومحترم مو من هذول الشباب الى يكضون كل وكتهم بلعب الصحبه وكله ويه البنات اصلا مو من هاذ النوع انه وامير وسجاد وحته ربعه هوا اشكد صاحبنه بنات وطلعنه وياهن كله جنه انكول نتونس فتره وبعدين انعوف هاى السوالف احنه راح نتزوج وانعوفهن بس هوا ماجان يقبل انتى يمكن ماتعرفين بس انه كبل جنت ادرس ابغداد والتقى بابوى الله ايرحمه بين فتره وفتره يجى ايشوفنى جان بعد فتره من زواجه هوا وامجن عمى عرف بيه صار عنده بنيه وعمى اصلا مرتين يمكن راح ليه زاره ابغداد من صار عمرج سبع سنين عمى شافج وكال اريام الذياب محد اهتم بلموضوع بس عمى من كبر ذياب رجع كله هلكلام خلاه ايصير عده فضول ايشوفج مره جان ابغداد وابوى اجه ايشوفنى ورجع خلانى اشوف صورجن جنتى يمكن 13سنه وطلع ابوى يعرف بكلام عمى عنكم من عرّفاج كال مرت ذياب المستقبليه يعنى همه زرعوج ابراسه انه ماريد اسوى مثل ماهمه سوو بذياب وخلوه يقتنع انتى اله وايحبج وهاذ الكلام مو حته اقنعج بيه بس اريدج اتعرفين انه ذياب من كبل معجب بيج ترا هلشى كلش صعب عليه ذياب مثل اخوى الجبير واحبه بس مو سهل عليه اعرفه ايحب اختى واروح انه اكلها هلكلام 
اسمع كلامه مو معقول يعنى شنو من مجرد كلام غنى حبنى وحجزنى اله...على ممكن افكر بعد يوم وباجر هيج وكت انطيك جوابى وعد
-تمام عزيزتى اخذى راحتج وفكرى زين مو باجر اياًكان جوابج تتندمين عليه هزيتله راسى رجع حجه عليمن متعاركات انتى واختج
-هيييى ياهو كلك
-عمتى خلود وجدتى
-هسه شكله بله...متدرس واتعاركنه
-عزيزتى انه مو جاهل اتقشمرينى بهلكلام اذا علمود الدراسه وانه منتبه الجن كلجن مدرس مو بس هيه كل ما اكون بلبيت الكاجن كاعدات جوا ويه امى ماتدرسن
-هااا وافشلتا صدك ماندرس احنه...مو شسمه من اتكون انته بلدوام ندرس
-اريام عليمن اتعاركتن حجاها بنفاذ صبر
-هاا على شبيك عله هاى يعنى انى التهى اساعد بعمه بشغل البيت ميصير اعوفها الوحدها بس ماريدهن يتاخرن عن دراستهن وهيه مكضيتها اتفهى سكت مجاوبنى وانى استغليت الامر ونزلت جوا لكيت عماتى جاياتنه اثنينهن وسهى وميس كوثر همين شويه واجتنه نور وجايبه حماتها وياها وحور هم اجت وياهن على نزل من غرفته يطلع برا سلم عليهن سمر وسهى اكلنه بعيونهن ومن انتبهن البعض ضلن وحده تخزر بلثانيه ضحكت عليهن شبيهن هذن ولت يستحن كعدنه انسولف ونحجى كلنه سوا وريما وديمه كاعدات وساكتات
نور:ايى اريام سمعت طلبو ايدج الذياب ليمته نفرح بيكم...طاحبيتج كون اشعرفج يمته لحكت خلود تنقلج الاخبار يربى استحى هسه شكول سكتت لحكت عمه ام ذياب:يمه بعده ماكو شى فعلا عمج طلب ايدها بس بعدهى اتفكر والله كريم
مريم:وعليمن اتفكر ياهى منه فكرت قبل لاتتزوج شو بزمانه حته مانشوف الزلمه ولا نتخاير عليه للزفه يله وانوب ذياب عايش وياج بنفس البيت واتعرفينه التفكير المن بعد تردين احسن منه اقبلى وعله مسئوليتى...سكتت محجيت شى رجعت كالت:وحته بلكت اختج ريما تاخذ امير واتصيرن بنفس البيت ماتتفارقن ضحكن عله كلامها الا ريما طفرت وحجت بجديه:مستحيل كلها باوعت عليها
خلود:ليش ولج شبيه امير ولله لو عدى بعد بت مامتزوجه ازفها اله اليوم كبل باجر
ريما:ايى خلى وحده من بناتج تطلك وتاخذه
نور:طاحظج عله هلحجى متعرفين تحجى شبيج
عمه زهراء ببتسامه صغيره:هسه انتم اتزوجتو يمه عله كيفجن وسكرن علموضوع
ام ذياب:لا اصلا امير ولا على مامفكرين بلموضوع ومايقبلون بس هسه احنه انريد انشوف عرس ذياب ونفرح بيه
زهراء:انشالله خيه انشالله الله يفرح ملبج بيهم كلهم
ام ذياب:الله يسلمج خيه
ريما:نرفزنى كلامهن مجرد فكرة انه انى وليث مراح انكون مع بعض وراح اتزوج واحد غيره وهوا وحده ثانيه جننتنى ومحسيت عله نفسى بس بعدين اشكد فشلت من عمه ام ذياب هبه كلش حبابه ويانه واتحبنه بس مو بيدى انى احبه الليث مو غيره وامير بلنسبه الى مجرد ابن عم لااكثر
نور:ولله خلى يتزوجون ذياب واريام وعمه لحى عله امير واكيد راح ايوافق حته بعدين انشالله لعلوش وضحكت انتبهت عليه تندس بسمر وهاى مبتسمه
سهى:ايى انشالله راح يتزوجون كلهم اءء سمر وانتى اشعجب ماتزوجتى الحد هسه يعنى كبرتى...تحجى بسخريه وسمر جانه منها
مريم:ايى صدك خاله اشعجب مامتزوجه يعنى انتى ماتردين لو مايجيج خطابه
اريام:عمتى كالت هيج وسهى سوت نفسها اتريد تضحك بس ماسكه نفسها
سمر ابتسمت بس احسها اتريد تاكل سهى
نور:لا عمه لو اتشوفين اشكد يجونه خطابه عليها بس ماتقبل بيهم يجون شباب كل بت تتمناهم
سهى:جا ليش ماتاخذهم اذا كل بت تتمناهم خاف عاشكه
سمر وهل مره وصلت حدها:لا عيونى مو عاشكه بس الى يطلبون ايدى ماحسهم مناسبين الى واعرف ماراح ارتاح وياهم فماريد اورط نفسى بعلاقه اعرف اخرتى راح اتندم
زهراء ايى احسن خاله زين اتسوين اذا ما متاكده من قرارج وما مرتاحه للشخص لا اتقبلين بيه
سهى:بس سمر انتى شكد عمرج
نور:مو هواى 22سنه
سهى:اممم هم جبيره
سمر:وانتى اشكد عمرج عينى سهى
-هه انى 19 راح اصير عشرين
سمر:اممم العمر كله
-شكرا
-انتى ليش ماتتزوجين
-منتظره الشخص المناسب
-ههه المناسب بس يمكن مو انتى المناسبه اله عوفيه وشوفيلج واحد ثانى
مريم:منو الى اتعةفه وليش مو مناسبه اله
سمر:هاا لا اقصد انه يعنى ايكولون عسى ان تحبو شيئا وهوا شرا لكم
سهى:اهه وطلعتى تقرين قران همه لو بس هاى الايه حافظتها ههه كعدنه انسولف صار وقت العشه صبينه و صبيت العمو والولد مقبلو يجون اصلا صايره صبينالهم الوحدهم كعدنه نتعشه خلصنه كمنه انى وديمه وميس نغسل رادت الا اتساعدنه اجن سهى وسمر حجن بنفس الوقت:اساعدجن باوعنللهمدن وهنه باوعن البعض ودارن وجهن من بعض
سهى:سمر روحى انتى ضيفه اهنا لا اتعبين نفسج انه اساعدهن يعنى تعرفين انه مو غريبه من اهل البيت
اريام:لا شكرا بنات ميريد ولله لتعبن نفسجن انى حته ميس مريدها تشتغل اهنا بس متسمع الكلام
ميس:عليمن شنو اشويت يعنى
ريما راحن البنات ديمه اتسوى جاى واريام وسهى ايغسلن مواعين جانن سمر وسهى اباب المطبخ واكفات وانى كاعده بلصالون اجه عمو وعلى عمو سلم عله اخواته وكعد يحجى وياهن وعلى صعد فوك الله يستره طويل يعبر كل بايتين ثلاث سوا سهى انتبهت عليه شافت محد منتبه وركضت وراه انى هم لحكتهم ردت اشوفها وين صاعده وشنو اتريد صعدت شفت على دخل الغرفته وهيه اشويه ودخلت وراه بعد مادكت الباب فتحته وضلت واكفه كالتله:ءء على ممكن ادخل اريد اكلك شى سمعت صوته سمحلها تدخل دخلت وسكرت الباب وراها بس ماتسكر كلش يعنى شويه مفتوح وكفت اهناك شفت على واكف تبصف الكنتور وجه صوب الباب وهيه ظهرها صوبى
سهى:على ءء ا انه شسمه
على:خير انشالله سهى شبيج تردين شى احجى بسرعه
سهى:انه اح اخذت نفس عميق وكالتله على انه معجبه بيك اعرف الى اكوله ايصدمك واتفاجات منه بس انى كبرت وابالى شخص واحد هوا انته انه كبرت وانه احلم بيك وبليوم الى اصير زوجتك صدكنى انه كلش احبك واموت عليك
على:سهى اتخبلتى شتمسلتين انه ماشوفج هيج انتى مثل اختى ماشوفج غير شى
سهى:بس انه ماريد اصير مثل اختك هاى انه كدامك شوفنى شى ثانى صديقتج عشيكتك زوجتك اى شى انه احبك ليش ماتفهم
ريما:اباوع مصدومه وكلساع التفت خاف احد يجى ايشوفنى اتسمع عليهم و صوتهم كل شوى يعله وينتبهون عله نفسهم ويرجعون يحجون بصوت ناصى
على:سهى لا اتخوطين صفح ارجعى الوعيج وروحى اطلعى برا يله
سهى:لا ماطلع على عفيه افهمنى انه احبك شبيك ماتفهم مفكر بيدى هوا ولله صعبه عليه الحب صعب
على:سهى شوفى انتى بعدج اصغيره وماتعرفين بهل مواضيع خاذ حب مراهقه تمام انسى هلسوالف وفكرى بدراستج وامور الها فايده الج بلحياه اما الحب فهاذ خليه الوكته بلوكت المناسب راح تلكين الشخص المناسب الى ايحبج واتحبينه
-انه ماتهمنى لا دراسه ولاشى الى ايهمنى هوا انته انته مهم عندى انه اريدك صير انته هاذ الشخص المناسب الى تحجى عنه
-غمض اعيونه بنفاذ صبر وحك كصته بعدين كال:سهى امشى اطلعى برا وانسى هلمواضيع طلعتى روحى يله ودار وجهه للجها الثانيه عنها
ريما:ماشوف غير هاى ذبت الشال مالها ودشداشتها مالتها من الصدر بيها دكم فتحتهن ايصيرن لحد جوا الصدر فتحتهن وسحبته من ايده دارته عليه شوفنى اشبيه هاا ماعجبك انه على عفيه انه احبك وقابله اكون الى اتريده بحياتك
تحجى وعلى داير وجهه عنها وشايل الشال مالها ماد ايدها عليها...سهى لا اتجنين استرى نفسج واطلعى يله بسرعه زحت ايده الى مادها صوبه وتعاى وبوسيه من شفايفه ايحاول يوخرها عنه ماكو ماسكته من ركبته متقبل اتوخر عنه يمه اشلون تتجراء متخاف يمه احس جسمى يرجف و وجهى صخن ميلها عنه بلكوها وضربها راشدى من قوته وكعت علارض اخذ الشال وعبايتها الى واكعه بلكاع ذبهن عليها وسحلها من زندها وكعن العبايه والشتل رجع شالهن انى كمت اخوط معرف وين اروح دخلت الغرفة سجاد مقابيل غرفة على دخلت بسرعه وصلها البابالغرفه مالته
على:اخذى عبايتج وامشى مناه صدكينى لو ماقيس جا طيحت حظج هسه امشى مناه ولاتخليتى اشوف وجهج مره ثانيه دخل للغرفه وطبك الباب بقوه واسمع صوتها تبجى باوعت من الباب ضبطت حجابها و وضعها ومسحت وجها ونزلت رحت الغرفة على دخلت التفتلى بعصبيه شافنى ورخت ملامحه
على:هاا عزيزتى تردين شى
ريما:يحجى وشوى لهثان..لا مريد شى بس اجيت اشوفك ليش صعدت اهزا وعفتهم وفانيلتك شبيها اثرت عله فانيلته بيضه وعليها ركعه شويه لون بنى معرف شنو
-لا كلبى ماكو شى بس اجيت ابدل ابن حور بده البيبسى عليه واجيت اغير ملابسى
-اهاا رحت للكنتور ماله وطلعتله فانيله ريتضيه سوده ربع اردان انطيتها اله ابتسم وكال شكرا
راح للحمام غير واجه...ننزل جوا لو اتريد تبقى اهنا
-لا خلى انروح تعاى نزلنه جوا اباوع سهى كاعده تبتسم تسليك وسمر هم بس تخزر بسهى معقوله حته سمر اتحبه وهاذ الى مخليهن وحده متحب الثانيه رحت كعدت عله صفحه وانسولف لحد مراحن كل وحده البيتها
اريام:بعد ماراحن عماتى ونور وحور كمت ارتب بلبيت انى وديمه وعمه خلصنه وصعدنه حنه اننام حطيت راسى علمخده بس مجاينى نوم افكر باشيا هواى مكدر انام اشيا مثل السر الى ضامته ريما وعله طارى ريما طفرت من مكانى باوعتلها نايمه وديمه همين هزيت ديمه بسكوت فتحت عيونها شاورتها كومى وياى اشرتلى وين رجعت حجيت بهمس خاف تسمعنه ريما واتفز:تعاى بعدين اتعرفين يله ابسرعه كامت وانى هم كمت اخذت موبايلى وموبايل ريما وطلعنه وديمه شالت موبايلها ودفتر الملاحضات مالها هاذ متعوفها دائما وياها وين متروح خطيه متكدر تحجى تستعمل هاذ رحت للحمام وديمه وراى وصلنه وكفت بلباب مدخلت فكرتنى اريد استعمله...ولج حظى تعاى هسه اتحس علينه استوعبت ودخلت وياى سكرنه الباب ورانه انطيتها الموبايل مال ريما...هاج افتحيه انى ماعرف الرمز ماله اخذته منى وكفت بصفها اباوع كتبت عيد ميلادهن وطلع صحيح الحمدلله اخذته منها بشرعه وكمت ادور بيه رحت اول شى علصور ملكيت شى كلصورها هذن شايفتهن لا اكو صور الصديقاتها ولا شى وحته صور صديقاتها البغداديات عاديات مبيهن شى وكلهن شايفتهن واعرف البنات رحت عله سجل الاتصالات بين الى متصله عليهم او الى متصلين همه عليها ملكيت شى رسايل هم ماكو باوعت بين الارقام الى مسجلتهن عدها ماكو شى خاص وملفت للنظر طلعت من برنامج مال المكالمات وكفت لحظه رجغت دخلت بلبرنامج "صديقتى🖇🔗منو هل صديقه هاى وليش مسجلتها بصديقتى مو باسمها ماعرف بشنو جنت افكر بذيج اللحظه كل الى اجه ابالى بوكتها اتصلى بدون تفكير اتصلت علرقم حطيته عله اذنى وكل جسمى يرجف خايفه ماعرف شنو اسوى
^الو....هاا حطيت ايدى عله حلكى وادموعى نزلن الصوت صوت ولد منو هاذ
^الو ريما حبى شبيج...ياا حبى حبتك حيه بسبع روس انشالله سكرت بوجهه وبسرعه حضرت الرقم  ديمه كتبتلى شبيج اصاير كتلها خطيه اخس منى وجها صار اصفر رحت علفيس وبحوشت بلرسايل منو هاذ الحقير ياربى دورت دورت ولكيت ليث منو ليثالله ياخذج انشالله دخلت نقرا برسايلهم ياويلى من يمته تحجين وياه انهجم بيتج كون شسوى انى هسه شفته يكتب رحت حضرته بس من غبائى ماحذفت رقمه بس حذفت حسابه من الفيس مالها  منو منو ليث اتعرفينه.....هزتلى راسها بمعنى لا اشويه وباوعتلى مصدومه كتبت وانطتنى الدفتر"معقوله ليث ابن عمه مريم!"
كعدت عله حيلى ابجى خايفه شسوى هسه انى...ماعرف ديمه ماعرف عقلى ميجمع ولج اذا عرف على يكلب الدنيه عله روسنه يذبحها ولله والحمارا دازتله صورها الغبيه الهايشه شسوى هسه انى ديمه شنسوى ولج حته احنه انروح بيها