نروح عند بيت ابو زايد فلاح : يله لا تنسون شي من الاغراض
نوره : ابشر
فلاح : نوير تعالي ابيس
نوره وهي هلكانه من البكى عشان امها : هلا فلاح
فلاح يتنهد : لا م يصير ينوره انتي الكبيره في البنات المفروض تكونين قويه ولا تورينهم انك منهاره او تبين لهم شي خليك قويه حتى امي لو شافتك بالمنظر ذا بتعصب وبتزعل عليس يرضيس امي تزعل منس
نوره وهي تمسح دموعها : فلاح كله بسببي انا حتى اني رفعت صوتي عليها
فلاح : لالا انتي نوره واعرفك بس خلاص وهاذا قضاء الله م يجوز نبكي ونزعل وامي م فيها الا العافيه ان شاءالله الحين لمو الاغراض وانا بروح اشوف الحلال ولا تنسون شي
نوره : طيب ابشر ولا يهمك الحين اقوم اسوي اغراضي وبسوي اغراض اهلي واشوف البنات
فلاح : اي ذي اختي الي اعرفها يالله لا تبطون
نوره : ان شاء الله
راح فلاح يشوف الحلال منها يقول الفضل ^راعي الغنم ^انهم ماشين
في بيت ابو مطلق
ام مطلق بحزن: يسين على روحس يوخيتي الله يشفيها ويعافيها يارب
كلهم : امين
ابو مطلق: يالله استجعل خلونا نمشي
وعد : يبه يمه ان خلصت اغراضي بروح اشوف البنات
ابو مطلق: اي اي روحي يبنتي
راحت وعد بيت عمها وهي داخل الا وتشوف نايف منهار وجالس بزاويه الحوش وتروح له : نايف
نايف وهو يمسح دموع : لبيه
وعد وهي تجلس جنبه و تمسك وجه وتلفه عليها : لا ينايف تكفى لا تسوين بنفسك كذا وهي تحضنه وطبطب على ظهره تكفى خلاص
نايف وهو يبادل لها الحضن وبقوه : خليس كذا يالوعد
وعد : انا عندك م راح اروح وجلست الين ماهدا نايف
نايف وهو يقوم ويقومها ويمشون : لبيه
وعد : خلاص بس امشى خلص اغراضك وانا ادخل اشوف البنات
نايف : طيب
وتدخل وعد عند البنات وتشوف جود منسدح منهاره وعد : لا يالجود بس انتي وغزيل اهلكتو نفسكم حرام عليكم تبكون كذا ترا عمتي مافيها الا العافيه ان شاء الله وبعدين يله قومو الحين توضو وصلو لكم ركعتين وادعو لها والله البكي ما راح ينعفكم يالله قومو الله يخليكم
جود وهي تقوم وتمسح دموعهاويحضننون وعد : الله يخليس لنا ولا يحرمنا منس
وعد بحنيه : ولا منكم يارب يله قوميو وانا ارتب لكم اغراضكم
وقاموو البنات يتوضاون ويصلون وعد تسوي اغراضها واغراض ساره
وعد : نوره وينس
نوره : هلا وعد هنا بغرفه اسوي اغراضهم اهلي
وعد تروح عند نوره : اساعدس
نوره : لا ياروحي خلاص معاد باقي شي بس شوفي العيال وش وضعهم والبنات
وعد : مريت عليهم كلهم وخلصو كلهم اغراضهم وانتي سويت اغراضك
نوره : باقي انا بس اخلص حق اهلي اسوي حقي
وعد : معليس كملي اغراض عمي وعمتي وانا اسوي اغراضس
نوره ببتسامه لطيف : شكراً يالوعد مارح ننسى وقفتس معنا ابداً
وعد تجي عند نوره وتمسك يدها : م بينا ينوير وبعدين مالنا الا بعض وانتو اخواتي قبل تكونون بنات عمي ومن حقي اكون معكم ويحضنون بعض بحنيه
وعد بضحكه: يله خليس سريع وانا ارتب اغراضس لان بيجي فلاح ويزعجنا
نوره ببتسامه: ابشر
نرجع للمستشفى عند ابو زايد الي تعب وهو جالس على الكراسي عند ساره وسلمى
سلمى صحيت وهي تقول : ابغى ماء
وساره الي كانت حاطه راسها بطرف سرير : سلمى
سلمى : ساره ابغى ماء ماء
ساره : الحين اجيب لك
وهي الي تطلع تدور مويه وتشوف عمها الي غلبه نوم ونايم على الكرسي وحاط عصا على خده وينكسر قلبها من المنظر الي عمها فيه وتروح له وهي الي تصحيه بشويش عشان يدخل يريح بسرير الي عند سلمى ساره : يعم
ابو زايد يفز من نومه : من انت
ساره : يعم انا بنتك ساره ادخل داخل عشان ترتاح شوي
ابو زايد : لا يبنتي خليني هنا قريب من عمتك
ساره : لا يعم انت روح انا اجي وانتبه لها الحين قوم معي خن ادخلك عند سلمى ترتاح
ابو زايد: الله يهديس يبنتي ويقوم معها وتوديه عند سرير الي كان جنب سرير سلمى وتسوي فرشه
سلمى نطت من سريرها : اشفيه ابوي
ساره : بسمالله عليس مافيه الا العافيه بس لقيته نايم على الكراسي الي برع وقلت يدخل هنا ومنها ينام بدون ازعاج بس ارتاحي انتي وانا الحين رايحه اجيب لس ماء
سلمى : طيب
نروح بيت ابو زايد
فلاح وهي جاي من العزبه دخل البيت وهو يشوف الاغراض القهوه وكلشي بالحوش ومنها يتذكر شكل امها وهي تعبانه وجلس يدعي لها
نوره : وعد عسى م تعبتي
وعد : لا ياروحي تعبكم راحه هاه خلصتي كلشي
نوره : اي خلاص وين البنات
وعد : الحين يجون
طلعت جود وغزيل جود : وعد خليس معنا
وعد وهي تضم جود : اهه يجودي انتي بس امري وانا اقول حاضر
جود : الله لا يحرمني
وعد : ولا يحرمني منكم يارب يله انا رايحه اجيب اغراضي واجي
جود : تمام منتظرينس
وعد تاشر لها براسها يعني تمام
فلاح : هاه خلاص خذيتو كلشي
البنات : اي
نوره : سعود وين نايف
سعود : مدري اخر مره شفته يوم كان يسوي اغراضه بس مادري بعدها وين راح
جود : فلاح وينه
فلاح : معليكم الحين ادق عليه ويجينا
نايف الي كان بالمسجد وهو طالع ويشوف مكالمه من فلاح ويدق عليه : هلا فلاح
فلاح : وينك
نايف : هنا طالع من المسجد
فلاح ببتسامه : اجل اعجل بنمشي
نايف : يله جايكم
عند ابو مطلق :يله الله يهديكم
ام مطلق : يله جايين
وعد وهي تنادي من ابوها : يبه
ابو مطلق : لبيه يبه
وعد : لباك يبه البنات يبغوني اروح معهم
ابو مطلق : الي ودس يبه انتبه لس
وعد وهي تبوس راس ابوها : وانت يبه
ابو مطلق: ودعتس الله
انتهى البارت ادعموني بنجمة وكومنت عشان اتحفز 🤍
