ويمشون كلهم من الديره وكان كلهم صمت الين ما وقف عند المستشفى فلاح وهو ياشر لعمه بيده بمعنى وقف طلع فلاح وهو يكلم عمه فلاح : يعم انا بطلع اطمن على الوالده واشوف ابوي وانتو وانتظروني هنا ماراح يخلون احد يدخل بنادي ابوي يروح معكم للبيت وانا بجلس مكانه
ابو مطلق وهو يحط يدينه على كتاف فلاح : الله يقويك يولدي بس خني ادخل معك اخذ اخوي ونمشي
فلاح : وياك يارب ابشر بس اعلم العيال والبنات واجيك
ابو مطلق: طيب
يروح فلاح لخوانه سياره فلاح : عيال وبنات انا بدخل الحين المستشفى وبخلي ابوي يطلع وانا برافق مكانه
نايف : فلاح انا بطلع وانت خلك مع ابوي والبنات
فلاح : لا ينايف اسمع كلامي وخلك قوي لا اوصيك
نوره : فلاح بنطلع نشوف امي و سلمى
فلاح : ينوير يبنتي ماراح يدخلون الا شخص واحد مايمديكم تدخلون
غزيل : طيب بنشوفها من عبر القزازه
فلاح : بنات خلاص يرحم والديكم الحين اروح اطمئن عليها واجيكم
هنا معاد احد تكلم فلاح : نايف ولا سعود واحد ينقز يسوق الحين بروح اشوف الوالده واجيب ابوي اكيد تعبان ولازم يطلع البيت
نايف : روح معليك انا اسوق
ويرجع فلاح لعمه ويدخلون قسم ويشوفون ساره الي كانت جالس على الكراسي تقراء قران فلاح وهو يبتسم لا شعورين من منظرها ساره م انتبهت لهم الين جاء ابوها ابو مطلق : ساره بنتي
وساره وهي ترفع راسها وتضم وتبوس راسه ويده ابوها الي صار لها يومين م شافته : ارحب يبه
ابو مطلق وهو يبادل بنته الحضن وبقوه ويمسح دمعته : كيفس يبنتي عساس الا طيب وكيف عمس وعمتس وسلمى ربهم طيبين
ساره : ابشرك يبه انهم طيبين الحمدالله وعمتي دكتور اليوم جاء وطمني عنها ويقول الحمدلله نبضات القلب رجعت طبيعي عندها ويقول بكره لها خروج
فلاح الي كان يناظر عيونه الي كانت كلها تعب
كلهم : الحمدالله يارب لك الحمد
فلاح : طيب انتي خذي اغراضس وروحي مع عمي ارتاحي بالبيت
ساره : لا مستحيل اطلع من هنا الا انا وعمتي وسلمى
فلاح : ساره بلا عناد وارجعي البيت
ساره : فلاح الله يخليك ماقدرر اطلع الا وكلنا طالعين
ابو مطلق : خلاص يفلاح اتركها عند سلمى وانت انتبه لامك
فلاح وهو كان حان عليها من تعب : راسس يابس وسلمى شلونها عسى لها خروج
ساره : اي بكره كلهم يطلعونهم يارب كل الحمد
فلاح : الحمدالله وين ابوي م اشوفه عندس
ساره : اي خليته يروح عند سلمى برتاح من ازعاج السياب
فلاح : الله يكتب اجرس ي ساره وماقصرتي
ويمشون الغرفه سلمى ويدخلون ابو مطلق: سلام عليكم وهو يروح يبوس راس اخوه ويسلم على سلمى
ابو زايد وهو تعب من اجواء المستشفى:وعليكم السلام حبك الله يخوي
ابو مطلق: شحالك يخويك ربك طيب
ابو زايد: بخير بخير وانا اخوك
ابو مطلق: سلمى يبه ربس اليوم طيبه
سلمى : الحمدالله انت يعم كيفك
ابو مطلق: حنا والله من بعد شوفتكم ان طيبين الحمدالله ويلف عايض على اخوه محمد نمشي البيت ترتاح ومنها بكره تجون تاخذونهم
ابو زايد: لا بجلس ونطلع سوا
فلاح وهو يجي عند راس ابوه ويبوسه : يبه الله يعطيك العافية انا بجلس عند امي وساره عند سلمى وانت روح البيت ومنها ترتاح بكره لهم خروج
ابو زايد ماحب يكثر كلام لانه كان متضايق من جلسه المستشفى: يله بس دق عليه كلشوي خني اطمن عليهم
فلاح : ابشر يبه م طلبت شي
ابو مطلق: يله ودعناكم الله
فلاح : الله معكم ان شاء الله
ويطلعون شيبان ويطلع سعود ونايف يسلمون على ابوهم ويساعدونه يركب سياره
ابو زايد وهو يشوف الحزن في عيون عياله وبناته استوجع وهو يقول بينه وبين نفس ليتني جلست ولا شفتكم كذا ويتنهدت : كيفكم يبنات
كلهم : طيبين يبه كيفك انت
ابو زايدوهو يفكر صوت وعد معهم : طيب يبه الحمدالله ذا صوت وعد معنا ولا انا اتخيل
وعد وهي تبتسم له وتمد يدها وتحطها على كتف عمها: اي يعم شلونك عساك بخير
ابو زايدوهو ياخذ يد وعد ويبوسها : الحمدالله يبنتي طيب الحمدالله على قضاءه وقدره
وعد وهي تتقدم وتاخذ يد عمها وتبوسها : الله يطول في عمرك ويحفظك لنا ولا يحرمنا منك ويشفي لنا عمتي ويقومها بالسلامة يارب
نايف وهو يسوق ويناظر فيها من المرايه سياره ويبتسم لها : امين
ابو زايد بحنيه : امين يارب ومن يقول
وهنا وصلو وكلهم يطلعون اغراضهم ويدخلون الا نايف الي كان بسياره ويطلع له زقاره ويدخن وطلع وعد تدور عليه وتشوفه بسياره وتجيه وتسحب زقاره من فمه وترميها : يعني الحين بترتاح ايذ خذيتها
نايف وهو يتنهد : وعد روحي يرحم والديك
وعد بعناد : وايذ مارحت وش بتسوي
نايف ماتكلم وعد وهي تمسك وجهه وتلفه عليها وتناظر في عيونه الي كانت مليانه دموع وتضمه بقوه : خلاص ينايف ترا قطعت قلبي عليك بس
نايف : وهو يضمها يالوعد امي امي لا تروح
وعد وهي العبره بحلقها من منظر نايف : نايف عمتي طيبه توني داقه على ساره وطمنتني عليها
نايف وهو يبعد ويمسح دموعها اي ذكرتيني خليني ادق على فلاح وياخذ جواله ويدق على فلاح الي كانو يسوولف وهو البنات فلاح : هلا نايف
نايف : هلا فلاح طمني شلون امي وسلمى
فلاح : لا الحمدالله ابشركم انها طيبه ودكتور يقول لها خروج بكره
نايف وهو يضم وعد لا شعورينا ويقول وعد امي بتطلع بتطلع بكره وكان ناسي اخوه على المكالمه يارب لك الحمدالله
وعد وهي مبسوطه : كتمتني م قلت لك عمتي قويه وبترجع لنا بكامل صحتها يارب الحمدالله
نايف وهو يضحك من كلمته : ولا م افكس الين اشبع
وعد وهي تحاول فيه وتضحك : يحمار بموتتت
نايف وهو يفكها : اهخخ يالوعد الله لا يحرمني منس ولا يفرقنا عن بعض
وعد وهي تشوف جوال نايف الي كانت المكالمه للحين شغاله وتصيح : نايفففف المكالمه
نايف بعدم استعاب : وشهو
وعد وهي تصفق راسه بيدها : يغبي الجوال فلاح باقي على الخط اكيد سمع كلشي
نايف يمسك راسه : شلون نسيت ويطفي المكالمه
فلاح وساره الي كانو سامعين كلشي
ساره : ذولين م يستحون على دمهم
فلاح وهو مجرب الحب ولا شره على اخوه : عادي يحبون بعض
ساره تعطي فلاح نظره : لا والله صاحي انت لو بينهم عقد قران عادي بس مابينهم شي
فلاح وهو يقوم و يمسك خصرها : طيب انتي اشفيس معصب وبعدين انا اتفهم مع اخوي وانتي مع اختس وانتهى الموضوع
ساره : مو معصب
فلاح وهو يبوسها على خدها : اكيد
ساره وجها ينقلب الوان
نرجع عند وعد ونايف الي طلعو من سياره داخلين البيت وعد : انا الحين شلون اناظر بوجه فلاح
نايف وهو يمسك يدينها : يحبيبتي يالوعد ترا بعدين بتكونين زواجتي وحلالي
وعد م تكلمت وهو يحبها على خدها ويدخلون كل واحد منهم راح الدوره
وعد وهي داخله على البنات الي كانو مجتمعين : وش تسولفون فيه
نوره : نخطط نسوي حفلة صغيره حق امي ايذ طلعت
وعد : الله حلوه الفكره
غزيل : اي مرهه
لمى : انا وغزيل بنطلع ونجيب الاغراض ناقصه
جود : اي بس لازم تروحون الحين لان الوقت تاخر
غزيل : اي صح عاد نايف بيسوي لنا ازعاج ايذ رجعنا متاخر
نوره : بنات بنسويه عند استقبال ضيافه الي تحت
وعد : اي حلو والله بيطلع يجنن
جود : يله قومو انتو البسو وانا برسل لكم الاغراض ناقصه
وقومو البنات يلبسون
انتهى البارت ادعموني بنجمة وكومنت عشان اتحفز 🤍
