في الصباح مع اذن الفجر ابو زايد : يعيال قوومو صلو يله ويدخل على غرفهم واحدواحد وهم الي يصحون ويروح يصلون عند ام زايد وام مطلق الي كان يجهزون الفطور ام زايد: ميري تعالي تعالي يمي
ميري : نعم ماما
ام زايد: روح انت غرفة البنات خلي قوم كله قول بابا عصب
ميري : طيب ماما وتطلع لهم ميري وتسوي لهم اكشن مرعب تدخل تصيح عليهم وتشغل الانوار بابا يقوم قوم يله يله بسرعه
وعد : وجع وجع قطع الله ذا صوت وش بلاش
ميري : وعد بابا محمد كله عصب عشان ماما كله شغال وانتي كل نوم
وعد : روحي روحي الله ينطبس بقوم واقومهم
ميري هزت راسها وطلعت تحت
ام زايد: احد قامت يبنتي
ميري : وعد قوم ويقول انا قوم بنات انتي يطلع
ام زايد: زين زين تعالي
في الحوشش عند الجلسه الي تلم العائلة
ابو مطلق : صالح وين سعود راح
صالح : راح يجيب اغراض من سياره
ابو مطلق: زين
وتجيب ام مطلق وام زايد وميري الفطور
فلاح يقوم عصب لان امه تو طالعه من المستشفى : هاتيه يمه عنس وين البنات
ام زايد: الحين يجون يوليدي
ابو زايد : فلاحح
فلاح : لبيه
ابو زايد : اطلع طلعهم كلهم من فوق سريع
فلاح : ابشر ابشر
ويطلع فلاح عليهم وهو يدق عليهم غرفه غرفه وتفتح له ساره عبالها انه واحده من البنات ساره بصوت عالي : خلاصص وربي سمعت الله ياخذذ..
فلاح وهي يتكي على الباب : صباح الخير
ساره استحت لانه كانت توها صاحيه : صباح النور
فلاح وهو يدف الباب ويدخل عندها ساره : فلاح اطلع سلمى بتحس عليك
فلاح وهو يقرب منها ويمسك وجهاا : خليها تحس لانك خطيبتي عادي
ساره استحت وجها صاير علبه الوان فلاح : اوف اوف الذي درجه تستحين مني !
ساره هزت براسها بيعني لا
فلاح وهو يبوسها على خدها : يله تجهزي وطلعي ترا ابوي معصب عليكم وصحي سلمى معس
ساره : طيب بس لو اخلي سلمى ترتاح مو احسن
فلاح : لا صحيها خليها تقوم تفطر وعقبه ايذ تبي تنام براحتها
ساره ابتسمت له : تمام الي ودك
ويطلع فلاح من عندها نروح عند وعد وجود
جود : وعد بقولك شي
وعد : هاه
جود : مطلق البارح قال انو بيقول لي شي بس قال خليه بكره ومتحمس وش عنده
وعد : وش عنده اكيد جايب لس هدية
جود : مدري مدري المهم خلينا نطلع قبل يطلع ابوي علينا
وعد : يله يله
وهم طالعين يصادفون البنات
لمى : يراسي انتو باقي م طلعتو
جود : لا اشفيس
غزيل : ابوي مقوم دنيا ومقعدها علينا
وعد : الله يوستر
ساره : اضن نوره قد طلعت عندهم
البنات : زين
جايين البنات يجلسون على الفطور
سعود : شرفو الاميرات
لمى : شرف لنا
ابو زايد : وطقطق وبعد قوم انتي وياها خذو الاغراض شايف ساعه كم الحين
جود : يبه بدري توها ٩ ساعه
ابو زايد: احنا مفطرين من ساعه ٨ وانتو راقدين م تقولون امنا تعبانه من يجهز الفطور ويقدمه على اهلي انتو وين عقولكم متى عادكم بتعقلون ولا بتقولون لا اله الا الله ماحد فيكم الا نوره طول عمرها تقوم وتصلي الفجر وتشوف اهلها وش ناقصه وش ماهو ناقصهم وانتو وش ناقصكم هاه
جود : يبه مايجينا نوم باليل
وعد : اي يعمه والله نحاول بس ماش
نايف : بكم الجوالات
وعد وهي تحط يدها على فمها تاشرً نايف ضحك من شكلها
ابو زايد: معليه بيقع خير من بكره بعطيكم جدول واشوف واحد يخلف الجدول
ابو مطلق : علقوه يارب ويضحك من اشكالهم
مطلق : ها صلو على النبي
كلهم : اللهم صلى وسلم عليه
مطلق تساوى في جلسته وينادي جود جنبه وتقوم وتجلس جنبه : انا حددت زواجي وبيكون يوم الخميس
كلهم يباركون له والبنات يباركون الجود
ابو زايد : الله يوفقكم ويبنا بيتك ان شاء الله
مطلق : امين ان شاء الله يارب
ابو مطلق : الله يوفقكم ويجمعكم على خير ان شاءالله
مطلق : امين
ام مطلق : الله يوفقك يوليدي ويوفقش يبنتي جود
كلهم قامو وحضنوها مطلق : امين يارب يطول في عمرس وتشوفين عيال عيالس يارب
ابو زايد وهو يشوف شمس ارتفعت : ادخلو ادخلو
سعود : الله يزمان بعد مكان يجلس في الحوش بعز ظهر
صالح : تغيرت الحوال هههههههههههه
ويدخلون كلهم والي راح ياخذ له غفوه والي طلع الدوانيه عند البنات وعد : بنات اليوم بنطلع السوق
غزيل : اي اي معاد فيه وقت
جود : الي ودكم
ساره : اهخخ اخيرآً بنفرح فيكم
جود وهي تضمها : ياروحي انتي وعقبالكم
ساره ابتسمت عند لمى : ساعه كم الحين
سلمى : ١٠
لمى : يمه اشفيه احس الوقت صار بطئ
وعد : هاذا حق الحماس حبيبتي
نوره : طيب اسمعو خلونا نروح المطبخ ونسولف ومنها اسوي الغداء
كلهم : تم وطلعو كلهم المطبخ الي كانت فوق طاوله والي كانو مسوين جلسه تحت والي تطبخ غزيل نطت من فوق طاولة : بنات بنات شوفي ذي تهبل
البنات بخرشة : بسمالله خرشتينا يحماره
غزيل بضحكه : المهم شوف وربي تهبل الكوشات حقهم
وعد : الله وربي تجنننن
جود : عطيني اشوف وتشوفها ويحددون على وحده وهنا خلصو من الكوشه وضيافه وكلشي باقي كشختهم
وعد : بنات تحط على مصممه تسوي فساتين تهبل
كلهم : نشوف
وجلسووو يصممون لفساتيهم ويخلصون ومايبقى عندهم غير فستان العروس
سلمى : اوفف اخيراً احس كروشه ايذ كان زواج اختك او اخوك
ساره : مرهه والله بس شعور حلو
سلمى : اي صح
نوره : بنات وحده فيكم تطلع تقوم اهلي الصلاه
غزيل : تمام وتطلع غزيل وتصادف صالح الي كان نزل مع درج واضح كان نازل من دور اهله متضايق
صالح الي كان مشمر ثوب وكمومه وفاتح ازار ثوب وشعره نزل على وجه وهو يوقف ويحس دنيا تدور فيه
غزيل حست ان فيه شي : صالح فيك شي
صالح م تكلم وهو الي يطيح عليها وتمسك وجلست تبكي : صالحححح اصحى وشفيك وتضمه لصدرها وتبكي بقوه عليه صالحح وتصيح ويطلع ابوها وعمها على صياحها ابو مطلق : اشفيس يبه ويناظر ويشوف صالح الي كان طايح بين يدينها اشفيه يبه وش صار عليه
غزيل وهي تبكي : هو كان طالع من دوركم يعم انا بسالك وش فيه
ابو زايد : خلاص يغزيل بس
ابو مطلق : عايض يخوي دق على العيال
ابو زايد : ابشرر ويجون العيال وياخذونه المستشفى
عند ام مطلق وهي تبكي : الله يهديك من ولد والله يصلحك يارب
ام زايد : خلاص يخيتي لا تحرقين قلبي عليس بس بس
ام مطلق : كله مني انا سبب انا سبب
وعد وهي تضم امها : خلاص يمه الله يهديس بس اكيد دوخه خفيف خلاص
جود الي كانت تهدي في اختها : غزيل خلاصص اشفيس
غزيل : جود انا شفت وجه كان م يطمن مره والله كان تعبان بس ماحد حاس فيه
جود : خلاص خلاص بسس
نروح عند العيال الي بالمستشفى
مطلق : يعطيك العافية دكتور
دكتور : يعافيك وقدامه العافية ان شاءالله
مطلق : ان شاءالله ويطلع عند العيال الي كانو واقفين بالسياب فلاح : هاه طمن وش قال دكتور
مطلق : صالح طلع عنده قالون عصبي وهو الي سبب له دوخه
نايف : لاحول من وين طلع له لقالون ذا
سعود : استغفر يرجال كلشي من الله
ويدخلون على صالح الي كان على يده مغذيه ومنسدح نايف : الحمدالله على سلامه
سعود : اخر الاوجاع يارب
صالح : الله يسلمكم جميع
مطلق وهو يصفق في كتف اخوه ويضمه : وش الي كان مضايق خاطرك يخوي
صالح ابتسم : ولاشي وانا اخوك
فلاح : لا ماشاءالله مافيه الا العافية
صالح : اي الحمدالله
مطلق : بروح باخذ العلاج وجيكم
العيال : توك
ويروح وياخذ العلاج ويطلعون
عند ام مطلق : وعد طلعي لي رقم مطلق
وعد : يمه الحين تلقينهم بطريق جايين
ام مطلق : لا تاخروا
ام زايد وهي تشوف سياره مطلق داخله للحوش : كاهم كاهم جوو
ويقومون كلهم ويدخلون العيال
ام مطلق : هلا هلا بوليدي وتضمه
صالح يبادلها الحضن وكان يناظر في غزيل الي كانت عيونها منتفخه من البكى عليه ويسلم على امه ويبوس ايدها : يمه مافيني الا العافيه شوفي قدامس
ام مطلق : الله بيعطيك القوه والعافية
صالح ابتسم : امين امين
ويروح يجلسون كلهم ويحطون الغداء البنات
عند صالح الي قام من الغداء يغسل يدينه تجيه غزيل الي كانت ماسك الفاين ابتسم غزيل : الحمدالله على سلامه
صالح : الله يسلمك
غزيل : وش الي كان مضايقك
صالح : ولاشي
غزيل تمد اصبعها عليه : لا تكذب شفتك وانت طالع من دور عمتي وعمي وانت معصب وانا طالعه مع درج طحت علىٍ
صالح وهو يمسك اصبعها وينزلها : مافيني شي
غزيل فهمت انه م يبي يتكلم ومشت
انتهى البارت ادعموني بنجمة وكومنت عشان اتحفز 🤍
