لم أكن يوماً شخصاً مؤذياً حتى عندما أحرقوا روحي .
قرأه ممتعه ♡
......................................................
شاهيناز بصوت عالي : قسم برب العباد يازياف اذا حاولت لو فكرت مجرد تفكير اسوي شي البنتي لو تأذيها والله امحيك من الوجود زياف اياككك تختبر صبري وقوتي بنتي لو تحاول تلوي ذراعي بيه وحق من انزل القرأن اسوي شي بمعمرك مشايفه وانسى انته زوجي ودوس عليك بدون تفكير وعبرك ومشي اياك سوي شي حذرتك اني
زياف بصدمه : تهدديني شاهيناز والجج اني زياف انت تهدديني خوش اني اعلمج اذا ماندمتج على كل حرف حجيتيه ماسمه زياف واذا ماكسرتج وأذيتج بنتج ماطلع اني زياف انت تهدديني خوش شاهيناز خوش _ عفته تبجي وطلعت من البيت وسديت الباب وراي بقوه
شاهيناز بجي : وين اوديج وين كليلي وين اضمج والج يما بنيتي اذا صار بيج شي اني اموت والله اموت ابوج واحد متمرد قاسي يسوي الي براسه ومحد يوكف بوجهه ويمنعه محد يكدر يسويله شي
_ ضليت ابجي مكسوره وخايفه على بنتي يصير بيها شي اني وحيده ماعندي احد اهلي كلهم تبرو من عندي بعد ما زوجت زياف اني جنت احبه وهوه يحبني وتقدملي اكثر من مره بس اهلي يرفضون واني قررت اشرد وياه ونزوج وبعد ماعرفو اهلي شردت ويه زياف وزوجت اتبرو من عندي كلهم
كمت من مكاني ابجي ودعي ربي يحفض بنتي ومايشوفني شر بيهه وتمنى زياف يسكت وميسوي شي الأن اعرف ومتأكده كلش زين اذا حط شي براسه يسويه وينفذه ومحد يكدر يمنعه ابد حته اني ماكدر امنعه حاولت اسكت ميرنا الس تبجي خايفه من الصوت العالي ضليت اهز بيه وناغيلهه شويه ونامت _ اخذتهه وصعدت فوك فتحت باب غرفه بنتي هاڤانا لكيته كاعده ترسم اول ماشافتني اجتي عليه تركض
هاڤانا بزعل : مامي خلي ميرنا تجي ترسم وياي محد يرسم وياي
شاهيناز ببتسامه : ميصير ترسم بعدها صغيره ماتعرف الرسم من تكبر وصير بكدج اخليه ترسم وياج متفقين؟
هاڤانا : متفقين يله تعالي رسمي وياي انت
شاهيناز : تقربت على السرير خليت عليه ميرنا نايمه وتقربت من هاڤانا _ شنو رسمتي باله خلي اشوف؟
هاڤانا : رسمت بابا وانتي واني وميرنا كلنا سوى
شاهيناز : الله شنو هاي الرسمه الحلوه مثلج تخبل عاشت ايدج حبيبتي
هاڤانا : شكرا مامي
شاهيناز : بوسته حيل وكعدت ارسم وياهه وفكر بحجي زياف واني قلبي يتقطع على بنتي مادري شنو ذنبهه هيج صار وياه هيه شنو دخله بالي صار بس زياف الي ماعنده عقل يفكر بيه ذب الصوج بنته
أنت تقرأ
في قبضه " الأدهم "
Romanceماذا يحدث لفتاه صغيره تتلقى القسوه والعنف من أبيها تعيش نصف عمرها مغتربه بعيده عن وطنها واهلها واصدقائه تعيش بين تفرقه وضلم شديد من أبيها بينما ترى الحنان والدلال الى اختها الكبرى واذلك بسبب خطاء لم تكن هيه سببه هل سوف تبقى هكذا ام للقدر رائي أخر !؟
