زواج مصلحه

حلقه 2

اخاف اشتاگلك والكاك ماعايز
واخاف من البصدر لبعـــده مـا
جايز

واخاف گبال عينك نظره مني
تصير تشبه نظــــرة الخسـران
للفايز

جسمي كله يرجف بچيت لا اكدر اصعد ولا اكدر اروح اشغل الاضويه بقيت ابچي شغل الاضويه
كلهم موجودين اجه بابا يرگض حضني

: حبيبتي باباتي خلاص ماكو شي عدت يروح
ابوج عدت ماكو شي اني يمج

كل جسمي يرجف

: بابا خفت

زدت البچي

: اسم الله ماما ماكو شي  محمد جيبلها مي وخلي ؏ رشة ملح

بقيت ابچي واناشغ احس گلبي يوگف من البچي وبابا حاضني ويقره ايات

مصطفى: نونو ردنه نسويلج مفاجأة

: تعرفوني اخ اخاف من الظلمه

جاب مي

: هاي امي شربي شويه بسم الله الرحمن الرحيم  شربي حبيبتي

شربتني شويه كومني بابا كعدت  ؏ قنفه وهو
حاضني

: كافي بنيتي كافي يروح ابوج گلبج راح يوكف

هديت شويه

: ليش هيج تسوون والله خفت 

: ماكو شي بنيتي بس اعرف مشتاقتلي وردت اسوي لج مفاجأة ياريتني ماسويتها ولا اجيت

: اسم الله عليك بابا ربي يحفظك الي

شديت نفسي شويه وحضنت بابا بكل قوتي

: مشتاقتلك شون هيج تعوف وحيدتك

: اعتذر بنياتي اعرف طولت هل مره بس متتكر بعد

: وعد

: وعد بنيتي

بقينه سهرانين طولنه يلا نمت وباجر
اروح اشوف بدلة العرس واجهز

ثاني يوم

طلعت اني وماما نختار بدله معجبني شي رجعت ميته من التعب كلت باجر ارجع ادور غير مكان  مر اليوم طبيعي ومبقه للزواج غير 4ايام نايمه الصبح ماحس له

همس بذني

: نوووور اني اجيت

فتحت عيني شفت ايلام كمزت حضنته

ايلام  : مشتاقتلج كومه كوووومه

: واني هم بس فكرت متجين

: معقوله لج اختي انتِ صدك خاله كالت بعدج
مجهزتي فستان لعرس ليش!!؟

كعدنه

: صح

: نور ليكون لسه ااا...

: ديربالج تلفضين اسمه

: فهميني ليش هل برود لي عندج تجاه علي رغم انتِ تحجيلي عنه شكد يحبج ويحترمج وانتِ لا اسمع لا ارى لا اشعر