زواج مصلحه

حلقه 4

مومصدك هاي حبيبتي شكبرها صايره يربي
تقربت يمي بقيت ضايع بملامحه شعرها طويل شفافها لي ياخذن روحي عيونها لي تنطي الوان
كأن خلقها وكسر القالب

: صباح الخير امير

: هاا صباح العافيه شونج

:الحمدلله وانتَ

:احسن مني ماكو يله صعدي

فتح الباب كعدت يمه  قدم قطعة كيك بلشوكولا رفعت عيني عليه مستغربه

امير  : حتى تكون بدايه حلوه

ضحكت واخذتها

: شكراً  ذكرتني بشخص

: منو  ؟!

: مرت عمو الله يذكرها بلخير

: شبيها؟

: لما تبدي المدرسه اول يوم دوام بعد منبدل ونجهز توكفنه قطار وتوكلته شي حلو تكول
حتى تكون بدايه عام دراسي حلو وكله نجاح

بقيت ساكت مجنت متوقعه لسه تذكر گطعت
تفكيري

: صدك امير هذه العطر

نطيته العطر بقه مركز بي

امير  : خاف نفترق

ضحكت

: لا حعتبره مقابل الكيكه

اخذه وضحك

: اذا هيج تمام  حتى كل ما اشمه اذكر عطرج

ضحكت وطول لطريقه صار يشرحلي ؏ شغل وصلنه نزلت متوتره وكفت مقابل الشركه
اسمها  ... نور الشمس...

: اسمها حلو

: وبي معنى

: شنو؟!

: بعدين هسه جاهزه تبدين حياة جديده

: هاا اي جاهزه

: ماكو داعي تتوترين

: مو متوتره

باوعلي وبتسم

: يله

رغم حاولت اخفي توتري بس عرف دخلت للشركه چبيره وتصاميمها مميزه شوفني كل شي موجود وكل قسم يشرحلي  شنو اختصاصه قسم الصميم ورسم،الديكور،المباشره بتنفيذ المشروع،وغيرها  عرفني ؏ شغلي وشنو لازم اسوي دخلنه للمكتب

: ان شاءلله يكون عجبج الشغل والشركه

: اي اكيد الشركه مميزه كأن كل ركن بيها له
معنى والشغل كلش حلو ومناسب من اليوم
ابلش شغل؟

: باجر لان هسه تعبتي وصار وقت الغده

: لا مو مهم عادي اشتغل

: لاااا بس اكمل لملف لي بيدي ونطلع

: تمام

بقه يشتغل واني كاعده لفت نتباهي بلكون لمكتب كمت اشوف اطلاله تجنن بقيت واكفه
لهوى صافي غمضت عيوني صرت احس بكل
نسمات الهوى فجأه اجا الموقف وصورت علي صارت بعقلي بلگوه لزمت نفسي حتى ما ابجي