زواج مصلحه

الحلقه 9

..
رفع راسه ملامحه وجه صعب افسرهم

: بخصوص اهلي

: حبيبي انتَ كلي اذان صاغيه

:  بعد ما خلصت متوسطه اهلي تعرضو الحادث

لزمت ايده بقوه هو ميباوع بعيوني

: وامي وابوي توفو

حسيت گلبي يتگطع  صرت الوم نفسي لان
مره
سالته وذكرته بيهم لهذه يتهرب من السؤال

: الله يرحمهم ويغفر لهم

حضنته بقوه

: وعد مثل ماكنت الي اهل حكون لك
ام واب وكل شي حلو تتمنى

اول مره احس بنفسي اناني ياربي سامحني
سويت
اني ياربي ستغليتها وستغليت حبها اترجاك
يارب تسامحني وداعتك يارب لو ماخوفي
خسارتها والفراك ماسويها

: حبيبي اميري

: نور مهما يصير لتعوفيني

: وعد بس ينتهي الوعد اذا انتَ عفتني وحبيت
غيري

: الموت اهون عليه ولا غيابج وبعدج عني

: اسم الله عليك حبيبي

ضحك ضربت انف ب انف

: واليوم كتلج اختي تصلت اكثر من مره

: اي صراحه شغلني الاتصال

: اعرف حسيت بيج لذلك حجيتلج

: شنو هي وين وليش مو وياك

: عايشه يم بيت عمي لان عدها كليه

: ها چبيره

: اي  سنه ثالثه صيدله

: فدوه حلوه مثلك

ضحك

: ليش اني حلو؟!

: مو بس حلو عندك كاريزما مميزه يعني حضورك ملفت وانتَ تعرف هل شي

ضحك وهز راسه ب اي

:  تريد تجي بلعطله كم يوم هنا طبعاً اذا تقبلين

: لا هل شي عيب اكيد البيت بيتها اني الضيفه

: لا انتِ ام البيت وام روحي وگلبي

: لا امير مااريد تفضلني ؏ اي شخص وخاصه
اختك لان لاخت حبها غير لازم تكون سندها
وله شون تسمى اخ

: توقعت هل شي يضوجج

: ليش؟؟

: لان تعرف زواجنه حقيقي

: والله

: اي لان فرحت ومحبيت اخرب فرحتها كل
ضنها حقيقي

: اي عادي ماكو مشكله

: شون تشوفج تنامي بغرفه واني بغرفه

: خلاص نام بغرفه وحده

: متخافين مني؟