عوالم مختلفة(ليبية_منقولة)

الحلقة 11

#عوالم_مختلفه 🌸
#الحلقه 11

نزل الصبح ولقى المكان هدوء عرف انهم راقدين بعد يوم امس شاف للخدامه يلي مصبيه وببرود
عيسى.. جيبيلي قهوه ع المكتب

مشى من جنبها و خش للمكتب قمعز ع الكنبه و خذا الملف و بدا يشوفله بتركيز لحد ماسمع دقات خفيفه ع الباب رفع راسه من الملف و شافلها و ابتسم
عيسى.. صباح الخير ، امتى نضتي

قدمت لوتي منه يلي مزالت بالبيجامه و شعرها محلول حطت القهوه قدامه و شافتله
لوتي.. صباح النور ، نضت ع صوت الباب لما طلعت

مسك الفنجان و رشف منه و شافلها وهز براسه بمعنى قمعزي ، خذت نفس و قمعزت جنبه تحط في خصلات شعرها ورا وذنها بتوتر و مش عارفه كيف تبدا تحكي معاه وهوا حاله هكي و مشاكل الدنيا فوق راسه ، شافلها و بهدوء
عيسى.. قولي شن تبي طفلتي  من الصبح

قربت اكثر منه و خذت نفس وشافتله بتحدي
لوتي.. اذا تبيني نساامحك عشان بساتك الكلبه هذكي اسمعني لان مازالت زعلانه

شافلها و ابتسم ع جنب عليها اهو بدت تهدد و تحدى فيه و بمكر وهوا ويشرب من القهوه
عيسى.. امم مرات مانقدرش ع طلبك

نزلت راسها وهيا تحارب في مشااعرها يلي ينكبن عليها كل ماتقرب منه وتوا مفروض تبان جديه و ماتبتسملش ،  اما هوا ابتسم عليها و بحنيه
عيسى.. تمام ياقلبي لكي شن ماتبي

توسعت ابتسااامتها اكثر لما خذت شن تبي و شافتله و بغباء
لوتي.. تعرف حد اسمه آدم ال**

وقف من شرب القهوه كان يحاول يصفي ذهنه لكن حتى هذا مش مسموح نزل الفنجان و شاف لوتي بحده و الغيره ولعت في قلبه وهوا يسمع فيها تسأل ع راجل ومن اخرى ال***  ومن امتى هيا تسأل ع الرجاله وبصوت حاول يخليه هادي لكن مبين فيه الحده و تهديد
عيسى.. من وين تعرفي واااحد كيفه و الاحسن انك تقولي

مش عارفه من وين جتها الجرائه و القوه عشان تقول
لوتي.. من مايعرفش آدم ال**  هوا عنده مصنع حديد و حتى انه اكثر راج...

ماقدرتش تكمل كلامه بسبب صوت عيسى يلي زلزل قلبها من الخوف
عيسى.. لوتييييييييي

وقبل ماتصبي بترهب مسك يدها و طيحها في كتره ، قعدت تحرك عشان بتفك روحها منه لاكن مسكها بقوه و نزل راسه عليها و حط كل عصبيته فيها ، اما هيا لفت يديها عليه و مسكت في ظهره و قلبها يدق بقوه ، رفع راسه و يتنفس بقوه من العصبيه ويشوف للاثر يلي خلااه ، حطت يدها ع رقبتها ومنزله وجها في صدره ماتبيش تشوفله و بصوت واطي تسأل ع غضبه
لوتي.. حول 

عض ع فمه بعصبيه و رفعها اكثر بيد وحده  وبيده لخرى نزل يدها من ع رقبتها و لمس مكانها و تنهد ، رفعت عيونها فيه والخوف فيهن
عيسى.. غمض عيونه بعصبيه لثواني و شافلها من جديد وبحده ،  رد بالك تذكري اسم رااجل مره اخرى قدامي ماتجربيش غيرتي عليكي و من الاحسن انك ماتحقيهاش بكل ، غيرتي عليك صعبه لدرجه نغار حتى من الهواء يلي تنفسي فيه  لذلك تفادي غيرتي احسن لكي و ليا وتنهد و كمل بحنيه وهوا و يسمح بشويه ع خدها ، فاهمه ياقلبي