عوالم مختلفة(ليبية_منقولة)

الحلقة 2

#عوالم_مختلفه🌸
#الحلقه 2

قعدت تشوفله بكل حب و هايمه فيه و في شخصيته و جماله ومن ماتهيمش فيه و هوا عنده كل صفات الرجوله ، حتى بروده معاها تعشقه ، ابتسمت بحب و هيا تشوف فيه يقرب منها قطعت عليهم مريم ،

مريم.. شن اخبارك يابنتي
يارا .. ردت بحشم مصطنع وهدوء ، الحمدلله ياعميمه تعبانه من الشغل بس
مريم.. ابتسمتلها بحب ، طبيعه شغلك متعبه ماشيه جايه ع هالمسرح
يارا .. ضحكت بشويه ، ماعندي ماندير هذا عرض الازياء

ابتسمت مريم و منحرجه من ولدها يلي خش و ماسلمش حتى عليها و هوا ساكت من بدري ، شافتله و ابتسمت فهم عيسى عليها انها تبيه يحكي و يشاركهم الكلام
عيسى.. مشى اصابعه ع حواجبه بتعب ، صاح شغلك متعب

ع شويا اخرا و طارت من الفرحه عشان كم هالكلمه يلي قالها لها و قالت بفرحه تحاول تخفيها ،
يارا.. فعلا معاك حق

سكت و معش قال كلمه اخرى وتفكيره كلا في طفلته اكيد توا تبكي ، تنهد و هوا يشوف للي جنبه بملل ، قاطع صمتهم آيار
آيار .. بضحكه ، شنو مازلتي مالقيتي فارس احلامك

سكتو كلهم من سؤال آيار الغبي ، اما يزن هز راسه ع فضول مراته وغبائها ، و عيسى ابتسم بخبث اما يارا نحرجت من سؤالها و معش عرفت ترد عليها بتقوللها نبي ولد خالتك المتزوج يعني ، اصرت عليها آخرى لما سكتت
آيار .. ماتحشميش قولي عادي نحن هلك ، وجتها قرصه من يزن يلي مقمعز جنبها
يزن.. طبس راسه عليها ، خلاص اسكتي شن دخلك بيها
آيار.. شافتله بعصبيه وسكتت

يارا.. ابتسمت ، مازلت مالقيته فارس احلامي

صبت مريم و قالت بتكلم البنات رقت فوق و كانت بدق الباب وقفت وهيا تسمع في كلام لوتي لآيلا ع الرسول ، غمضت عيونه و فتحت الباب بقوه و بعصبيه

مريم.. آيلااا صبي انزلي تحت

صبن هنا الثنين بخوف و قعدت آيلا تشوف لأمها ومش فاهمه عليش هيا عيطت ب أسمها هكي ،
مريم.. انزلي قلت
آيلا.. مسكت يد لوتي ، هيا نازلين
مريم.. لوتي خليك نبيك
آيلا.. شافتلها ب استغراب ، شن تبيها
مريم.. رفعت حاجبها من امتى تردي في كلامي انزلي و سكري وراك الباب
آيلا.. نفخت بقوه ، وطلعت و سكرت وراها الباب، حتنزل اكيد لا صبت تسمع عليهن 😂

لوتي.. ابتسمت بتوتر وهيا مشبكه يديها ، ماما في حاجه
مريم.. قدمت منها و مسكت يدها ، شوفي يالوتي كيف ما آيلا بنتي حتى انتي بنتي ومانسمحش لاي شي يضركن انتن لثنين ، اول ماجيتينا و عرفنا انك مسلمه خليناك ع دينك و قالنا لما تكبر حتختار هيا شن تبي و انتي اخترتي اسلامك و نحن تقبلنا الموضوع برحابة صدر لكن ماتشوشيش عقل آيلا بالكلام هذا مانبيكش تزعلي مني بس معش تحكي مع آيلا هكي
لوتي.. نزلت راسها و هزاته ب به وبصوت واطي ، حاضر
مريم.. ابتسمت بشويا ، حنقول للخدم يجيبولك العشاء لعند هنا أحسن ماتعلقي مع ميليسا باهي